Ibrani 13:22 - Alkitab Duri

²² Kupeta'dai misabbara' ntarimai tee pangpakainga'ku', sanga te'da namalando tee sura'ku'.

Ibrani 13:22 Referans Kwoze

1 Petrus 5:12

Bondi'ra tee sura' kukiringan kamu', kiuki' sola Silas padanta' tomatappa' to wa'ding dikatappa'i. Kuuki'i tee sura' la mpamasumanga' kamu' na mpamanassan too kamu' kumua ia to kupauan kamu' lan tee sura' tonganna pangpakamoja'-Na Puang Allataala. Tatta' kamu' mparannuanni joo pangpakamoja'.

Ibrani 3:1

Ee, todipusile'to padangku' tomatappa' to mangkamo napilei Puang Allataala la mentama suruga! Ingaran meloi to sipa'-Na Puang Isa to takatappa'i, to napattantu Puang Allataala menjaji Rasulu' na Imang Lompo lan agamanta'.

Galatia 6:11

Kitai matumba matonggona tee hurupu' pangnguki'ku' mati'.

2 Korintus 6:1

Ia tee kami', mpangjamankan Puang Allataala. Iamo joo kimeta'da tongan-tongan lako kalemi, nadanggi' mitangmpuinawai to barakka' kasalamatan mangka mitarima anna membua melo.

2 Korintus 5:20

Jaji, topesuannakan Almaseh. Nasuakan Puang Allataala mparatuan kamu' pepasan-Na. Nasuakan Almaseh meta'da lako kalemi, “Pemaringngannii penawammi, ammisikalino pole' Puang Allataala.”

Ibrani 4:11

Iamo joo melo ke tapengkulle-kullei mentama ntuu joo tondok kakendenan to nabasse Puang Allataala, dikua danggi' naden tau tangmentama, susi to-Yahudi tonna anu', sanga cia'i matappa' lako Puang Allataala.

Ibrani 4:1

Tatta' bang unapa to basse-Na Puang Allataala kumua wa'dingki' mentama tondok to tanii kenden tarruhmo mangjama sola Ia. Iamo joo taingaran meloi danggi' naden tau tanglamentama ntuu joo tondok kakendenan to dibasseanki'.

Ibrani 2:1

Mala'bih to Almaseh na ia to malaeka'. Iamo joo nagaja paralluki' nningaranni to pangngajah mangkamo tasa'ding, danggi' nasata'de-ta'dena to kamatapparanta'.

2 Korintus 10:1

Den ba'tu pira-pira tau lan tangnga-tangngami ssangana' kumua, baranina' ke sikambelaki', porrokanna' ke sioloanki'. Apa ia tee aku' melo penawangku' na tangmakarrah toona' susi Almaseh meta'dana' lako kalemi kumua,

Jamanna Rasulu' 13:15

Ia tonna mangkamo dibaca sura'na Nabi Musa sola sura' nabi laen, massuami to kapala bola passambajangan ngkuan tau namekutana lako Paulus sola solana. Nakuanni, “Ee todipusile'to! Tulungkan mipaui ke denni kada pangpangngajah lako tee mai tau.”

Efesus 3:3

Mangkamo kupau ci'di' lan tee sura'ku' kumua napakitanna' Puang Allataala joo akkatta-Na to te'da naissen tau jolona.

Ibrani 12:5

Na danggi' mitangnningaranni to kadan-Na Puang Allataala to mpangkadai kamu' susi ambe' lako anakkana, “Ee, anak-Ku'! Tarima meloi ke napabalahhiko Puang situru' dosamu, na danggi' muka'tu rannu ke napangngingaranko.

Ibrani 13:19

Kupeta'da tongan ammipellao doanganna' anna madoi' Puang Allataala nneloranna' male mati'.