Ibrani 6:2 - Alkitab Duri

² ba'tu bungah pangngajaran laen susinna to pangjioran, kapanglullungan pala', katuoan pole' jio mai kamatean, ba'tu pangsessa te'da cappa'na.

Ibrani 6:2 Referans Kwoze

Jamanna Rasulu' 6:6

Disua ngasanni male lako rasulu', napassambajanganni, napalullungngi pala'na mbarakka'ii.

Jamanna Rasulu' 24:25

Apa mpatarruhhi kadanna Paulus nakua, “Nang la mpugaukki' kameloan, ntaloi penawa katolinoanta', nasaba' ia ke Kiama'mi lino, la dira'tah kara-karana tolino.” Ia tonna sa'dingmi joo malaja'mi Gubernur Feliks nakua, “Aa, polemoko too! Ianna den wattungku', iapa kutambai pole'ko.”

Jamanna Rasulu' 23:6

Naissen Paulus kumua ia tuu lako Pangbicara Agama sesena to-Saduki na sesena to-Farisi. Iamo joo naandongngi mangkada nakua, “Ee, todipusile'to! Ia tee aku' to-Farisina', bati' to-Farisina'. Ia kudiparessa ntee, nasaba' kukatappa'i kumua la tuo pole' to tomate.”

Jamanna Rasulu' 17:18

Sihakiki tooi sola guru to nturu' pangngajaranna Epikuros na Stoa. Denni to mangkada nakua, “Apara la naissen tee tau! Sangkanuku malotongra to paissenna, apa buda kadari!” Ba'tu pira-pira tolaen nakua, “Susi ia to mpangpeissenan dewata jio mai tondok laen.” Ia namangkada susi joo, nasaba' ia to Puang Isa na katuoanna pole' tolino jio mai kamatean napangpeissenan Paulus.

Jamanna Rasulu' 16:33

Ia bang unamo joo bongi nasolanni kapala sola dua, nabaseii to kojongna. Ta'pa dijio' bang unami sintong repokkona joo kapala pangtarungkuan.

Jamanna Rasulu' 16:15

anna dijio' ngasan sintong repokkona. Ia tonna mangkamo dijio', napeta'dakan nakua, “Ee, kupusile'to, ia ammisangai kumua matappa' tonganmo' lako Puang Isa, mileppangpa dikka' mangbongi jio bolaku'.” Mengkamase-mase tonganni angkitorro mangbongi.

Jamanna Rasulu' 10:47

“Kitari tee mai tau, susi kita' diben toomi Roh Allataala. Jaji te'da nawa'ding nahalangngi tau ke dijio'i wai.”

Jamanna Rasulu' 2:41

Buda tau ngkatappa'ii to pangngajahna Petrus anna dijio'. Kerangngan omi budanna to tomatappa' joo allo agi-agi tallung sa'bu.

Jamanna Rasulu' 2:38

Napebalii Petrus nakua, “Mengkatoba' kamu' jio mai dosami, ammipada mpangben kalemi dijio' mpau sangan-Na Puang Isa Almaseh anna dampangan kamu' Puang Allataala, naben too kamu' Roh Allataala.

Yahya 1:33

Te'da kuissenni kumua Iamo Raja Mangpasalama', apa Puang Allataala to ssuana' njio' wai tau, mangka mpauanna' nakua, ‘Ia ke ngkitako Roh Allataala mellao jao mai langi', natorro jao mesa' tau, Iamo joo la njio' tau Roh Allataala.’ ”

Markus 16:16

Ia to tongkatappa'ii na dijio', la salama', nasaba' te'damo nadireken to salana, apa ia to tote'da nakatappa'ii la nasessa Puang Allataala.

Matius 28:19

Iamo joo malemo kamu' lako sininna bangsa lan lino, mipupenjajii taung-Ku'. Jio'i mpau sangan-Na Ambe', Anak na Roh Allataala.

Daniel 12:2

Buda to tomatemo la tuo pole'. Den to totuo pole'mo, la tuo te'da anggena, na den too to la disessa te'da anggena.

2 Petrus 3:7

Ia to langi' na lino tee too naampai Puang Allataala mpake kadan-Na, arannai nadete' wattunna la dira'tah kara-karana to tolino. Ia joo wattu la disabu'i to langi' na lino nakande api, anna ia to totangmangpesa'ding la disessa na disabu'i.

Ibrani 11:35

Den ba'tu pira-pira indo nnampa' pole' rapunna to matemo nadipatuo pole', sanga matappa'i. Den too tonneloran bang kalena disessa ratu lako matena. Cia'i dila'paran ke membalik pole'i kamatapparanna, sanga madoangngi dipatuo pole' nannampa' katuoan la'bih melo.

