Ibrani 13:12 - Alkitab Duri

¹² Susi todami joo namate saleanan babangan kota to Puang Isa na ia to rara-Na mbasei dosana tolino.

Ibrani 13:12 Referans Kwoze

1 Korintus 6:11

Ba'tu pira-pira tau lan tangnga-tangngami massipa' susi joo tonna jolona. Apa ia tee too, ia to Puang Isa Almaseh sola Roh Allataala to pole jio mai Puangta' Puang Allataala mangka lla'paran kamu' jio mai kuasa dosa, na mpupenjaji tau mesan-Na kamu' Puang Allataala, sola napupenjaji tomelo kamu'.

Jamanna Rasulu' 7:58

Nagararakki lako salean kota, namane' rrura batui. Ia to sa'bi tangtongan mpangpeampan pakeanna lako mesa' tokallolo disanga Saulus.

Efesus 5:26

Susimi joo napatorro leko' kamu' Almaseh ammimenjaji tau mesan-Na. Nadampangan kamu' mpake wai pangjioran sola pangngajah-Na.

Ibrani 10:29

Tantu la'bih disessai to tocia'mo matappa' lako Almaseh. Ia tuu lako tau susi to llese-lese Anak Allataala. Te'da toomo naangga'i to rara basse-Na Puang Allataala, iamo to kamatean-Na Almaseh, to mangka mpupenjaji tau, tau mesan-Na Puang Allataala. Te'da too naangga'i to Roh Allataala to nabenki' Puang Allataala, sanga kameloan penawan-Na.

Yahya 17:19

Mangkamo kuturu' to kadan-Ta' angkumpangben kale-Ku' susi karoba, anna pumeloi tuu lako taun-Ta'. Kupugaukki susi joo dikua anna ia tuu lako taun-Ta' nturu' toda kadan-Ta' na mpangben toda kalena lako kale-Ta' namenjaji tau mesan-Ta'.

Yosua 7:24

Mangkai joo too, dialami to Akhan ampo uttu'na Zerah, nabawai Yosua sola to-Israel lako Lombok Akhor sola repokkona. Dibawa tooi to sininna sapinna, keledainna, bembala'na, tendana sola sininna to naampui, sola pera', bulawan na baju lando to naboko.

Ibrani 2:11

Puang Isamo to mpupenjajiki' tau mesan-Na Puang Allataala. Tosangrapura to tompupenjaji tau mesan-Na Puang Allataala, na ia to todipupenjaji tau mesan-Na Puang Allataala. Iamo joo na te'da nakasirisanni mpusile'toi to tolino.

Yahya 19:34

Apa mesa' to surudadu ntossokki doke to sa'de-Na, nata'pa messun to rara sola wai.

Lukas 4:29

Sike'deranmi, naula'ii to Puang Isa lako salean kota, nasolanni lako randan awa' jao buntu, to nanii kota Nazaret. Nasangai la nasumbananni do' awa'.

Ibrani 10:10

Mangkami Puang Isa Almaseh mpugauk pakkaeloran-Na Puang Allataala. Pissenra mpassompan kalena na te'damo nadadu'i. Susimi joo napupenjajimiki' taun-Na Puang Allataala.

Pengkitanna Yahya 14:20

Dilese tee anggoro' jio saleanan kota. Na ia joo wainna dipalolong male susi bangmi sa'dan rara. Gaja tonggo joo sa'dan na ia to mandalanna angge kalang nyarang tallu ratuh kilometere' mambelanna.