Ibrani 13:17 - Alkitab Duri

¹⁷ Mengkaturu' kamu' lako pekaamberan jamaami, ammituru'i to parentana. Tuli napuinawa kamu', sanga la napebalian lako Puang Allataala to apa mangka napugauk lako kamu'. Ia ammimengkaturu' lako, masannangngi mangjama, ianna te'da, masussai mangjama, na te'da bua'na lako kamu'.

Ibrani 13:17 Referans Kwoze

1 Timotius 5:17

Ia to pekaamberan jamaa to mangjama tongan, la ditaratte' naditulung, la'bih-la'bih to mangngajahhi kadan-Na Puang Allataala.

Ibrani 13:7

Ingaranni to pekaamberan jamaa to mangkamo mpangpeissenan kadan-Na Puang Allataala lako kamu'. Ingaran tooi matumba to sipa'na ratu lako matena, ammialai palelean mata to kamatapparanna.

1 Petrus 5:5

Meta'dana' lako kamu' to malolle'pa kumua, la mangpesa'ding kamu' lako tomatua. Na lako kamu' sola ngasan meta'dana' kumua, danggi' mimatampo apa situlung kamu'. Nasaba' den diuki' lan Sura' Allataala kumua, “Naewa Puang Allataala to tomatampo, apa nakamasei to tompamajiong kalena.”

Jamanna Rasulu' 20:28

Njagai kamu' kalemi. Mijagai tooi jamaa to mangka napangben Roh Allataala la mijagai, nasaba' kamu'mo diangka' menjaji tonnatoro' jamaa-Na Puang Allataala. La mijagai melo to taun-Na susi tomangrewa rrewai bembala'na, nasaba' elohnamo Puang Allataala namate Puang Isa dikua nawa'ding lla'bak taun-Na.

1 Korintus 16:16

Meta'da tongan-tonganna' lako kamu', mituru'i to tosusi joo, sola tolaen to pada-pada mangjama ntulung tomatappa'.

Filipi 2:12

Ee, tomala'bihku' sola ngasan to kupakamoja'! Susi tongkutorropa lan tangnga-tangngami, la'bih-la'bih tee too moi mambelana' jio mai kalemi, la tatta' kamu' nturu'i to pangngajahku'. Mangkamo kamu' napasalama' Puang Allataala. Jaji, la mipengkulle-kullei tuo susi sipato'na umma'-Na Puang Allataala, iamo to ssompa Puang mimalaja' mpugauk kasalan.

Filipi 2:29

Masannang kamu' ntarimai susi sipato'na ntarima to mpangjaman Puang. Parallu mikasiri' to tau susi joo,

Roma 14:12

Jaji, pada la mpebalianki' kaleta' to panggaukanta' lako Puang Allataala.

2 Tesalonika 3:14

Ianna den tau cia' ntarimai to kada kiuki' lan tee sura', la misiissenni joo tau, danggi' misiama', anna masiri'.

Ibrani 13:24

Massallangkan lako sininna pekaamberan jamaami na lako sininna umma'-Na Puang Allataala iti'. Tarima tooi to sallangna padanta' tomatappa' jio Italia.

Filipi 4:1

Ee, tomala'bihku' to kupakamoja' na kukamali' too! La matappa' tongan-tongan kamu' lako Puang. Kupumasannang sola kupumala'bih kamu'!

Filipi 3:18

Nasaba' tuli kupauan bang kamu', na kupauan omo kamu' too mpenjio' wai matangku', kumua ia to sipa'na buda tomatappa' tangsipato' bang penawa melo-Na Almaseh, iamo to kamatean-Na jao kaju sitamben.

Yakub 4:7

Iamo joo mengkaturu' kamu' lako Puang Allataala, miewai to Ballisi', nasorong boko' jio mai kamu'.

Filipi 1:4

na masannangna' tongkupassambajangan kamu'.

Lukas 16:2

Iamo joo natambai tosugih joo pangjamana naratu nakuanni, ‘Apara iko mupugauk napauko tau? Ia bang unamo tee too pakitan ngasanna' sura' indanna tau, nasaba' te'damo muwa'ding nnanna doi'ku'.’

Kada Bulawan 5:13

Ciapari na te'da kupesa'dingngii to kadanna gurungku', na te'da kuturu'i to tonnajahhina'?

Filipi 2:16

ke mipangpeissenanni to Kareba Kasalamatan. Na ia ke susii joo, wa'dingna' mpumasannangngi ke ratu pole'mi Almaseh, sanga te'da nalao sala to jamanku'.

Efesus 5:21

La mangpasituru' kamu' mesa' sola mesa'. Iamo buttinna kumua mikasiri' to Almaseh.