Ibrani 4:12 - Alkitab Duri

¹² Kada tuo na mawatang too to kadan-Na Puang Allataala, na la'bih mataran na ia to pa'dang mataran patomali. Susi pa'dang ntarruh kale ratu lako panglesoan na buku lampa, susi too kadan-Na Puang Allataala ntarruh penawa nnissen pikkirisanna sola akkalanna tolino.

Ibrani 4:12 Referans Kwoze

Efesus 6:17

La ntarima kamu' songko' bassi kasalamatan. La ntarima too kamu' pa'dang to naben kamu' Roh Allataala, iamo to kadan-Na Puang Allataala.

1 Petrus 1:23

La sipakamoja' kamu', nasaba' pole jio mai kadan-Na Puang Allataala, ammimenjajimo tobaru susi to dijajian pole', to te'da najaji jio mai tolino to la mate, apa dijajian jiora kamu' mai kada to tuo te'da cappa'na.

Pengkitanna Yahya 1:16

Lima kanan-Na ntoe pitu bintuin anna den pa'dang mataran wali-wali messun lan mai anga'-Na. Ia to lindo-Na mangngarrang pasillo susi allo ke tangngai allo.

1 Tesalonika 2:13

Denpa mesa' napusaba', angkituli mangkurru sumanga' lako Puang Allataala. Iamo to kumua, ia tongkipangpeissenanni lako kamu' to kareba jio mai Puang Allataala, mipesa'dingngii mitarimai joo kareba, tangngia kumua pole jio mai tolino, apa mikatappa'i kumua pole jio mai Puang Allataala. Tongan kumua kadan-Na Puang Allataala joo kareba, to da'tan mangjama lan penawammi to tomatappa' lako Puang Isa.

Roma 1:16

Kukatappa'i tongan kumua ia to Kareba Kasalamatan iamo kuasan-Na Puang Allataala. Iamo carana Puang Allataala mpasalama' tomatappa' lako Puang Isa, la to-Yahudi, la bangsa tangngia to-Yahudi.

Pengkitanna Yahya 19:15

Den pa'dang liwa' taran messun lan mai anga'na, na iamo napake la ntaloi sininna bangsa. Naparentai mpake tekken bassi, nalese tooi to anggoro' lan panglulluran anggoro' kamabirisan-Na Puang Allataala, battuananna mpangpekitanni kamabirisan-Na.

Efesus 5:13

Apa la pajan kumua gaja' to panggaukanna, ke naissenmi to pakkaeloran-Na Puang.

Lukas 8:11

Napauanmi Puang Isa battuananna joo pangpasusian nakua, “Ia to banne iamo to kadan-Na Puang Allataala.

Yahya 6:51

Aku'mo kande to mellao jao mai suruga, kande to naputuo tau. Ia to tongkandei tee kande, la tuo tarruhhi. Ia to kande la kuben tau lan lino naputuoi, iamo tee batang kale-Ku'.”

Pengkitanna Yahya 19:21

Na ia to surudadunna dibuno mpake pa'dang to messun lan mai anga'-Na joo tossakei nyarang mabusa. Ratu ngasanmi to manuk-manuk ngkandei samosona juku'na tuu lako to dibuno.

Pengkitanna Yahya 2:16

Iami joo, mengkatoba' kamu' jio mai dosami. Ia ke cia' kamu', la ratuna' mati' madoi' rrarii tuu mati' tau, mpake pa'dang mataran wali-wali to messun lan mai anga'-Ku'.

Ibrani 13:7

Ingaranni to pekaamberan jamaa to mangkamo mpangpeissenan kadan-Na Puang Allataala lako kamu'. Ingaran tooi matumba to sipa'na ratu lako matena, ammialai palelean mata to kamatapparanna.

Jamanna Rasulu' 4:31

Ia tonna mangkamo massambajang, tirogemi to nanii, anna kuasai ngasanni Roh Allataala, nabarani mpangpeissenan kadan-Na Puang Allataala.

Jamanna Rasulu' 2:37

Masussami penawanna to tobuda tonna sa'dingngi, anna kutanaii to Petrus sola to rasulu' laenna nakua, “Ee, todipusile'to, ianna susi joo naapamo la kipugauk?”

Pengkitanna Yahya 2:23

Sininna to tonturu'i la kubunoi too, anna issenni sininna jamaa kumua Aku' Puang to ntarruh penawanna tau. Na la kupabalahhi kamu' situru' panggaukanmi.

Pengkitanna Yahya 20:4

Mangkai joo too ngkita omo' ba'tu pira-pira cadokkoan mala'bih, na ia to cumadokko jao diben kuasa mangra'tah kara-kara. Kukita tooi bombona to todile'toi ulunna, sanga mpangpeissenanni karebanna Puang Isa na kadan-Na Puang Allataala. Ia tuu lako tau te'da ia nasompai to olok-olok sola tau-taunna. Te'da too natarimai to tandana joo olok-olok to dipajio kide na lima. Tuo pole'i namangparenta sola Almaseh sangsa'bu taunna.

1 Tesalonika 5:23

Dennaa upa' na Puang Allataala, to mpangbengan kamasannangan, mpupenjaji kamu' tau mesan-Na, na dennaa upa' na Ia njagai to penawammi, tangngahmi, na panggaukanmi nadanggi' mikasalan nate'da caccami, ke ratu pole'i Puangta' Puang Isa Almaseh.

2 Korintus 4:2

Te'da kipugaukki to sininna panggaukan membuni to mesirisan, tangngia tookan pangnguraga iarika tompau sala kadan-Na Puang Allataala. Apa Puang Allataala ngkitakan kumua tangmembunikan kipangpeissenanni to pangngajaran tongan. Kieloranni to sininna tau ntimbangkan lan penawanna.

Kada Bulawan 5:4

apa undinna memmapai' susi pa'du namataran susi pa'dang mataran patomali.

Yakub 1:18

Mangkamiki' napuanak situru' pakkaeloran-Na mpake pangngajaran tongan. Iamo napugaukki susi joo, sanga napamala'bihki' na ia to sininna olok-olok napaden.

2 Korintus 2:17

Te'da kisusi to napugauk buda tau, kumua ia to kadan-Na Puang Allataala napasusi bangri ewanan didangkangan. Apa maruruh to akkattaki'. Puang Allataala Ia ssuakan mpangpeissenanni joo karebanna Almaseh na Iamo ngkitakan kumua kipangpeissenanni susi to sipato'na taun-Na Almaseh.

1 Korintus 1:24

Apa ia to tonapileimo Puang Allataala, la to-Yahudi, ba'tu bangsa tangngia to-Yahudi, napahang kumua, iamo carana Puang Allataala mpapajan kuasan-Na sola kapaissenan-Na.

Jamanna Rasulu' 5:33

Gaja pallai tuu lako Pangbicara Agama tonna sa'dingngi joo, namadoang la mbunoi to rasulu'.

Yahya 12:48

Ia to tocia' ntarimana' sola tocia' mpesa'dingngi kadang-Ku', iamo joo kada kupangpeissenan la rra'tah kara-karana ke Kiama'mi lino.

Jamanna Rasulu' 7:38

Nabi Musamo to lan tangnga-tangngana to-Israel jio padang pallawangan mpangpeissenanni lako tojolota' to apa napauanni malaeka' jao Buntu Sinai. Iamo ntarimai to kada diputuo pole jio mai Puang Allataala to disimanahhi ratu lako kita'.

Efesus 5:26

Susimi joo napatorro leko' kamu' Almaseh ammimenjaji tau mesan-Na. Nadampangan kamu' mpake wai pangjioran sola pangngajah-Na.