Ibrani 13:4 - Alkitab Duri

⁴ La mikasiri' sola ngasan to kasibalian, na ia to tosibali danggi' naangah tolaen nasolan mamma', sanga ia to tomanggauk sala la nasessai Puang Allataala.

Ibrani 13:4 Referans Kwoze

Galatia 5:19

Ia to kamadoangan penawanna tau pajan bang jio panggaukan gaja'na, susinna manggauk sala, sala kedo, mangkada carepa,

Galatia 5:21

masere ati, pangmalangoan, takkaliwa' mangmaroah-roah na budapa to susinna joo. Ia ngasan to panggaukan susi joo kupakainga' kamu' susi to kupauan kamu' tonna tee, kumua ia to tompugaukki to susi joo, te'da namenjaji umma'-Na Puang Allataala.

1 Korintus 6:9

Tantu miissenmo kumua ia to tote'da naturu' pakkaeloran-Na Puang Allataala, te'da namenjaji umma'-Na Puang Allataala. Danggi' miuraga kalemi! Ia to tomanggauk sala, tossompa dewata, tosibali padanna muane,

Efesus 5:5

Nasaba' miissen kumua te'da nawa'ding menjaji umma'-Na Almaseh sola Puang Allataala lan kaparentan-Na to tomanggauk sala, tomangkedo tangsipato'na, ba'tu tomadoang bang nnassang sininna apa, nasaba' ia to tomangngassang dipapadai tossompa dewata.

1 Timotius 3:12

Ia to muane menjaji tomangjama ntulung jamaa, la mesa'ra bainena, na macca nnurusu' anakkana sintong repokkona.

1 Timotius 3:4

La macca nnurusu' repokkona na mangpesa'ding nakasiri' tooi anakkana.

1 Korintus 7:38

Iamo joo melo ke sibalii joo sitangka'na, apa la'bih mellong ke te'dai nasibali.

Pengkitanna Yahya 22:15

Apa ia to tau mpugauk bangngi to panggaukan gaja', susinna topangkita-kita, tomanggauk sala, topabuno, tossompa dewata, topangnguraga la kadanna, la panggaukanna, ia ngasan tee tau la saleanan jio mai joo kota.

Titus 1:6

ia to tau la menjaji pekaamberan, iamo to tomakassing, mesa'ra bainena, na ia to anakkana tomatappa' ngasanmo lako Puang Isa, te'da natangmangpesa'ding ba'tu diparapa' mpugauk sala.

1 Timotius 5:14

Iamo joo kukabudai ke ia to baine malolle'pa nakemuane pole', keanak, na nnurusu' repokkona, anna ia to ewalinta' te'damo lalan nanii mpau gaja' tomatappa'.

1 Timotius 4:3

Mangngajahhii tuu lako tau kumua, danggi' nakebaine ba'tu kemuane to tau. Den too kande mattantumo napemalian nakande. Nasitonganna ia joo kande napaden Puang Allataala la dikande, anna ia to tomatappa'mo na nnissen toomo pangngajaran tongan mangkurru sumanga' ngkandei.

2 Korintus 5:10

Nasaba' la dipangngolo ngasanki' lako Almaseh antapada diben assele' panggaukanta', la panggaukan melo, la panggaukan gaja'.

1 Korintus 9:5

Wa'dingkan ssolan baine padangki' tomatappa' lan kalingkanki' susi to rasulu' laen, sile'to-Na Puang Isa na Petrus.

1 Timotius 3:2

Ia to tonnatoro' jamaa parallu tomakassing. La mesa'ra bainena, to nta'tan kalena, tomandalan tangngah, messipa' melo. La masannang ke den tau lleppangngii, macca mangngajahhi,

Ibrani 12:16

Ingaranni danggi' naden tau manggauk sala ba'tu te'da naangga'i to barakka'-Na Puang Allataala susi to napugauk Esau. Ia joo barakka' lako mesa' anak pamungah nabaluk lako adinna sangpiring nande.

1 Korintus 6:18

Danggi' manggauk sala, sanga sininna dosa laen to napugauk tau, saleanan jio mai kalena joo tau. Apa ia to tomanggauk sala, ia una mpamasolang batang kalena.

1 Tesalonika 4:6

Jaji, la lako baine, la lako muane kupakainga' kamu', danggi' mangpanggaukan sala. Danggi' mikalasii padammi tomatappa'. Mangkamo kamu' kupakainga' rampa' kumua ia to tompugaukki susi joo la nasessa Puang.