Ibrani 5:14 - Alkitab Duri

¹⁴ Ia to kande makarrah dipasadian tomasaranianmo. Tomasaranianmo battuananna ia joo tau nnissenmo to disanga melo na gaja', naturu'i to melo.

Ibrani 5:14 Referans Kwoze

1 Tesalonika 5:21

apa la mipikkiri' meloi joo kada. Ianna tongan kumua pepasan jio mai Roh Allataala, pugaukki.

Efesus 1:18

Kupassambajangan too kamu', napapahangngi kamu' Puang Allataala, ammiwa'ding nnissenni to apa mirannuan jio mai Puang Allataala to mangka mpilei kamu' menjaji umma'-Na. Ammiissenni kumua liwa' melo to apa nabasse Puang Allataala lako umma'-Na.

1 Korintus 2:6

Moi nasusi joo, mpakekan kapaissenanki' ke sipangkadamokan to masaranianmo. Na ia joo kapaissenanki' tangngia kapaissenan naajarankan tolino ba'tu kapaissenan to naampui to tongkuasaii tee lino, sanga la lanynya' joo tongkuasaii.

Efesus 4:13

Ia ke susimi joo, memmesa' penawamiki', nasaba' pada matappa'miki' lako Anak Allataala na pada tapahangngi kumua indara Ia. Tomasaranianki' na samasai-sainna arannai sukku'ki' susi Almaseh.

Filipi 3:15

Ia tomasaranianmo la mangpikkiri' susiki' joo. Apa ia ke den kamu' mangpikkiri' laen, na Puang Allataalamora mpamanassai joo lako kalemi.

Roma 14:1

Tarima meloi to padammi tomatappa', moi to malamma kamatapparanna. Danggi' misite'gehhi to pahangna toda ia.

Matius 5:48

Ia to Ambe'mi Puang Allataala jao suruga mpakamoja' sininna tolino. Iamo joo la susi toda mipugauk.”

Yakub 3:2

Kita' sola ngasan biasaki' mpugauk mangrupa-rupa kasalan. Apa ia to tote'da bang nasala lan buangan kadanna, iamo tau to te'da caccana, sanga nakulle ia nta'tan kalena.

1 Timotius 4:7

Danggi' mumatean wattu lako curita tojolo to tangkebattuan na tangdiangga' too to Puang Allataala, apa la tatta'ko mpangben kalemu lako Puang Allataala.

Ibrani 6:1

Iamo joo melo ke mipamulai mpelajahhii to pangngajaran kasaranian to sipato' dipangngajaran lako to masaranianmo, danggi' na ia manda mipelajahhi to bungah pangngajaran. Danggi' omo na ia midadu'-dadu' bang to bungah pangngajaran to kumua la tatorroimi mpugaukki to apa te'da bua'na, na la matappa' lako Puang Allataala,