Ibrani 4:11 - Alkitab Duri

¹¹ Iamo joo melo ke tapengkulle-kullei mentama ntuu joo tondok kakendenan to nabasse Puang Allataala, dikua danggi' naden tau tangmentama, susi to-Yahudi tonna anu', sanga cia'i matappa' lako Puang Allataala.

Ibrani 4:11 Referans Kwoze

Ibrani 3:18

Na indara to mangkamo napassaparan Puang Allataala, kumua te'dai la mentama tondok to nanii kenden tarruhmo mangjama sola Ia? Ia to tocia' menturu' lako Puang Allataala.

Lukas 13:24

“Ia to tau dipasalama' wa'ding dipasirapang tomentama ba'ba si'pi'. Iamo joo pengkulle-kullei mentama nnola ba'ba si'pi', nasaba' buda tau mpengkullei mentama apa te'da nakullei.

Ibrani 6:11

Gaja kirannuan kumua kemmipada masumanga' tarruh ratu lako cappa'na ammitarimai to apa mirannuan.

Efesus 5:6

Danggi' mieloranni to tau susi joo mpalao sala kamu' mpake kada-kada mala'bih apa sitonganna te'da natongan. Nasaba' mabirih Puang Allataala lako to tocia' nturu' parenta-Na.

Ibrani 3:12

Ee, tomala'bihku'! Ingaran meloi, danggi' naden to mangpenawa gaja' susi joo, ammicia' matappa' lako Puang Allataala to tuo.

Titus 1:16

Mangngakui kumua nnissen Puang Allataala, apa sitonganna diissen kumua mangnguragai nasaba' te'da naturu' pakkaeloran-Na Puang. Meko'dosan na cia'i nturu' Puang. Te'da bang nakullei mpugaukki to disanga melo.

Filipi 2:12

Ee, tomala'bihku' sola ngasan to kupakamoja'! Susi tongkutorropa lan tangnga-tangngami, la'bih-la'bih tee too moi mambelana' jio mai kalemi, la tatta' kamu' nturu'i to pangngajahku'. Mangkamo kamu' napasalama' Puang Allataala. Jaji, la mipengkulle-kullei tuo susi sipato'na umma'-Na Puang Allataala, iamo to ssompa Puang mimalaja' mpugauk kasalan.

Titus 3:3

Nasaba' moi kita' tonna jolona bango' tooki', antalao sala, te'da too taturu' Puang Allataala. Napukaunan tooki' mangrupa-rupa kamadoangan sola pakkaeloran penawa. Mpugauk tooki' kagajatan sola masere ati, na massikaba'ci bangki'.

Kolose 3:6

Ia ngasanmo joo la mparatu kamagallian-Na Puang Allataala lako totangnturu' Puang.

Jamanna Rasulu' 26:19

Mpatarruhpa kadanna Paulus nakua, “Tomala'bihku' Raja Agripa! Tuli kupengkullei kita' nturu' meloi apa to mangka napau Puang lan joo pengkita.

Lukas 16:16

Ia to atoranna Nabi Musa na pangngajaranna nabi laen tatta'i dipake angge wattunna Nabi Yahya. Mammulami joo wattu dipangpeissenan tarruh to Kareba Kasalamatan umbo nakua Puang Allataala mangparenta susi Raja. Na napassialai tongan tau la menjaji umma'-Na Puang Allataala lan kaparentan-Na.

Matius 11:12

Sipamulanna Nabi Yahya mangngajahhi ratu lako too allo, buda tau nnewamo kaparentan-Na Puang Allataala madoang la rampa kuasan-Na.

Matius 7:13

Mangngajahhimi Puang Isa nakua, “Nnola tama kamu' babangan si'pi', nasaba' maluah to babangan na maluah too to lalan diola lako naraka na buda tau nnolai.

Efesus 2:2

Ia joo wattu ia to panggaukanmi susi bang to panggaukanna tolino to tangnturu' Puang, ammituru' Ballisi' jao langi' to mparenta sininna setang. Iamo tatta' ngkuasaii to totangmatappa' lako Puang Allataala.

Yahya 6:27

Danggi' mimangjama nnangahhi to kande la cappu' ba'tu buruk. Apa iara miangah to kande te'da nalaburuk, to la mben kamu' katuoan melo te'da cappa'na. Ia joo kande, iamo to la kuben kamu' Aku', Anak Mentolino, sanga mangka napangpeissenan Ambe'-Ku' Puang Allataala kumua natarimana'.”

Ibrani 4:6

Jaji, ia to bungah ssa'dingngi joo Kareba Kasalamatan te'dai mentama ntuu joo tondok kakendenan sanga cia'i matappa'. Ia ke susii joo, manassamo kumua den tolaen wa'ding mentama.

2 Petrus 2:6

Susi too nasessai Puang Allataala to-Sodom na to-Gomora tonna anu', nasaba' tangmangpesa'dingngi. Nasumpunni to kotana anna au mandamora torro. Iamo joo menjaji tanda kumua apa to la jaji lako togaja'.

Yosua 7:3

la tonna polemo to mata-mata, napaumi lako Yosua apa to nakita. Nakua, “Danggi'mo tasussai ngasan bangngi to surudadu male parari, ganna'mo ke denni duang sa'bu ba'tu tallung sa'bu surudadu tasua male rrarii joo kota, nasaba' ci'di'ra taunna joo kota Ai.”