Ibrani 13:14 - Alkitab Duri

¹⁴ Sanga te'da kampong la tanii mari'pih lan tee lino, apa ntajanriki' kampong to la tanii mari'pih keanu'.

Ibrani 13:14 Referans Kwoze

Filipi 3:20

Apa ia tee kita', jao suruga to tondok kajajianta', na jao toomo mai la tanii ntajan Puang Isa Almaseh, Tomangpasalama'.

Ibrani 12:22

Ee, tomala'bihku', te'da miratu lako buntu susi joo. Sibalikanna ratumo kamu' lako Buntu Sion na kota-Na Puang Allataala to tuo, iamo to kota Yerusalem jao suruga to nanii massa'bu-sa'bu malaeka'-Na.

Efesus 2:19

Iamo joo ia to kamu' bangsa tangngia to-Yahudi, tangngiamo kamu' tosaleanan ba'tu totangnabasse Puang Allataala. Apa pada-padamo kamu' umma'-Na Puang Allataala sola to-Yahudi to matappa'mo, na direkenmo kamu' pangrapuan-Na Puang.

2 Korintus 4:17

Ia tee kamaparrisan kiperasai cingga'tu'ra namaringngan too, nalampadenankan kamasannangan te'da susinna na te'da cappa'na.

1 Korintus 7:29

Ee, tomala'bihku' sola ngasan! Susi tee to kusanga. Cingga'tu'mora to wattunta'. Mammula tee too ia to tokebalimo la tuoi susi tote'dapa nakebali.

1 Petrus 4:7

La ndete'mi tampakkana tee lino na sininna apa. Iamo joo la mita'tan to kalemi, na majaga too kamu' ammitatta' massambajang susi to sipato'na.

Ibrani 4:9

Jaji, tatta' bang unapa to basse-Na Puang Allataala lako umma'-Na, iamo to kakendenan susi kakendenan-Na Puang Allataala ke allo mangpempitui.

Ibrani 2:5

Te'da nabenni kuasa Puang Allataala to malaeka' la mangparenta keanu' lan Lino Baru to kupau tee too.

Ibrani 9:11

Menjajimi Imang Lompo to Almaseh nabenki' kameloan susi to taperasaimo. Mentamami Tenda-Na Puang Allataala jao suruga. Mala'bih na te'da caccana joo Tenda-Na Puang Allataala, sanga tangngia panggaraga tolino, battuananna te'da napole jio mai tee lino.

Ibrani 10:34

Na turu' kamu' mpumasussai to toditarungku. Ia tonna rampai kamu' tau to apammi, micanninganni ati, sanga miissen kumua den unapa to apa miampui, iamo to nabassean kamu' Puang Allataala. La'bih melo ia joo, sanga te'da nalata'de.

Ibrani 12:27

Ia joo kada “pissenpa” mpamanassai kumua ia ngasan to apa mangka dipaden la diroge nadita'dei, anna ia mandamo torro to tangtirogena.

Pengkitanna Yahya 3:12

Na ia to topatalo la kupenjaji ariri lan Bola-Na Puang-Ku', Puang Allataala anna la torro tarruh lan te'da cappa'na. La kuuki'i jio kalena joo tau to sangan-Na Puang-Ku', Puang Allataala, na sanga kota-Na, iamo Yerusalem baru to la mellao jao mai suruga jio mai Puang-Ku', Puang Allataala.