Ibrani 6:18 - Alkitab Duri

¹⁸ Ia joo dua, iamo to basse-Na sola sapah-Na te'da namembali, sanga te'da nakullei Puang Allataala mangnguraga. Susimi joo napamasumanga'ki' kita' to napasalama'mo Puang Allataala, antarannuan tarruh Puang Allataala kumua la napugaukki to apa nabasseanki'.

Ibrani 6:18 Referans Kwoze

Titus 1:2

namangrannuan kumua la nnampa'i katuoan melo te'da cappa'na, to nabassemo Puang Allataala to tangmangnguraga tonna te'dapa nadipaden tee lino.

2 Timotius 2:13

Ia ke tapaboko'i penawa, tatta' Ia nningaranki', nasaba' nang susimi Ia.”

Roma 3:4

Tantu te'da! Moi namangnguraga ngasan to tolino, tonganni ia to napau Puang Allataala, susi to nauki' Raja Daud lan Sura' Allataala, “Oo Puang! Ia to kadan-Ta' la naissen tau kumua tongan, ia ke dikara-karaki' Puang, pataloki'.”

1 Yahya 1:10

Apa ia ke mangkadaki' kumua te'da tamadosa, butung tasangai kumua mangnguragai to Puang Allataala na te'da taparinawai to kadan-Na.

Yosua 20:3

Jaji ia ke denni tau susi joo, wa'dingngi male mpalaian kalena membuni lako ntuu joo kota jio mai to tolampembalahhii.

Ibrani 3:11

Angkumagalli kumassapah kukua: Nang la te'damo namentama ntuu joo tondok, to nanii kenden tarruhmo sola Aku'.’ ”

1 Timotius 1:1

Ee, Timotius, to kupuanak, sanga matappa'moko lako Puang Isa nasaba' pangngajahku'! Aku' Paulus ngkiringanko tee sura'. Pakkaeloran-Na Puang Allataala, Tomangpasalama'ta' kumenjaji rasulu'-Na Puang Isa Almaseh to tarannuan. Dennaa upa' nabarakka'iko nakamasei tooko Ambe' Puang Allataala sola Puangta' Puang Isa Almaseh nabenko kamasannangan.

Roma 3:25

Mangkami napangkaroban Puang Allataala to Puang Isa Almaseh nalolong rara-Na, dikua anna ia to tomatappa' wa'ding dila'bak jio mai kuasa dosa. Iamo joo nanii Puang Allataala mpangpekitanni to kamarurusan-Na, nasaba' ia tonna jolona te'da nadipabalahhi dosana to tolino.

Kada Bulawan 4:13

Pentoei mandikki to pangpangngajah mangka kupauanko, danggi' ra'pananni. Parakai meloi, nasaba' iamo garonto'na katuoanmu.

1 Yahya 5:10

Ia to tomatappa' lako Anak Allataala natarimamo to apa napau Puang Allataala. Apa ia to tote'da nakatappa'i Puang Allataala, padai tossanga pangnguragai to Puang Allataala, nasaba' te'da nakatappa'ii to apa napau mpatui to Anak Allataala.

1 Timotius 6:12

Moi nabuda ewalimmu, apa la tatta'ko matappa', ammutarima paraseng katuoan melo te'da cappa'na. Iamo joo napileimoko Puang Allataala, tommumangngaku jio olona tobuda kumua matappa'moko lako Puang Isa Almaseh.

Roma 15:5

Dennaa upa' na Puang Allataala, to mangpasabbara' sola mangpakatana, la ntulung kamu' ammituo mesa' penawa situru' pakkaeloran-Na Puang Isa Almaseh.

Ibrani 11:7

Napugaukki Nabi Nuh to apa nasuanni Puang Allataala, sanga matappa'i. Napauanni Puang Allataala apa to la jaji to te'dapa nakitai. Mengkaturu'i Nabi Nuh lako Puang Allataala anna kabua' mesa' kappala' dikua napasalama'i sintong repokkona. Susimi joo tonna disessamo to tolino, apa ia to Nabi Nuh napupenjaji tomelo Puang Allataala, sanga matappa'i.

