Ibrani 12:10 - Alkitab Duri

¹⁰ Ia to ambe'ta' lan lino cingga'tu'ra nanii mpabalahhiki', situru' to apa nasanga melo. Apa la tapumelona kita' to pangpabalah-Na Puang Allataala, dikua antawa'ding messipa' melo takaba'ci too kagajatan susi to nakaba'ci Puang Allataala.

Ibrani 12:10 Referans Kwoze

2 Petrus 1:4

Susimi joo carana Puang Allataala mbenki' barakka' liwa' tonggo to te'da nasusian keangga'na, to mangkamo nabasseanki'. Naben kamu' joo barakka' ammimessipa' melo susi sipa'-Na, nadanggi'mo mituru' kamadoangan gaja'. Ia joo kamadoangan gaja' ssolangngi totangnturu' Puang Allataala.

Titus 2:14

Mangkamo Ia mpangkaroban kalena la lla'bakki' jio mai sininna kagajatanta' napupenjajiki' umma'-Na to tangmadosa antatatta' too mpugauk kameloan.

Efesus 4:24

ammipamulai to katuoan baru situru' pakkaeloran-Na Puang Allataala. La maruruh na tongan to panggaukanmi susi sipato'na tau mesan-Na Puang.

1 Petrus 2:9

Apa kamu'mo to bangsa napileimo Puang Allataala, ammimenjaji imangna Raja to mipangjaman. Napupenjaji kamu' bangsa to disarakki jio mai bangsa laen ammimenjaji tau mesan-Na. Napileimo kamu' la mpangpeissenan panggaukan-Na to te'da susinna. Iamo ntambai kamu' messun lan mai kamasolangan, ammimentama kamasannangan to liwa' mejangngaran.

1 Petrus 2:5

ammimenjaji toda susi batu to napake Roh Allataala mpake'deh Bola Puang Allataala. Menjaji toomo kamu' susi imang to mpangjaman mandamo Puang Allataala. Na susi imang mangkaroba, la susi toda kamu' la mpangkaroban kalemi lako Puang Allataala susi to napatujuan kamu' Roh Allataala. Na ia joo karoba napumasannang Puang Allataala nasaba' Puang Isa Almaseh.

Ibrani 12:14

Mipengkulle-kullei sikalino ngasan tau. Mipengkulle-kullei tooi mpupengkaunan kalemi lako Puang Allataala, sanga ia ke te'da nasusi joo to sipa'mi, te'da mikullei ngkita Puang.

Rut 1:3

matemi Elimelekh, jaji Naomi mandamora sola anakkana dua muane.