Ibrani 13:1 - Alkitab Duri

¹ Ia to kita' tomatappa' la tatta'ki' sipakamoja'.

Ibrani 13:1 Referans Kwoze

1 Yahya 4:20

Pangnguraga to tau ke nakua, “Mpakamoja'na' Puang Allataala”, apa te'da napakamoja' padanna tomatappa'. Nasaba' ia pole'raka la napakamoja' to Puang Allataala to te'da nakitai, na ia to padanna tomatappa' to nakita na te'da napakamoja'i.

1 Petrus 3:8

Ee, tomala'bihku'! Katampakanna, la mesa' kada sola mesa' penawa kamu'. La sipakamoja' kamu' padammi tomatappa', la sikamasean too kamu', nadanggi' mimatampo.

1 Petrus 1:22

Mangkamo mipemeloi to sipa'mi, sanga nturu'mo kamu' pangngajaran tongan jio mai Puang Allataala na danggi' mianggai'-gai' bangri mpakamoja' padammi tomatappa'. Iamo joo la sipakamoja' tongan kamu'.

2 Petrus 1:7

Na te'da na ia manda joo kamawatangan, apa la mpengkulle-kullei kamu' mpakamoja' padammi tomatappa'. Na te'da na ia manda joo padammi tomatappa', apa la mipakamoja' tooi to padammi rupa tau.

1 Petrus 2:17

Kasiri'i to sininna tau, pakamoja'i to padammi tomatappa', kalaja' kasiri'i to Puang Allataala, ammikasiri'i to Tomaraja.

Ibrani 10:24

Na melo ke situlungki', antawa'ding sipumasumanga', sipakamoja' antapugauk tooi to apa melo.

2 Tesalonika 1:3

Ee, tomala'bihku'! Tuli mangkurru sumanga'kan lako Puang Allataala nasaba' kamu'. Ia tee sipato' ke kipugaukki nasaba' samatappa'-tappa'mimo lako Puang Isa Almaseh mipede' sipakamoja' too.

1 Petrus 4:8

Na ia to kaminang parallu, la mattongan-tongan kamu' sipakamoja', ammisisulle sidampangan.

Galatia 5:22

Apa ia to tau nasolan Roh Allataala, melo panggaukanna: mangpakamoja', mario, masannang bang penawanna, sabbara', mabassa, melo penawa, mangngingaran tarruh,

Galatia 5:13

Ee, tokupusile'to! Nala'paranmo kamu' Puang Isa jio mai atoran agama! Apa danggi' mipake salai to kadila'paranmi mpugauk mangrupa-rupa kagajatan situru' kamadoangan penawammi, apa la situlungra kamu', misipakamoja' too.

Pengkitanna Yahya 2:4

Apa moi nasusi joo den unapa tangkupumasannang lako kamu', sanga te'damo mipakamoja'na' susi jolona.

1 Yahya 3:23

Iamo tee to parenta-Na kumua, la matappa'ki' lako Anak, Puang Isa Almaseh, sola la sipakamoja'ki', susi to mangkamo nasuanki' Almaseh.

Galatia 5:6

Ia ke sirapumiki' Puang Isa Almaseh, te'damo silaenanna todisunna' ba'tu totangdisunna'. Apa ia to parallu, iara to kamatapparan lako Puang Isa Almaseh, to napamanassa kasipakamojatanta' padanta' rupa tau.

Yahya 15:17

Iamo tee parenta-Ku' lako kamu' kumua, sipakamoja' kamu'.”

Efesus 5:2

La sikamasean kamu' susi Almaseh ngkamaseiki', iamo na mpangkaroban kalena la mpasalama'ki'. Ia joo kamatean-Na susi karoba bunangngu' to napumasannang Puang Allataala.

Efesus 4:3

Mipengkulle-kullei tatta' sikalino ammida'tan nnampuii to kamangmesan penawa napaden Roh Allataala.

Jamanna Rasulu' 4:32

Ia to tomatappa' mesa' penawa bang. Moi mesa' te'da ssangai kumua ia to apa naampui, apa mesanna. Padami to apa naampui, napuapai sola ngasan.

Jamanna Rasulu' 2:1

Ia tonna pangramean Pentakostamo, sirempun ngasanmi to tomatappa'.