Ibrani 9:10

Sanga ia joo atoran passompan, susi una to atoran pemali to dikandena na diiso'na sola mangrupa-rupa atoran mangpemacero, te'da kasiumputanna sunga', apa napangben Puang Allataala dikua naturu'i taun-Na sanggenna dipaden to basse baru.

2 Timotius 2:18

Te'damo namenturu' lako pangngajaran tongan, na mpalao sala kamatapparanna tau. Mangkadai kumua, ia to katuoan pole' jio mai kamatean mangkami ia jaji.

Kolose 2:12

Nasaba' ia tommidijio', susi kamu' tomate, midilamun sola Almaseh ammidipatuo pole' too sola Almaseh, nasaba' matappa' kamu' lako kuasan-Na Puang Allataala to mangka mpatuo pole' Almaseh jio mai kamatean.

Filipi 3:21

Iamo la mpajajii tee batang kaleta' to tangmala'bih menjaji mala'bih susi kale-Na, mpake kuasan-Na to napake too ntaloi sininna apa.

1 Korintus 12:13

Jaji, ia to kita' tomatappa' dipupenjaji ngasanmiki' mesa' lan Almaseh, nasaba' pada najio'miki' Roh Allataala. La kita' to-Yahudi, la kita' bangsa tangngia to-Yahudi, la kita' tokaunan, la kita' tomaradeka, pada ngasanmiki' ntarima mesa' Roh Allataala.

1 Korintus 10:2

Na ia joo apa mangka jaji dipapadai kadijioran. Jaji, ia to tojolota' susimi todijio' ngasanni lan saleu' na lan tasik namenjaji anak gurunna Nabi Musa.

Roma 2:16

Susimi joo to la jaji ke Kiama'mi lino. Ia joo allo, situru' Kareba Kasalamatan kupangpeissenan, nasuai Puang Allataala to Puang Isa rra'tah kara-kara to membuni lan penawanna tolino.

Jamanna Rasulu' 26:8

Matumbari kita' tee to-Yahudi na te'da takatappa'i ke mpatuo pole'i tomate to Puang Allataala?

Jamanna Rasulu' 24:21

Ba'tu iaraka nasanga salaku' to kada sangbuku kupau lako sola ngasanni, kukua, ‘Iamo kudiparessa ntee tee allo, nasaba' kukatappa'i kumua la dipatuo pole' to tomate.’ ”

Jamanna Rasulu' 24:15

Sitonganna susi bang unana' tuu mati', pada kirannuan lako Puang Allataala kumua sininna tomate la napatuo pole' jio mai kamatean, la tomelo, na la togaja'.

Jamanna Rasulu' 4:2

Mabirihhi lako Petrus sola Yahya, sanga ia to nnajahhii tobuda kumua, tuo pole'mi to Puang Isa jio mai kamatean. Na iamo joo mpamanassai kumua la tuo pole' to tomate.

Yahya 5:29

Na ia to tomelo panggaukanna la messun lan mai lamunan anna tuo melo te'da cappa'na, apa ia to togaja' panggaukanna la messun too lan mai lamunan anna disessa.”

Lukas 14:14

Na la dibarakka'i kamu', nasaba' ia tuu lako tau te'da nalangkullei mpabalahhii to kameloanmi. La miampa' to pahalami jio mai Puang Allataala, ke wattunnami to tomelo dipatuo pole' jio mai kamatean.”

Lukas 12:50

Denpa kamaparrisan tonggo la kuperasai. Na te'da narapa' to penawang-Ku', ke te'dapi najaji.

Lukas 11:38

Jangngahmi joo to-Farisi ngkita Puang Isa kumande, nasaba' te'da nabasei limanna jolo', situru' atoran agama, namane' kumande.

Lukas 3:16

Apa napauanni Nabi Yahya kumua, “Kujio' kamu' wai, nasaba' mengkatoba'mo kamu' jio mai dosami. Apa den tau la ratu ke mangkana' la njio' kamu' Roh Allataala na den too kamu' dijio' api pangcalla. La'bih makuasa Ia na aku'. Moi la mbukai ulang sapatun-Na, te'da too kusipato'.

Markus 7:8

Mipupangbarang bua' to parenta-Na Puang Allataala ammituru' tonganni to atoran tolino.”

Matius 3:14

Apa te'da namelo Nabi Yahya njio'i. Nakuanni, “Aku'ra to sipato' la tajio'. Ciapari na Kita' ora ratu la mpangpejioran kale-Ta'?”

2 Korintus 5:10

Nasaba' la dipangngolo ngasanki' lako Almaseh antapada diben assele' panggaukanta', la panggaukan melo, la panggaukan gaja'.

Jamanna Rasulu' 13:3

Ia tonna mangka puasa sola massambajang, napassambajanganni to Barnabas sola Saulus, namane' ssuai sola dua male.