Ibrani 12:22 - Alkitab Duri

²² Ee, tomala'bihku', te'da miratu lako buntu susi joo. Sibalikanna ratumo kamu' lako Buntu Sion na kota-Na Puang Allataala to tuo, iamo to kota Yerusalem jao suruga to nanii massa'bu-sa'bu malaeka'-Na.

Ibrani 12:22 Referans Kwoze

Filipi 3:20

Apa ia tee kita', jao suruga to tondok kajajianta', na jao toomo mai la tanii ntajan Puang Isa Almaseh, Tomangpasalama'.

Galatia 4:26

Apa ia to Sara dipapadai kota Yerusalem jao suruga, iamo indota', to te'da napukaunanni atoran agama.

Pengkitanna Yahya 14:1

Mengkitana' na ia to Anak Bembala' ke'deh jao Buntu Sion. Den tau nasolan saratuh patang pulo a'pa' sa'bu to pada den sangan-Na Anak Bembala' sola sangan-Na Ambe'-Na Puang Allataala diuki' jio kidena.

Pengkitanna Yahya 21:2

Kukitami to kota-Na Puang Allataala, iamo Yerusalem baru, mellao jao mai suruga, to nanii Puang Allataala. Ia joo kota mangkamo dipapakei susi tobotting baine sadia la ntammui tobotting muane.

Pengkitanna Yahya 22:19

Na ianna den tau nnalaii pira' to pangpatujun-Na Puang Allataala lan tee sura', la naalai tooi Puang Allataala to tawana bua kaju mangpatuo, na te'da naeloranni mari'pih lan kota-Na to napau tee sura'.”

Pengkitanna Yahya 3:12

Na ia to topatalo la kupenjaji ariri lan Bola-Na Puang-Ku', Puang Allataala anna la torro tarruh lan te'da cappa'na. La kuuki'i jio kalena joo tau to sangan-Na Puang-Ku', Puang Allataala, na sanga kota-Na, iamo Yerusalem baru to la mellao jao mai suruga jio mai Puang-Ku', Puang Allataala.

Ibrani 13:14

Sanga te'da kampong la tanii mari'pih lan tee lino, apa ntajanriki' kampong to la tanii mari'pih keanu'.

Ibrani 11:10

Natorro Nabi Ibrahim jio susi toratu lan tenda, sanga ntajanni anna torro lan kota tangmasolang to mangka napake'deh Puang Allataala situru' akkatta-Na.

Daniel 7:10

Mellala'i to api jio mai olo-Na Puang, na massa'bu-sa'bu tomparakai-I, na mangjuta-juta to tau ke'deh jio olo-Na. Cumadokkomi to tomangra'tah kara-kara, nadibukka' to sura'.

Pengkitanna Yahya 21:10

Nakuasaina' Roh Allataala, nabawana' joo malaeka' de' potok buntu majao. Najillokanna' kota-Na Puang Allataala, iamo to Yerusalem mellao jao mai suruga, to nanii Puang Allataala.

Pengkitanna Yahya 7:2

Ia joo malaeka' napakuasa toomo Puang Allataala la ssolangan gantanan na tasik. Ta'pa ngkita omo' malaeka' laen ratu jio mai kadellekan, mbawai ca'na Puang Allataala to tuo. Ia joo malaeka' mane' ratu, ntambaii to a'pa' malaeka'

Yudas 1:14

Den kadanna Nabi Henokh tonna anu' mpau joloi tee mai guru tangtongan. Ia joo Nabi Henokh to mangpempitu jio mai Nabi Adam. Nakua kumua, “Kitai! La ratui Puang sola massa'bu-sa'bu malaeka'-Na.

Daniel 6:26

Mangkai joo too, massuai Raja Darius nadikiring to sura' lako sininna bangsa, rapu tau na basa lan lili'na lino. “Salama' lako kamu' sola ngasan!

Yosua 3:10

Ianna mendo'mo Sa'dan Yordan njoloan kamu' to tombulle Patti Basse-Na Puang Allataala to ngkuasai langi' sola lino, la mikitami kumua Ia to Allataala to tuo, llanni alla'ta'. Iamo la minii nnissenni dau kumua, nang la Naula'i Puang Allataala to to-Kanaan, to-Het, to-Hewi, to-Feris, to-Girgasi, to-Amori, na to-Yebus.

Ibrani 10:31

Liwa' meka'baran bulu ke nasessaki' Puang Allataala to tuo, to rra'tah kara-karata'!

Ibrani 3:12

Ee, tomala'bihku'! Ingaran meloi, danggi' naden to mangpenawa gaja' susi joo, ammicia' matappa' lako Puang Allataala to tuo.

1 Tesalonika 1:9

sanga nacurita ngasan tau kumua mitarima melokan tongkimale jolo mati'. Nacurita too kumua miboko'imo to dewata, mimassompa lako manda Puang Allataala. Iamo Puang Allataala tongan to tuo tarruh.

Roma 11:26

Mangkai joo too dipasalama' ngasanmi to to-Yahudi. Nasaba' den diuki' lan Sura' Allataala, nakua Puang Allataala kumua, “Ia to Tomangpasalama' ratu jio mai kota Sion. Iamo la mpamambela kagajatan jio mai bati'na Nabi Yakub.

Roma 9:26

Ia to nanii Puang Allataala mangka mangkada kumua, ‘Kamu' tee tangngia umma'-Ku'’, ia toomo la dinii ssangaii kumua menjajimo anak lako Puang Allataala to tuo.”

Matius 5:35

Danggi' too mikua, ‘Jiong mai la ngkitana'’, nasaba' ia to lino ngenan pelleseanna Puang Allataala. Danggi' too mikua, ‘Jao mai kota Yerusalem ngkitana'’, nasaba' iamo kota-Na Tomaraja Puang Allataala.

Matius 16:16

Mebalimi Petrus nakua, “Kita'mo Raja Mangpasalama', Anak to pole jio mai Puang Allataala to tuo te'da cappa'na.”

Efesus 2:19

Iamo joo ia to kamu' bangsa tangngia to-Yahudi, tangngiamo kamu' tosaleanan ba'tu totangnabasse Puang Allataala. Apa pada-padamo kamu' umma'-Na Puang Allataala sola to-Yahudi to matappa'mo, na direkenmo kamu' pangrapuan-Na Puang.

2 Timotius 4:18

La nala'paranna' Puang jio mai sininna kagajatan to mpatuna' anna ssolanna' tama suruga to nanii mangparenta. Iami joo, la dipakala'bih tarruhhi te'da cappa'na. Amin.

Ibrani 11:16

Apa ngkamali'ri mesa' tondok to la'bih melo, iamo joo tondok jao suruga. Na te'da namasiri' Puang Allataala ke nasangai Puangna, sanga denmo mesa' kota mangka napasadianni.