Ibrani 2:11 - Alkitab Duri

¹¹ Puang Isamo to mpupenjajiki' tau mesan-Na Puang Allataala. Tosangrapura to tompupenjaji tau mesan-Na Puang Allataala, na ia to todipupenjaji tau mesan-Na Puang Allataala. Iamo joo na te'da nakasirisanni mpusile'toi to tolino.

Ibrani 2:11 Referans Kwoze

Ibrani 10:14

Jaji, mesa'ra karoba nanii Almaseh ndampangan tau to dipupenjaji tomelo te'da cappa'na.

Ibrani 10:10

Mangkami Puang Isa Almaseh mpugauk pakkaeloran-Na Puang Allataala. Pissenra mpassompan kalena na te'damo nadadu'i. Susimi joo napupenjajimiki' taun-Na Puang Allataala.

Yahya 20:17

Nakua Puang Isa ngkuanni, “Danggi' kaka'na', nasaba' te'dapa kumale de' Ambe'. Apa malemoko lako sile'to-Ku', mupauanni kumua la polemo' de' Ambe'-Ku', na Ambe'na too, Puang-Ku' na Puangna.”

Ibrani 13:12

Susi todami joo namate saleanan babangan kota to Puang Isa na ia to rara-Na mbasei dosana tolino.

Roma 8:29

Na ia to tonaissenmo, pura napattantumo la menjaji sangrupa Puang Isa Almaseh, Anak Allataala, dikua na Almaseh menjaji pamungah jio mai sininna sile'to tomatappa'.

Yahya 17:19

Mangkamo kuturu' to kadan-Ta' angkumpangben kale-Ku' susi karoba, anna pumeloi tuu lako taun-Ta'. Kupugaukki susi joo dikua anna ia tuu lako taun-Ta' nturu' toda kadan-Ta' na mpangben toda kalena lako kale-Ta' namenjaji tau mesan-Ta'.

Yahya 17:21

Oo Ambe', meta'dana' ke wa'dingngi anna memmesa' sola ngasanni susi Ambe' na Aku' memmesa', na Aku' memmesa' sola Ambe'. Dennaa upa' namemmesa' sola Ambe', anna matappa' to sininna tolino kumua Ambe' to ssuana'.

Matius 25:40

La mebalina' kukua, ‘Sitonganna kukuan kamu' kumua, ia to mipugauk lako tee mai to kupusile'to, moi namakario-rio, battuananna mipugauk lako too Aku'.’

Ibrani 2:14

Ia tuu lako to nasanga anak, tolino ia. Iamo namentolino Puang Isa, anna menjaji susi tuu lako anak. Napugaukki susi joo, dikua anna ia to kamatean-Na wa'dingngi ntaloi Ballisi' to ngkuasai kamatean.

Galatia 4:4

Apa ia tonna dete'mi to wattu napattantu Ambe' Puang Allataala, nasuami to Anak Allataala mentama lino. Najajianni mesa' baine, na nturu' atoran agama,

Jamanna Rasulu' 17:26

Mesa'ri tau nanii mpaollongngi to sininna rapu tau ntorroi tee kuli'na padang. Ia toomo mpattantuanni pentaunan mellao jiona mai na pangnganggeanna to la nanii mari'pih.

Ibrani 11:16

Apa ngkamali'ri mesa' tondok to la'bih melo, iamo joo tondok jao suruga. Na te'da namasiri' Puang Allataala ke nasangai Puangna, sanga denmo mesa' kota mangka napasadianni.

Markus 8:38

Ia to tongkasirisanna' na te'da naakui to pangngajaran-Ku' lan tee wattu to nanii gaja' sipa'na natangmatappa' ngasanmo to tau, la kukasirisan todai tee Aku', Anak Mentolino, ke ratuna' sola malaeka'-Ku', mpupangngarrang kamala'biran-Na Ambe'-Ku'.

Matius 28:10

Mangkadami Puang Isa nakua, “Danggi' mimalaja'! Malemo kamu' mpauanni to sile'to-Ku', anna male re' tana Galilea, na jiopa kunii sikita.”

Jamanna Rasulu' 17:28

Ia mpadenki', mpatuoki', mpapundiuki', susi to pura napau too tomaccammi nakua, ‘Ia tee kita' bati'na todaki' Allataala.’

Lukas 9:26

Ia to tongkasirisanna' na te'da naakui to pangngajaran-Ku', la kukasirisan todai tee Aku', Anak Mentolino, ke ratuna' mpupangngarrang kamala'biran-Ku' to susi una kamala'biran-Na Ambe'-Ku' na kamala'biranna malaeka'-Ku'.

Markus 3:34

Nakitami to tau cumadokko ntalimbungngi anna mangkada nakua, “Iamo tee indo-Ku' sola sile'to-Ku'!

Ibrani 3:1

Ee, todipusile'to padangku' tomatappa' to mangkamo napilei Puang Allataala la mentama suruga! Ingaran meloi to sipa'-Na Puang Isa to takatappa'i, to napattantu Puang Allataala menjaji Rasulu' na Imang Lompo lan agamanta'.