1 Tesalonika 1:10

Nacurita toopa kumua mitajan tongan to karatuan-Na pole' Anak Allataala jao mai suruga, iamo to Puang Isa to mangka napatuo pole' Puang Allataala jio mai kamatean. Puang Isamo la mpasalama'ki' jio mai pangsessa-Na Puang Allataala keanu'.

Kolose 1:27

Madoangngi Puang Allataala mpangpekitanni lako sininna umma'-Na to melona sola mala'bihna joo akkatta-Na lako kamu' bangsa tangngia to-Yahudi kumua, natorro too Almaseh lan kalemi, na iamo buttinna kumua la turu' toda kamu' mperasai kamala'biran-Na Puang Allataala jao suruga.

Kolose 1:23

Apa la tatta' kamu' matappa', danggi' nasitawa-tawa to penawammi. La mirannuan tarruhhi to Puang Allataala kumua la napugaukki to apa nabassean kamu' lan Kareba Kasalamatan to mangka misa'ding. Ia joo Kareba dipangpeissenanmo lako issinna lino. Na ia tee aku' Paulus menjajimo' tompangpeissenanni.

Lukas 2:25

Ia joo wattu, den tau disanga Simeon torro jio kota Yerusalem. Tomelo penawa joo tau na ngkasiri' Puang Allataala, ntajan bang wattunna Puang Allataala la mpasalama' to-Israel. Nakuasai bang Roh Allataala.

Matius 24:35

Ia to langi' sola lino la lanynya', apa ia to kadang-Ku' la tatta' te'da cappa'na.”

Ibrani 7:21

Apa massapah Puang Allataala anna diangka' Puang Isa menjaji imang. Ia joo wattu nakuanni Puang Allataala, “Aku' Puang massapahmo, na te'da kulassullei kadang-Ku', ‘Ikomo to imang te'da cappa'na.’ ”

Ibrani 3:6

Apa Anak to Almaseh to dipabarakkanni jaman ntulung sininna taun-Na Puang Allataala. Na kita'mo tee to taun-Na, ke da'tanki' matappa' sola da'tanki' mangrannuan lako manda Puang Isa.

Kolose 1:5

Matappa' kamu' misipakamoja', nasaba' mirannuan to Puang Allataala kumua la naben kamu' to apa napasadianmo kamu' jao suruga, situru' Kareba Kasalamatan to mangka misa'ding jolona. Tongan joo Kareba Kasalamatan,

Filipi 2:1

Mangkami Almaseh mpamasumanga' kamu', na ia to pangpakamoja'-Na mpamasannangmo kamu', na Roh Allataala mpamesa' penawamo kamu', ammisipakamoja', misikamasean.

Matius 3:7

Apa ia tonna kitai kumua buda to-Farisi sola to-Saduki ratu kumua nadijio' toda, mangkadami nakua, “Ee, kamu' bati' ulah balu! Te'da mikullei mpalaian kalemi jio mai pangcalla-Na Puang Allataala to la ratu!

Kada Bulawan 3:18

Kamaccan butung garonto' kaju mpaden katuoan lako tonnampuii, napumasannang tompentoeii.

Roma 5:5

Na ia joo kaparannuanta' te'da natangmpamasannangki', nasaba' ia to Roh Allataala nabenki' Puang Allataala, la mperasai pangpakamoja'-Na.

Ibrani 6:17

Madoangngi Puang Allataala mpamanassai lako to ntarimai to apa nabasseanni kumua te'da natanglampatarruhhi to akkatta-Na. Iamo joo namassapah tonna pau basse-Na.

Ibrani 7:19

sanga ia to atoranna Nabi Musa te'da nakullei mpupenjaji melo tau, moi mesa'. Na ia to tarannuan tee too la'bih melo na ia to dirannuan jolona, antabarani mangngolo lako Puang Allataala.