Ibrani 2:15 - Alkitab Duri

¹⁵ Susimi joo nawa'ding Puang Isa lla'paranki' jio mai kuasa kamatean. Dipukaunan tarruhki' jolona, sanga malaja'ki' lako kamatean.

Ibrani 2:15 Referans Kwoze

Roma 8:15

Ia to Roh Allataala, to nabenki' Puang, te'da napukaunanki', anna te'da takalaja'i. Sibalikanna ia to Roh Allataala mpupenjajiki' anak Allataala, antawa'ding kumua lako Puang: “Ambe', ie' Ambe'ku'!”

2 Timotius 1:7

Nasaba' ia to Roh Allataala nabenki' Puang Allataala, tangngia Roh mangpakalaja'. Apa sibalikanna ia joo Roh mpamawatangki', antakullei sipakamoja' sola nta'tan kaleta'.

2 Korintus 1:10

Iamo mangka mpasalama'kan jio mai joo abala' kamatean, na Ia toomo la mpasalama'kan keanu'. Kirannuan la susi joo,

Roma 8:21

kumua den wattunna naladila'paran jio mai kamasolanganna, anna dipamala'bih sola sininna anak Allataala.

Galatia 4:21

Ee, tokupusile'to to madoang bangpa napukaunan atoran agama! Pesa'dingngii tee kadangku'! La kupangpeissenanni to apa napau atoran agama to diuki' lan sura'na Nabi Musa.

Ibrani 2:16

Manassamo kumua tangngiara malaeka' to natulung, apa kita'ri bati'na Nabi Ibrahim.