Ibrani 2:18 - Alkitab Duri

¹⁸ Na Ia una nadenmo namaparri', nadipengkulle-kullei ssedei mpugauk dosa. Iamo joo nakullei ntulungngi to todipengkulle-kullei toda disede danggi' na mpugauk dosa.

Ibrani 2:18 Referans Kwoze

1 Korintus 10:13

Ia to apa ssede kamu' mpugauk dosa, passede biasa bang ia lako tolino. Apa naingaranni Puang Allataala to basse-Na, na te'da naeloran kamu' disede la'bih na ia to mikulle nnewai. Na ia ke disede kamu' mpugauk dosa, napamawatang kamu' ammikullei nnewai.

Yudas 1:24

Pujii to Puang Allataala, nasaba' makuasa nnampai kamu', ammitatta' matappa', na te'da caccami, mimasannang too sanggemmi mangngolo lako Ia to torro lan kamala'biran-Na.

Ibrani 5:2

Tau biasa joo Imang Lompo na buda caccana ba'tu kakuranganna. Iamora joo nawa'ding nnissen apara naperasai to tompugauk dosa nasaba' te'dapa naissenni to pangngajaran tongan.

Pengkitanna Yahya 3:10

Apa ianna dete'mi to wattu kamasussan nakanna ngasan pecoba to sininna tau lan lino la kupasalama' kamu', sanga mituru'mo to pangngajaran-Ku' mitatta' ntajanna'.

2 Petrus 2:9

Jaji, naissenmo Puang Allataala to apa la napugauk mpasalama' taun-Na ke maparri'i. Naissen too Puang Allataala ntarungkui to togaja' anna sessai ke Kiama'mi lino.

2 Timotius 1:12

Iamo joo angkumaparri' susi tee lan pangtarungkuan. Apa te'da kukasirisanni, nasaba' kukanassai inda to kukatappa'i. Na kuissen kumua apa to napabarakkanna', makuasa too njagai sanggenna Kiama' lino.

Yahya 10:29

Ambe'-Ku' to kaminang makuasa. Iamo mangka mpangbenni joo bembala' lako Aku'. Moi mesa' tau te'da ngkullei rrampai jio mai Ambe'-Ku'.

Lukas 22:53

Allo-allo solaki' jio Bola Puang Allataala, na te'da mijokkona'. Apa iamo tee wattunna minii sola kuasanna Ballisi' la mangpugauk.”

Filipi 3:21

Iamo la mpajajii tee batang kaleta' to tangmala'bih menjaji mala'bih susi kale-Na, mpake kuasan-Na to napake too ntaloi sininna apa.

Lukas 22:28

Lan sininna kamasussan-Ku' tuli solaki'.