Ibrani 13:16 - Alkitab Duri

¹⁶ Danggi' mitangnningaranni mpugauk kameloan nasitulung, sanga iamo karoba napumasannang Puang Allataala.

Ibrani 13:16 Referans Kwoze

2 Tesalonika 3:13

Apa kamu' tomala'bihku', danggi' mimarosso mpugauk kameloan.

Roma 12:13

Parallu kamu' ntulungngi ke denni kaparalluanna padammi tomatappa', mitarima meloi lan bolami, moi na te'dapa misiissen.

Galatia 6:10

Iamo joo ia naden unapa wattu dibenki', tamanggauk melo lako padanta' rupa tau, la'bih pole'pa lako sile'to padanta' to matappa'.

Ibrani 6:10

Te'da natangmaruruh to Puang Allataala. Te'da natangnningaranni to apa mipugauk, iamo to pangpakamoja'mi to mipangpekitan lako kale-Na tommitulung padammi tomatappa', la jolona, la ia too allo.

1 Timotius 6:18

Kuanni na mpugauk kameloan lako padanna rupa tau, mamase na malaboh.

Filipi 4:18

Kutarima ngasanmo, na la'bih budamo na ia to kuparalluinna. Kala'bianmo', tongkutarimami jio mai Epafroditus to apa mipangben. Ia to pangpabenganmi susi karoba bunangngu', to napumasannang Puang Allataala.

Efesus 4:28

Ia to tobiasa boko, danggi'mo naboko. Apa la maruruhri mangjama, naampa'i to la naputuona, nawa'ding too ntulungngi to tomakario-rio.

1 Tesalonika 5:15

Jagaii na danggi' naden tau mangpabalahhi panggaukan gaja' na gaja'. Mipengkulle-kulleii ammituli mpugauk kameloan lako padammi tomatappa' na lako sininna tau.

Jamanna Rasulu' 10:38

Miissenmo kumua ia joo Puang Isa to-Nazaret mangkamo napilei Puang Allataala, naben tooi Roh Allataala sola kuasa. Miissen toomo kumua tuli malei mpugauk kameloan umbo-umbo nanii, na nnula'i setang lan mai kalena tonatamai, nasaba' Puang Allataala ssolanni.

Lukas 18:22

Ia tonna sa'dingmi Puang Isa joo pebalinna, nakuanmi, “Mesa'pa to parallu la mupugauk. Malemoko mbaluk ngasanni to ewananmu, ammubenni tokaasi-asi to allinna, mumane' nnampa' kasugiran jao suruga. Ianna mangkamo joo mupugauk, undimoko nturu'na'.”

3 Yahya 1:11

Ee, tokupakamoja'! Danggi' muturu'i to apa tangmelo, apa iara to melona. Ia to tompugaukki to melona, taun-Na ia Puang Allataala. Apa ia to tompugaukki to tangmelona, to tangnnissenpa ia Puang Allataala.

Galatia 6:6

Ia to tontarima pangngajaran-Na Puang Isa Almaseh, pada la natawa-tawai barakka'na sola gurunna.

Filemon 1:6

Massambajangna' kumua ammuissen tonganni to sininna barakka' pole jio mai Almaseh, sanga pada matappa'ki'.

Filipi 4:14

Apa melo tuu mipugaukkuna, nasaba' miingaran to kamaparrisanku'.

Jamanna Rasulu' 9:36

Den mesa' baine jio kota Yope disanga Tabita. (Lan basa Yunani disanga ia Dorkas, battuananna jonga.) Matappa'mo lako Puang Isa. Melo panggaukanna na ntulung tomakario-rio.