Ibrani 4:14 - Alkitab Duri

¹⁴ Denmo Imang Lompo tomala'bihta' to malemo de' suruga mangngolo lako Puang Allataala, iamo to Puang Isa, Anak Allataala. Iamo joo la matappa' tarruhki' na danggi' tapessakkannii kumua tangngia Puangta' to Puang Isa.

Ibrani 4:14 Referans Kwoze

Ibrani 9:24

Na ia to Almaseh te'da namentama tenda passompan panggaraga tolino to bajo-bajona Tenda-Na Puang Allataala jao suruga. Apa mentamai suruga namangngolo lako Puang Allataala. Jaoi tee too la mpangkadananki'.

Ibrani 12:2

La tapugaukmi tapatuju lakoi Puang Isa to penawanta', to mpadenni to kamatapparanta', napupenjajiki' masaranian. Gaja mesirisan joo kamatean jao kaju sitamben. Apa moi nasusi joo te'da nasipattekanni, sanga ia manda naingaran to kamasannangan la naperasai undinna. Na ia tee too cumadokkomi jio kananna cadokkoan mala'bih-Na Puang Allataala namangparenta sola.

Ibrani 10:23

La mawatangki' mangrannuan lako to apa mangka diajaranki'. La dikatappa'i to Puang Allataala, sanga tuli napugauk to basse-Na.

Ibrani 9:12

Ia tonna mentama Tenda-Na Puang Allataala to Almaseh, tarruhhi tama Ngenan Kaminang Macero mangngolo lako Puang Allataala. Ia joo wattu te'da nambawa rara beke bulolo' ba'tu rara anak sapin la dipassompan, apa rara kale-Na to la napassompan. Pissen bangri joo, te'da naparallu didadu', sanga ia joo rara-Na napake lla'bak tarruhki' te'da cappa'na.

Ibrani 6:20

Najoloanmiki' Puang Isa lako ntuu joo, na menjaji Imang Lompota' te'da cappa'na, susi imang Melkisedek.

Efesus 4:10

Jaji, Ia to Almaseh to mangka mellao, Ia toomo mangka endek de' ngenan majaoannapa na langi', kumua napasukku'i to sininna apa lan lino.

Roma 8:34

Te'da ia tau ngkullei ncallaki', sanga Puang Isa Almaseh la mpangkadananki'. Iamo to mangka mate, natuo pole' na cumadokkomo sola Puang Allataala.

Ibrani 3:14

Sanga kita' ngasanmo nnampa' barakka' jio mai Almaseh, ke matappa' tarruhki' susi tontamane' matappa' ratu lako ssalainta' lino.

Ibrani 2:17

Jaji, mentolinomo to Puang Isa namenjaji susi tolino, anna wa'ding menjaji Imang Lompo mangpakamoja', to njama tarruh jaman-Na Puang Allataala. Na ia ke susii joo, wa'dingngi mpasikalino Puang Allataala na tolino na ndampangan too tolino.

Ibrani 10:12

Apa ia to Almaseh pissenri mpassompan kalena la ndampangan tolino, na ia joo pangkaroban te'da naparallu didadu'. Mangkai joo too cumadokkomi jio sa'de kanan-Na Puang Allataala namangparenta sola.

Ibrani 8:1

Ia to garonto'na sininna tee kupau: Iamo to Imang Lompota' cumadokko jao suruga jio sa'de kanan-Na Puang Allataala to kaminang makuasa, anna mangparenta sola.

Jamanna Rasulu' 1:11

nakuanni, “Ee, kamu' to-Galilea, mangngapa kamu' sijenjenan bang ntuu mentingngara de' langi'? Ia to Puang Isa mikita tiangka' lan mai tangnga-tangngami de' suruga, la ratu unapa susi bang una to mikita nena'.”

Ibrani 1:8

Apa ia to Anak nakuanni Puang Allataala, “Ee, Allataala, ia to kaparentan-Mu la te'da cappa'na! Maruruh to kaparentan-Mu.

Jamanna Rasulu' 3:21

La torroi jao suruga sanggenna nabarui Puang Allataala to pangpajajinna, susi to napasan nabin-Na tonna anu'.

Lukas 24:51

Ia tonna pugaukki joo, tiangka'mi de' suruga anna messarak jio mai anak gurun-Na.

Markus 16:19

Ia tonna mangkamo Puang Isa sipangkada sola anak gurun-Na, tiangka'mi de' suruga, na cumadokko jio sa'de kanan-Na Puang Allataala.

Ibrani 2:1

Mala'bih to Almaseh na ia to malaeka'. Iamo joo nagaja paralluki' nningaranni to pangngajah mangkamo tasa'ding, danggi' nasata'de-ta'dena to kamatapparanta'.

Markus 1:1

Iamo tee Kareba Kasalamatan mpamanassai to Puang Isa Almaseh kumua, Iamo Anak Allataala. Susimi tee to pamulanna.

Matius 4:3

Ratumi to Ballisi' mpengkulle-kullei ssedei mpugauk dosa nakua, “Suai tee batu menjaji kande, sanga Anak Allataalako.”

2 Korintus 9:13

Ia ke nakitai umma'-Na Puang Allataala jio tana Yudea tee panggaukan melomi, la mpakala'bihhi Puang Allataala, nasaba' nakitai kumua mangkamo mitarima to karebanna Almaseh, ammituru' tonganmi. Buttinna kumua mangpangbenmo kamu' situru' canning atimmi lako to-Yudea sola tolaen.

2 Korintus 12:2

Den kuissen mesa' tomatappa' lako Almaseh to sangpulo a'pa'mi taunna mangkanna disolan cingga'tu' de' suruga kaminang majao. Te'da kupahang tonganni kumua batang kalena tonganrika disolan, iarika pengkitanna bangra, apa Puang Allataala nnissenni.

Ibrani 3:1

Ee, todipusile'to padangku' tomatappa' to mangkamo napilei Puang Allataala la mentama suruga! Ingaran meloi to sipa'-Na Puang Isa to takatappa'i, to napattantu Puang Allataala menjaji Rasulu' na Imang Lompo lan agamanta'.

Ibrani 7:3

Ia tee imang Melkisedek te'da bang apa diissen to jiona kalena, la tomatuanna ba'tu nunnungan nenena, te'da ia pamulanna, na te'da too cappa'na to katuoanna. Susii Anak Allataala, sanga tatta'i imang te'da cappa'na.

Ibrani 10:29

Tantu la'bih disessai to tocia'mo matappa' lako Almaseh. Ia tuu lako tau susi to llese-lese Anak Allataala. Te'da toomo naangga'i to rara basse-Na Puang Allataala, iamo to kamatean-Na Almaseh, to mangka mpupenjaji tau, tau mesan-Na Puang Allataala. Te'da too naangga'i to Roh Allataala to nabenki' Puang Allataala, sanga kameloan penawan-Na.

1 Petrus 3:22

Na endekmi de' suruga, nacumadokko jio sa'de kanan-Na Puang Allataala namangparenta sola, mparenta sininna malaeka', sininna tomakuasa na tomangparenta to wa'ding ngkuasai tolino.