Ibrani 12:16 - Alkitab Duri

¹⁶ Ingaranni danggi' naden tau manggauk sala ba'tu te'da naangga'i to barakka'-Na Puang Allataala susi to napugauk Esau. Ia joo barakka' lako mesa' anak pamungah nabaluk lako adinna sangpiring nande.

Ibrani 12:16 Referans Kwoze

Pengkitanna Yahya 22:15

Apa ia to tau mpugauk bangngi to panggaukan gaja', susinna topangkita-kita, tomanggauk sala, topabuno, tossompa dewata, topangnguraga la kadanna, la panggaukanna, ia ngasan tee tau la saleanan jio mai joo kota.

Ibrani 13:4

La mikasiri' sola ngasan to kasibalian, na ia to tosibali danggi' naangah tolaen nasolan mamma', sanga ia to tomanggauk sala la nasessai Puang Allataala.

Jamanna Rasulu' 15:29

Iamo joo danggi' mikandei to kande diharangan, moda', rara na kande mangka dipassompan lako dewata, iarika danggi' mimanggauk sala. Ianna te'damo mimanggauk susi joo, battuananna manggauk melomo kamu'. Anggemi ntee, pada salama'ki'!”

Markus 7:21

Nasaba' pole lan mai penawa to nanii pangtangngaran gaja' na mpalao sala tau, susinna: manggauk sala, boko, mangbuno,

Pengkitanna Yahya 21:8

Apa ia to tolanjangan, tomboko'i Puang Isa, totangmessipa', topabuno, tomanggauk sala, tomangpatama-tama, tossompa dewata, na sininna tomangnguraga la dipenca'beanni tama api colo' manglanya-lanya. Iamo kamatean mangpenduan.”

Kolose 3:5

Iamo joo ca'beanni to sininna kamadoangan gaja'mi, susinna manggauk sala, panggaukan laen to tangsipato', nturu' bang pakkaeloran penawa, mangpanggaukan tangmelo na madoang nnassang sininna apa, nasaba' ia to tomangngassang dipapadai tossompa dewata.

Efesus 5:5

Nasaba' miissen kumua te'da nawa'ding menjaji umma'-Na Almaseh sola Puang Allataala lan kaparentan-Na to tomanggauk sala, tomangkedo tangsipato'na, ba'tu tomadoang bang nnassang sininna apa, nasaba' ia to tomangngassang dipapadai tossompa dewata.

2 Korintus 12:21

Magiangna' kumua, ia ke iti'mo', la napamajiong pole'na' Puang Allataala lan tangnga-tangngami. Magiangna' kumua la kumillakna', nasaba' buda tau lan tangnga-tangngami to tomadosamo jolona na te'da bang unapa namenassan, apa da'tanpa manggauk sala, mpugaukki to panggaukan tangmelona, ba'tu totangsipato' dipugauk.

1 Korintus 10:8

Danggi' tamanggauk sala susi to napugauk tuu lako tau pira' tonna anu'. Sangngallora na duang pulo tallu sa'bu tau mate, sanga napugaukki to susi joo.

Jamanna Rasulu' 15:20

Apa paralluki' ngkiringanni sura' mpakainga'i, dikua danggi' nakande kande diharangan, susinna moda', rara na kande mangka dipassompan lako dewata, iarika danggi' namanggauk sala.

Efesus 5:3

Jagai sangammi, danggi' naden tau mpaui kumua manggauk sala kamu', madoang kamu' nnassang sininna apa iarika mpugauk kamu' panggaukan tangsipato' laenna. Te'da nasipato' joo, nasaba' umma'-Na kamu' Puang Allataala.

1 Timotius 1:9

Parallu diingaran kumua, ia joo atoran dipaden tangngia lako tomelo, apa lakori togaja' iarika totangmangpesa'ding, lako totangnturu' Puang iarika tomadosa, lako totangssompa iarika totangkasiri' Puang, lako tombuno indona iarika ambe'na, na sininna to mbuno padanna rupa tau,