Ibrani 6:19 - Alkitab Duri

¹⁹ Ia joo rannunta' susi jangkar titanan mandalan antasamatappa'-tappa'na. Ia joo rannunta' ntarruh kaen pesapa' Ngenan Kaminang Macero jio Bola Puang Allataala jao suruga antamangngolo lako Puang Allataala.

Ibrani 6:19 Referans Kwoze

Ibrani 9:7

Imang Lompo manda to mentama Ngenan Kaminang Macero, na sipissen toori sangtaun napugauk. Ianna mentama, mbawai rara karoba napassompan lako Puang Allataala, meta'da anna didampangan ke den dosa te'da nadianggai'i moi to napugauk imang iarika tobuda.

Ibrani 9:3

Ia to lanna liu, to napasisarak kaen pesapa', disanga Ngenan Kaminang Macero.

Matius 27:51

Ia joo wattu, ia to kaen pesapa' lan Bola Puang Allataala ca'cei tipangdua jao mai ratu do', nino to padang, natipiak to buntu batu,

Kolose 3:1

Angahhi to apa jao suruga to nanii Almaseh cumadokko mangparenta jio sa'de kanan-Na Puang Allataala, nasaba' wa'ding dipau kumua dipatuo pole'mo kamu' jio mai kamatean sola Almaseh.

2 Timotius 2:19

Apa ia to pangngajaran tongan jio mai Puang Allataala susi pondasi mawatang to te'da nalatiroge. Den diuki' jio ntuu joo pondasi nakua, “Naissen Puang to taun-Na” sola “Te'damo nawa'ding mpugauk kagajatan to tomangngaku kumua, ‘Taunnana' Puang Allataala.’ ”

Jamanna Rasulu' 27:29

Napado'i to a'pa' sau jao mai boko' kappala', nasaba' malaja'i titampah jio batu karang. Natajanni kumua kenna mariwangmo.

Roma 4:16

Jaji ia joo basse menggaronto' lako kamatapparan, dikua namanassa kumua dipangben situru' kameloan penawan-Na Puang Allataala. Na ia ke napangbenni situru' kameloan penawan-Na, manassa la napugauk. Ia joo basse dipatuju lako ngasan bati'na Nabi Ibrahim, tangngia lako manda todiben atoran agama, apa ia ngasan to tomatappa' lako Puang Allataala, susi kamatapparanna Nabi Ibrahim, to tapuambe' sola ngasan.

Jamanna Rasulu' 27:40

Naka'tuanni to ulang sau, natallan do' tasik. Nabukai tooi to ulang dipake ngkapu' kemudi, namane' mpaendekki to sompa' jio ulu kappala', dikua nairi'i angin lako randan tasik.

Ibrani 4:16

Iamo joo tapada mbaranian kaleta' mangngolo lako Puang Allataala to mpakamoja'ki'. Ia ke tapugaukki susi joo, la taperasai to pangkamasean-Na sola kameloan penawan-Na, nasaba' te'da namela' ntulungki' tontaparalluii.

Efesus 2:6

Napatuo pole'miki' sola Almaseh, napacadokkoki' jao cadokkoan mala'bih sola Almaseh jao suruga antamangparenta sola, nasaba' memmesa'miki' sola Almaseh.

1 Korintus 15:58

Ee, tomala'bihku' to kupakamoja'! Iamo joo la mpemawatangngi kamu' kamatapparanmi, danggi' nasitawa-tawa to penawammi. La mpangjaman tarruh kamu' Puang Allataala, nasaba' miissen kumua, sininna to apa mijaman Puang Allataala, den ngasan bua'na.

Jamanna Rasulu' 23:6

Naissen Paulus kumua ia tuu lako Pangbicara Agama sesena to-Saduki na sesena to-Farisi. Iamo joo naandongngi mangkada nakua, “Ee, todipusile'to! Ia tee aku' to-Farisina', bati' to-Farisina'. Ia kudiparessa ntee, nasaba' kukatappa'i kumua la tuo pole' to tomate.”

Roma 4:18

Moiraka nabutung te'damo rannunna Nabi Ibrahim la nnampa' anak, apa matappa'i kumua la menjaji ambe'nai buda bangsa. Nakatappa'i to napau Puang Allataala kumua, “Ia to bati'mu la susi bintuin budanna.”

Roma 5:4

na ia ke mawatangki' te'da tapugauk kasalan ke nakannaki' pecoba antaparannu.

1 Korintus 13:13

Jaji, den tallung rupa to la tapugauk tee too, iamo to matappa'ki', mangrannuanki', antapakamoja' padanta' rupa tau. Na ia to kaminang parallu jio mai joo tallu, iamo to mangpakamoja'.

Kolose 1:27

Madoangngi Puang Allataala mpangpekitanni lako sininna umma'-Na to melona sola mala'bihna joo akkatta-Na lako kamu' bangsa tangngia to-Yahudi kumua, natorro too Almaseh lan kalemi, na iamo buttinna kumua la turu' toda kamu' mperasai kamala'biran-Na Puang Allataala jao suruga.

1 Petrus 1:3

Tamangkurru sumanga' lako Puang Allataala, Ambe'-Na Puangta' Puang Isa Almaseh! Liwa' Ia ngkamaseiki', anna patuo pole'i to Puang Isa Almaseh antawa'ding nnampa' katuoan baru. Iamo joo tangbataki' rrannuan Puang.