Ibrani 12:14 - Alkitab Duri

¹⁴ Mipengkulle-kullei sikalino ngasan tau. Mipengkulle-kullei tooi mpupengkaunan kalemi lako Puang Allataala, sanga ia ke te'da nasusi joo to sipa'mi, te'da mikullei ngkita Puang.

Ibrani 12:14 Referans Kwoze

2 Korintus 7:1

Ee, tomala'bihku' to kupakamoja'! Ia joo basse-Na Puang dipatujui ngasanki'. Iamo joo danggi'mo tapugauk sininna panggaukan sola pikkirisan tangmelo. La takalaja' takasiri' to Puang Allataala, anna te'da caccata' naputau mesaki'.

1 Tesalonika 4:7

Te'da napileiki' Puang Allataala kumua la mangpanggaukan salaki', apa iara nabenki' Roh Allataala dikua antapugaukki to napusannang-Na. Ia to tocia' ntarimai tee pangngajah tangngia tolino nakacia', apa Puang Allataalara.

1 Petrus 3:11

La natorroi mpugauk kagajatan, napugaukki to kameloan. La napengkulle-kullei sikalino padanna rupa tau,

Roma 12:18

Pengkulleii, ke wa'dingngi, misikalino ngasan tau.

Roma 14:19

Iamo joo tapengkulleimi mpaden kasikalinoan, sola to apa den bua'na lako kamatapparanna padanta' tomatappa'.

Kada Bulawan 16:7

Ia ke napumasannangngi penawan-Na Puang Allataala to panggaukanmu, moi ewamu Napasisoba'moko.

1 Tesalonika 3:13

Na dennaa upa' napamawatangngi Puang penawammi, anna te'da dosami na te'da caccami jio olo-Na Puang Allataala, Ambe'ta', ke ratu pole'i Puangta' Puang Isa sola sininna taun-Na.

Roma 6:22

Apa ia tee too la tuo kamu' susi to sipato'na tau mesan-Na Puang Allataala na la nnampa' kamu' katuoan melo te'da cappa'na, nasaba' mangkamo kamu' dila'paran jio mai kuasa dosa, mimengkaunan lako Puang Allataala.

3 Yahya 1:11

Ee, tokupakamoja'! Danggi' muturu'i to apa tangmelo, apa iara to melona. Ia to tompugaukki to melona, taun-Na ia Puang Allataala. Apa ia to tompugaukki to tangmelona, to tangnnissenpa ia Puang Allataala.

Efesus 5:5

Nasaba' miissen kumua te'da nawa'ding menjaji umma'-Na Almaseh sola Puang Allataala lan kaparentan-Na to tomanggauk sala, tomangkedo tangsipato'na, ba'tu tomadoang bang nnassang sininna apa, nasaba' ia to tomangngassang dipapadai tossompa dewata.

Ibrani 12:10

Ia to ambe'ta' lan lino cingga'tu'ra nanii mpabalahhiki', situru' to apa nasanga melo. Apa la tapumelona kita' to pangpabalah-Na Puang Allataala, dikua antawa'ding messipa' melo takaba'ci too kagajatan susi to nakaba'ci Puang Allataala.

1 Timotius 6:11

Ee, Timotius! Danggi' mupugaukki tuu lako, sanga taun-Namoko Puang Allataala. Apa la mpugaukroko pakkaeloran-Na Puang Allataala, massompa lako kale-Na, matappa' lako Puang Isa Almaseh, mpakamoja' padammu rupa tau, sabbara' lan kamaparrisan na mpangkadai rampa' tau.

Kada Bulawan 15:1

Ia to kada tangkebuku mparadan kamagallian, apa ia to kada mepa'dikan penawa ssarrang kamagallian.

1 Petrus 3:13

Te'da tau la mpugauk kagajatan lako kamu' ke masannang bang kamu' mpugauk kameloan.

Markus 9:50

Jaji parallu kamu' sipemeloan penawa sola ngasan. Ianna te'da misusi joo, susi bang kamu' ce'la tangbuaci' to te'damo nadikulle mpebuaci'i pole'i.”

2 Petrus 3:11

Susimi joo la disabu'i to lino. Iamo joo la messipa' melo kamu' susi to sipato'na, mida'tan mpugaukki to pakkaeloran-Na Puang Allataala,

1 Korintus 1:10

Ee, tomala'bihku' sola ngasan! Kuasan-Na Puangta' Puang Isa Almaseh kumeta'da kumua mimesa' pangtangngaran. Danggi' misipekka, apa la memmesa' penawara kamu'.

Kada Bulawan 17:14

Ia to tompamulai massite'geh, pada to llo'po' lalan wai, iamo joo la'biran salai bangmi, danggi' naden kasiboboran.

Lukas 1:75

antapangben kaleta' lako Puang, napumasannangngi penawan-Na, padapi tanii tuo.

2 Timotius 2:22

Iamo joo danggi' muturu'i bang kamadoanganmu mpugauk kagajatan to biasa napugauk tokallolo. Apa la mupengkulle-kullei tuo situru' pakkaeloran-Na Puang Allataala, muturu' tonganni to pangngajaran-Na, mpakamoja' padammu rupa tau, na musikalino sola tossompa Puang Allataala lantuk tama penawanna.

1 Tesalonika 5:15

Jagaii na danggi' naden tau mangpabalahhi panggaukan gaja' na gaja'. Mipengkulle-kulleii ammituli mpugauk kameloan lako padammi tomatappa' na lako sininna tau.

2 Petrus 3:18

Apa la pena' mperasai kamu' kameloan penawan-Na Puangta' Puang Isa Almaseh, Tomangpasalama'ta', ammisannissen-nissennai. Pakala'bihmi tee too, ratu lako te'da cappa'na! Amin. Sallangki' mati', Petrus,

Filipi 3:12

Te'da kukua mangkamo' nnampa'i joo kukadoangngi, iarika mangkamo' menjaji totangkasalan. Apa tarruh-tarruh bangpa' mpengkulleii, kenna wa'ding kuampa' todai, nasaba' iamo joo patun-Na napupenjajina' Puang Isa Almaseh taun-Na.

2 Korintus 6:17

Iamo joo salaii tuu lako tocia' matappa' lako Puang Allataala, messarak kamu' jio mai tuu lako tau. Danggi' lalo misitumbu to apa harang, angkuwa'ding ntarima kamu'.

1 Korintus 13:12

Ia tee too ia to apa takita susiri to bajo-bajo tangmanyarrah lan cammin, apa la takita manyarrah keanu'. Ia tee too denpa kakuranganna to kapaissenanku' jiona Puang Allataala. Apa ia ke keanu', la kuissen to Puang Allataala susi Ia nnissenna'.

Galatia 3:21

Ia ke susii joo, sisalaraka to atoran agama na basse-Na Puang Allataala? Te'da lalo ia! Sanga ia ke dibenni atoran agama to tolino to la mpatuoi, manassa iamo mpupenjaji tomeloi ke naturu'i joo. Apa te'da nakullei to atoran agama mpugaukki susi joo,

Ibrani 9:28

Susi toomi Almaseh pissenri mpassompan kalena la ndampangan buda tau. Na ia ke ratu pole'mi, te'damo naratu la mpangben sunga'-Na nasaba' dosana tau, apa la mbenmira kasalamatan lako tontajan karatuan-Na pole'.