Ibrani 3:12 - Alkitab Duri

¹² Ee, tomala'bihku'! Ingaran meloi, danggi' naden to mangpenawa gaja' susi joo, ammicia' matappa' lako Puang Allataala to tuo.

Ibrani 3:12 Referans Kwoze

Ibrani 12:25

Danggi' mitangmpesa'dingngii joo tomangkada jao mai suruga, sanga ia to to-Israel tonna anu' to cia' mpesa'dingngii to kada pole jao mai Buntu Sinai, te'da nakullei la'pah jio mai pangsessa-Na Puang Allataala. Apa pole'raka tee kita' to ssa'dingngi joo tomangkada jao mai suruga ke cia'ki' mpesa'dingngii.

1 Korintus 10:12

Jaji, ia to tossanga kalena matappa' tongan, la majagai nadanggi' namenjaji tomadosa susi tuu lako tau tonna anu'.

Ibrani 10:38

Ia to tau kupupenjaji tomelo sanga matappa'i la nnampa' katuoan melo te'da cappa'na. Apa ianna den to cia' omo matappa', te'da kupumasannangngi.”

Ibrani 12:15

Ingaranni danggi' naden moi mesa' tau cia'mo ntarimai to barakka'-Na Puang Allataala. Ingaranni danggi' naden tau susi to waka' mapai' mpaden kamaba'cian lako padanna rupa tau anna situmang-tumang.

Ibrani 3:10

Iamo joo namagalli Puang Allataala lako tuu lako tau nakua, ‘Da'tanni nnewana', na cia' lalo nturu' parenta-Ku'.

Markus 13:33

Iamo joo, majaga kamu', nasaba' te'da mikalannaii to karatuan-Ku'.

Matius 24:4

Mebalimi Puang Isa nakua, “Majaga kamu', danggi' naden tau mpalao sala kamu'.

Kada Bulawan 1:32

Ia to totangmapahangpa la matei, nasaba' te'da namangpesa'ding, na ia to tobattuk la macilakai, nasaba' kabattukanna.

Markus 13:9

La majaga kamu', nasaba' la dijokko kamu', ammidipangngolo lako tomangra'tah kara-kara. La dirambi kamu' lan bola passambajangan. La dipangngolo kamu' lako tomangparenta sola raja, nasaba' mituru'na'. Iamo joo wattu la minii mpangpeissenanni to Kareba Kasalamatan lako tuu lako tau.

1 Tesalonika 1:9

sanga nacurita ngasan tau kumua mitarima melokan tongkimale jolo mati'. Nacurita too kumua miboko'imo to dewata, mimassompa lako manda Puang Allataala. Iamo Puang Allataala tongan to tuo tarruh.

Roma 11:21

Nasaba' ia ke te'da nakasajangngii Puang Allataala to to-Yahudi to dipasusi tangke kaju dipiara nasembangngii, ia pissenraka to bangsa tangngia to-Yahudi te'da nalangkasajangngi nasembangngii.

Lukas 21:8

Mebalimi Puang Isa nakua, “Majaga kamu', danggi' naden tau mpalao sala kamu'. Nasaba' buda tau la ratu mpusanga sangang-Ku', nakua, ‘Aku'mo Raja Mangpasalama'!’ na ‘Wattunnamo.’ Apa danggi' mipesa'dingngii.

Markus 13:23

Jaji, majaga kamu'! Kupauan ngasanmo kamu' jolo' joo, moi na te'dapa najaji.”

Matius 16:16

Mebalimi Petrus nakua, “Kita'mo Raja Mangpasalama', Anak to pole jio mai Puang Allataala to tuo te'da cappa'na.”

Kolose 2:8

Majaga kamu', danggi' naden tau mpalao sala kamu' nnajahhi kamu' kapaissenan tolino ammimengkaunan pole'. Te'da bua'na joo kapaissenan tolino, na te'da too napole jio mai Almaseh, apa pole jio mai tomakuasa ba'tu tomangparenta jao langi' to ngkuasai lino na pangngajaran disimanahhi jio mai tojolota'.

Ibrani 3:1

Ee, todipusile'to padangku' tomatappa' to mangkamo napilei Puang Allataala la mentama suruga! Ingaran meloi to sipa'-Na Puang Isa to takatappa'i, to napattantu Puang Allataala menjaji Rasulu' na Imang Lompo lan agamanta'.

Ibrani 3:19

Jaji, tapahangmo kumua te'da nadieloran mentama, nasaba' cia'i matappa' lako Puang Allataala.

Ibrani 10:31

Liwa' meka'baran bulu ke nasessaki' Puang Allataala to tuo, to rra'tah kara-karata'!

Ibrani 12:22

Ee, tomala'bihku', te'da miratu lako buntu susi joo. Sibalikanna ratumo kamu' lako Buntu Sion na kota-Na Puang Allataala to tuo, iamo to kota Yerusalem jao suruga to nanii massa'bu-sa'bu malaeka'-Na.