Ibrani 5:13 - Alkitab Duri

¹³ Ia to tongkandepa tollo', battuananna pea biccu'pa ia, te'dapa naissenni to disanga melo na gaja'.

Ibrani 5:13 Referans Kwoze

1 Petrus 2:2

Apa la susira kamu' topea'-pea' mane' jaji to tuli mawakke bang madoang nniso' dadik massang, iamo to kadan-Na Puang Allataala. Na ia ke mipesa' tonganni to kadan-Na Puang Allataala, la masaranianmo kamu' ammisalama'.

1 Korintus 14:20

Ee, tomala'bihku' sola ngasan! Danggi' mimangtangngah susi tote'da apa naissen. Sibalikanna la mangtangngah susira kamu' tomasaranianmo. Apa ianna kagajatan, la da'tan kamu' susi tote'dapa apa naissen.

2 Timotius 3:16

Sininna to diuki' lan Sura' Allataala, kadan-Na Puang Allataala. Den bua'na na melo dipake mpangpangngajaranni to tonganna, mangpakainga', mpemeloi togaja' anna manggauk melo, sola nnajahhi tau anna turu' pakkaeloran-Na Puang Allataala.

Efesus 4:14

Te'damo tasusi tontamane' matappa' napamale melako mangrupa-rupa pangngajaranna tokalasi, to madoang mpalao sala ba'tu nnuragaki'.

1 Korintus 3:1

Ee, tomala'bihku' sola ngasan! Ia tongkuiti' unapa, te'da naden kupangkadai kamu' susi tosipangkada tonnampuimo Roh Allataala. Apa susira' tossipangkadan tonturu'pa kamadoangan penawanna, ba'tu butung pea'-pea'pa to kamatapparanna lako Almaseh.

2 Korintus 3:9

Na ia ke mala'bih joo atoran agama, to mbawa pangsessa lako tolino, tantu la'bih pole' opa ia mala'bihna joo basse baru to nneloran tolino dipupenjaji tomelo.

1 Korintus 13:11

Ia tongkupeapa, mangkada peana', mangpenawa peana', na mangpikkiri' pea toona'. Apa ia tongkumatonggomo kusulleimi to sipa' kapeanku'.

Markus 10:15

La miingaran tee kada kupauan kamu' kumua, ia to tote'da nasusi pea biccu' ntarimai to kaparentan-Na Puang Allataala, te'da nalamenjaji umma'-Na Puang Allataala.”

Matius 11:25

Ia joo wattu massambajangmi Puang Isa nakua, “Oo Ambe', Puangna langi' sola lino. Mangkurru sumanga'na' lako Ambe', nasaba' ia ngasan joo tabunianan lako tomandalan pahangna sola tomacca, tapangpeissenanmi lako totangpaissen.

Roma 2:20

Mikanassai too kumua tomangpatuju kamu' lako totangmessipa', mimangngajahhi too lako tobango'. Mikanassai kumua miampa' to kapaissenan sola pangngajaran tongan lan atoranna Nabi Musa.

2 Yahya 1:11

Ia to tossuju'i to tosusi joo, padai tonturu' todai to panggaukan gaja'na.