Ibrani 12:25 - Alkitab Duri

²⁵ Danggi' mitangmpesa'dingngii joo tomangkada jao mai suruga, sanga ia to to-Israel tonna anu' to cia' mpesa'dingngii to kada pole jao mai Buntu Sinai, te'da nakullei la'pah jio mai pangsessa-Na Puang Allataala. Apa pole'raka tee kita' to ssa'dingngi joo tomangkada jao mai suruga ke cia'ki' mpesa'dingngii.

Ibrani 12:25 Referans Kwoze

Ibrani 8:5

Ia to jaman najama tuu lako imang, sitonganna pangpasusianra ba'tu bajo-bajonara to apa denmo jao suruga. Susi toomi ia to tenda passompan napake'deh Nabi Musa tonna anu', bajo-bajonara to Tenda Tongan. Iamo joo nakuanni Puang Allataala to Musa, “Ingaranni! Padami to la mugaraga, la mupasusi ngasanni to apa mangka dipakitanko jao buntu.”

Ibrani 11:7

Napugaukki Nabi Nuh to apa nasuanni Puang Allataala, sanga matappa'i. Napauanni Puang Allataala apa to la jaji to te'dapa nakitai. Mengkaturu'i Nabi Nuh lako Puang Allataala anna kabua' mesa' kappala' dikua napasalama'i sintong repokkona. Susimi joo tonna disessamo to tolino, apa ia to Nabi Nuh napupenjaji tomelo Puang Allataala, sanga matappa'i.

Kada Bulawan 13:18

Ia to tocia' dipangngajahhi, la kaasi-asi na dipakasiri', apa ia to tomangpesa'ding ke dipakainga'i, la ditaratte'.

Matius 8:4

Nakuamo Puang Isa, “Danggi' lalo mucuritai moi lako mesa' tau, apa maleko lako imang jao kota Yerusalem, mupeta'dai napattantui kumua malagah tonganmoko! Mumane' mpugauk tooi to karoba kamalagaranmu situru' atoranna Nabi Musa, namenjaji butti lako sininna tau.”

Kada Bulawan 8:33

Tarimai to pangpangngajah mimacca, parinawa meloi danggi' misangai te'da bua'na.

Kada Bulawan 1:32

Ia to totangmapahangpa la matei, nasaba' te'da namangpesa'ding, na ia to tobattuk la macilakai, nasaba' kabattukanna.

Kada Bulawan 1:24

Kutambaimo kamu', apa cia' kamuq ratu, mpengkoronganna' limangku' apa te'da miparinawai.

Yosua 22:16

“Susi tee pepasanna sininna umma'-Na PUANG Allataala to torro llan kalambunanna Sa'dan Yordan. Nakua, ‘Ciapari mimangpanggaukan gaja' lako Allataala to nasompa to-Israel? Ciapari mipaboko'i penawa PUANG Allataala, mikabua' pole' ora ngenan pangkaroban? Nnewamo kamu' PUANG Allataala too allo!

2 Timotius 4:4

Cia'i mpesa'dingngi to pangngajaran tongan, apa iara napesa'dingngi to curita tojolo to tangkebattuan.

1 Tesalonika 5:15

Jagaii na danggi' naden tau mangpabalahhi panggaukan gaja' na gaja'. Mipengkulle-kulleii ammituli mpugauk kameloan lako padammi tomatappa' na lako sininna tau.

Jamanna Rasulu' 7:35

Ia tee Nabi Musa to te'da natarimai bangsa Israel tonna kuanni, ‘Indara nnangka'ko kapala ba'tu tomangra'tahki'?’ Na ia to malaeka' mpangpekitan kalena lako Nabi Musa lan pangngala-ala duri dukku, iamo nasua Puang Allataala nnangka'i kapala nasua male lla'bak umma'-Na.

Kada Bulawan 15:32

Ia to tocia' dipangngajahhi tangnnangga' kalena, apa ia to tontarima melo pangpakainga', la macca.

Ibrani 3:17

Na indara to nakagalli Puang Allataala patang pulo taun masainna? Ia to tompugauk dosa anna mate jio padang pallawangan.

Matius 17:5

Ia tonna mangkada unapa Petrus, ratumi to saleu' macorrang mbombonnii sola ngasan na den gamara nasa'ding lan mai nakua, “Iamo tee to Anak kupakamoja' to mpamasannangna'. Pesa'dingngii!”

Pengkitanna Yahya 22:9

Apa napangkadaina' nakua, “Danggi'! Danggi' sompana'! Puang Allataalara musompa! Sanga pada todisuariki' sola sile'tomu nabi na sininna tonturu' pepasan lan tee sura'.”

Pengkitanna Yahya 19:10

Suju'na' jio olona joo malaeka' la ssompai, apa napangkadaina' nakua, “Danggi'! Danggi' sompana'. Puang Allataalara musompa! Nasaba' pada todisuariki' sola to sile'tomu to nturu' pangngajaran-Na Puang Isa!” Ia joo pangngajaran-Na Puang Isa iamo mpamasumanga' nabi.

1 Petrus 1:22

Mangkamo mipemeloi to sipa'mi, sanga nturu'mo kamu' pangngajaran tongan jio mai Puang Allataala na danggi' mianggai'-gai' bangri mpakamoja' padammi tomatappa'. Iamo joo la sipakamoja' tongan kamu'.

Ibrani 1:1

Ia tonna anu' buda cara tuli napake Puang Allataala ssua nabi mparatuanni kadan-Na lako tojolota'.

Ibrani 3:12

Ee, tomala'bihku'! Ingaran meloi, danggi' naden to mangpenawa gaja' susi joo, ammicia' matappa' lako Puang Allataala to tuo.

Ibrani 12:19

Nasa'ding to oni tarompe', na oni gamara lumbun. Ia tonna sa'dingngi to-Israel joo gamara, napeta'da lalo danggi'mo nadipasa'dingngi pole' o.

Yosua 22:15

Ia tonna ratumo lako tana Gilead to nanii torro suku Ruben, suku Gad, na sitangngana suku Manasye, mangkadami Imang Pinehas sola tomatua-tua to-Israel nakua,