Ibrani 12:4 - Alkitab Duri

⁴ Te'dapa kamu' mate nnewa dosa.

Ibrani 12:4 Referans Kwoze

1 Korintus 10:13

Ia to apa ssede kamu' mpugauk dosa, passede biasa bang ia lako tolino. Apa naingaranni Puang Allataala to basse-Na, na te'da naeloran kamu' disede la'bih na ia to mikulle nnewai. Na ia ke disede kamu' mpugauk dosa, napamawatang kamu' ammikullei nnewai.

Pengkitanna Yahya 2:13

Kuissen to minii mari'pih, iamo to nanii mangparenta Ballisi'. Matappa' tonganmo kamu' lako Aku'. Susinna tonna dibuno tomatappa'-Ku' Antipas jio olomi to nanii Ballisi' torro, anna te'da mipessakkannina' kumua tangngiana' Puangmi.

Ibrani 12:2

La tapugaukmi tapatuju lakoi Puang Isa to penawanta', to mpadenni to kamatapparanta', napupenjajiki' masaranian. Gaja mesirisan joo kamatean jao kaju sitamben. Apa moi nasusi joo te'da nasipattekanni, sanga ia manda naingaran to kamasannangan la naperasai undinna. Na ia tee too cumadokkomi jio kananna cadokkoan mala'bih-Na Puang Allataala namangparenta sola.

Pengkitanna Yahya 12:11

Mangkami nataloi padanta' tomatappa' mpake rara-Na Anak Bembala' ba'tu rara-Na Puang Isa na Kareba Kasalamatan to mangkamo napangpeissenan. Te'da najampangngi sunga'na moi na la mpumatei.

Matius 24:9

Ia joo wattu la dijokko kamu' midisessa ammidibuno. La nakaba'ci kamu' sininna bangsa, nasaba' mituru'na'.

Pengkitanna Yahya 18:24

Babel diro'pok, nasaba' lanmo dinii nnampa'i to rarana umma'-Na sola nabin-Na Puang Allataala na rarana sininna to mangkamo dibuno lan lino.

Pengkitanna Yahya 17:6

Angkukitai joo baine nalango rarana umma'-Na Puang Allataala sola rarana to tomangka nabuno, nasaba' ngkatappa'i Puang Isa. Ia tongkukitai joo baine jangngahna'.

Filipi 2:8

Mpupengkajiongan kalena anna menturu' tongan lako Puang Allataala, naarannai mate. La'bih pole'pi mate jaoi kaju sitamben.

Ibrani 13:13

Iamo joo tamalemo lako Puang Isa jio saleanan kampong antadicapa'-capa' sola.