Ibrani 12:24 - Alkitab Duri

²⁴ Ratumo kamu' mangngolo lako Puang Isa, tompasijajianni joo basse baru. Nnoloimo kamu' rara-Na Puang Isa to mangka dipi'pikan kamu' ammididampangan. La'bih melo ia joo rara na ia to rarana Habel to mpeta'dai anna dipabalahhi to kakanna.

Ibrani 12:24 Referans Kwoze

Ibrani 9:15

Napasijajianni Almaseh to basse baru, dikua na ia to kamatean-Na la lla'bak tau jio mai kasalanna to napugauk tonna atoran basse jolo, na ia to tomangkamo napilei Puang Allataala la nnampa' barakka' te'da cappa'na to mangka nabasseanni.

Ibrani 11:28

Napugaukki Nabi Musa to Paskah, sanga matappa'i. Napangpesuanni nadisapui rara to ba'ba bolana to-Israel, dikua danggi' nabunoi Kalamau' to anak pamungahna.

Ibrani 11:4

Napassompanni Habel lako Puang Allataala to karoba la'bih melo na ia to karobanna Kain, sanga matappa'i. Susi too ia joo Habel napangpeissenan Puang Allataala kumua tomelo, sanga matappa'i. Manassa joo sanga natarimai Puang Allataala to karobanna. Masaimi matena Habel, apa susi kumua mangkada unapi tee too, sanga matappa'i.

Ibrani 8:6

Apa la'bih melo to jaman dipabarakkananni Puang Isa na ia to jamanna imang bati'na Lewi. Puang Isamo mpasijajianni to basse-Na Puang Allataala sola tolino. Na ia joo basse la'bih melo na ia to basse napasijajian Nabi Musa. La'bih melo joo basse baru, sanga la'bih melo to apa dipau lan.

1 Timotius 2:5

mesa'ra to Puang Allataala, na mesa' toora tau mpasikalino Puang Allataala na tolino, iamo to Puang Isa Almaseh,

Matius 26:28

Nasaba' rara-Ku' tee, to mpaassah basse-Na Puang Allataala, rara to dipato'do la ndampangan buda tau.

Matius 23:35

Iamo joo miladipabalahhi toopa sininna to panggaukanna tojolomi to mbuno taun-Na Puang Allataala, mammula jio mai Habel tomelo, ratu lako Zakharia anakkana Berekhya, to mibuno jio napatangnga ngenan pangkaroban na Bola Puang Allataala.

Lukas 22:20

Susi too tonna mangkamo kumande, nnalami isotan anggoro', nakua, “Ia tee isotan nanii titanan basse barun-Na Puang Allataala napaassah to'doan rara-Ku' to dipato'doan kamu'.]”

1 Petrus 1:2

Napileimo kamu' Ambe' Puang Allataala susi to pura napattantu jolona. Roh Allataalamo mpupenjaji kamu' tau mesan-Na, ammimengkaturu' lako Puang Isa Almaseh to ndampangan kamu' mpake rara-Na. Dennaa upa' naben kamu' Puang Allataala sabuda-budanna barakka' sola kamasannangan.

Ibrani 10:22

Iamo joo la matappa' tonganki' na la lantuk tongan penawanta' mangngolo lako Puang Allataala, nasaba' mangkamiki' dipaccingngi mpake wai malinnong anna la'pahmiki' jio mai kasalanta'.

Ibrani 9:21

Mangkai joo too, napi'pikki tooi to tenda passompan na sininna parewanan to dipake massompa.

Ibrani 13:20

Napatuo pole'mi Puang Allataala to Puangta' Puang Isa jio mai kamatean. Na ia tee too menjajimi Tomangrewa Tomala'bihta' rrewaiki' kita' to bembala'-Na, sanga kamatean-Na. Ia toomo joo kamatean-Na mpaassah basse te'da cappa'na to napaden Puang Allataala lako kita'. Iamo joo kumeta'da lako Puang Allataala to mpangben kamasannangan,

Ibrani 7:22

Pajanmo lan joo sapah kumua Puang Isamo mpasijajianni to basse la'bih melo.

Lukas 11:51

mammula jio mai Habel, ratu lako Zakharia to dibunoi jio napatangnga ngenan pangkaroban na Bola Puang Allataala. La miingaran: Ia to tau too allo la dipabalahhi sininna panggaukan gaja'na tojolona.

Markus 14:24

Nakuamo Puang Isa, “Rara-Ku' tee, to mpaassah basse-Na Puang Allataala, rara to dipato'do la ndampangan buda tau.

Ibrani 8:8

Apa kasalanni to umma'-Na Puang Allataala. Iamo joo nakuanni, “Ingaranni, la den wattunna angkulampaden basse baru sola pangrapuanna Israel na Yehuda.

Galatia 3:20

Jaji ia to atoran agama dipauan tolino mpake passumbungan kada. Apa ia to basse lako Nabi Ibrahim Puang Allataala Ia mpaui.

Ibrani 8:13

Napaui Puang Allataala kumua la dipadenni to basse baru. Iamo mpamanassai kumua matuami na tangdipuinawamo to basse jolo. Na ia to apa ke memmatuami te'damo nadipake, cingga'tu'mora nalanynya'.

Ibrani 9:19

Ia tonna mangkamo napangpeissenan ngasan Nabi Musa to atoran-Na Puang Allataala lako to-Yahudi, naalami to rara anak sapin na rara beke bulolo', napasiraui wai, namane' mpi'pikkii joo sura' atoran-Na Puang Allataala sola to-Yahudi, mpake reu hisop dikapu' bulu bembala' malea.