Ibrani 11:7 - Alkitab Duri

⁷ Napugaukki Nabi Nuh to apa nasuanni Puang Allataala, sanga matappa'i. Napauanni Puang Allataala apa to la jaji to te'dapa nakitai. Mengkaturu'i Nabi Nuh lako Puang Allataala anna kabua' mesa' kappala' dikua napasalama'i sintong repokkona. Susimi joo tonna disessamo to tolino, apa ia to Nabi Nuh napupenjaji tomelo Puang Allataala, sanga matappa'i.

Ibrani 11:7 Referans Kwoze

1 Petrus 3:20

Ditarungkui sanga cia'i matappa' lako Puang Allataala tonna tuo unapa Nabi Nuh tonna anu'. Sabbara'i Puang Allataala ntajanni to kamengkatobaranna, samangkanna Nabi Nuh nggaraga kappala'. Ia mandara napasalama' Puang Allataala to tau karua lan joo kappala' tonna wai saba' tonggo.

Roma 4:13

Ia to Nabi Ibrahim sola bati'na nabasse Puang Allataala la nnampui tee lino, tangngia nasaba' Nabi Ibrahim mpugauk atoran agama, apa nasaba' matappa'i anna dipupenjaji tomelo.

Lukas 17:26

Ia ke wattunnamo' ratu pole' tee Aku', Anak Mentolino, la susi tonna linona Nabi Nuh tonna anu'.

Filipi 3:9

angkumesa' penawa sola. Te'da kudipupenjaji tomelo, sanga mpugaukna' atoran agama, apa napupenjaji tomelona' Puang Allataala, sanga matappa'na' lako Almaseh.

Galatia 5:5

Apa ia tee kami', kirannuan napupenjaji tomelokan Puang Allataala, sanga matappa'kan lako Puang Isa Almaseh. Parannukan susi joo, nasaba' napamanassankan Roh Allataala.

Ibrani 5:7

Ia tonna tuo unapa Puang Isa lan lino, massambajangngi napasibawai wai matanna to sarro-Na lako Puang Allataala to makuasa mpasalama'i jio mai kamatean. Natarima Puang Allataala to peta'dan-Na, nasaba' mpamajiongngi kalena na mangpesa'ding lako Puang Allataala.

Roma 3:22

Napupenjaji tomelo Puang Allataala to tau, nasaba' matappa'i lako Puang Isa Almaseh. Na ia tee napatujui Puang Allataala lako sininna tolino, te'da tau dipasilaenan,

Roma 1:17

Ia to Kareba Kasalamatan mpaissenniki' umbo nakua carana Puang Allataala mpupenjaji tomeloi to tolino. Iamo to kamatapparan manda lako Puang Allataala, te'da ia cara laen. Susi to diuki' lan Sura' Allataala kumua, “Ia to tau dipupenjaji tomelo sanga matappa'i lako Puang Allataala, na iamo la nnampa' katuoan melo te'da cappa'na.”

Matius 3:7

Apa ia tonna kitai kumua buda to-Farisi sola to-Saduki ratu kumua nadijio' toda, mangkadami nakua, “Ee, kamu' bati' ulah balu! Te'da mikullei mpalaian kalemi jio mai pangcalla-Na Puang Allataala to la ratu!

Kada Bulawan 27:12

Ia to tomelo akkalanna mpessalai ke denni abala' nakita, apa ia to totangmapahangpa, tarruh bangngi arannai macilaka.

2 Petrus 3:6

Na ia joo wai, tonna wai saba' la'da', napake Puang Allataala ssabu'ii joo lino jolo.

2 Petrus 2:5

Susi toomi to totangmangpesa'ding to wattu pura diboko' te'da nalatangssessai Puang Allataala. Ia to lino jolo nasolanganni wai saba' anna mate sininna tau to cia' matappa'. Nabi Nuh mandara sola pitu repokkona dipasalama'. Ia to Nabi Nuh mpangpeissenanni pakkaeloran-Na Puang Allataala.

2 Petrus 1:1

Ee, tomala'bihku' sola ngasan! Pada matappa'miki' lako Puangta' Puang Isa Almaseh, nasaba' kamarurusan-Na. Iamo Puang Allataala, Tomangpasalama'ta'. Aku' Simon Petrus, taun-Na ba'tu rasulu'-Na, ngkiringan kamu' tee sura'.

Ibrani 11:1

Ia to tau matappa' lako Puang Allataala, naissen tongan kumua la naben Puang Allataala to apa narannuan. Moi te'dapa nakitai matanna, nakanassai kumua la jajii.

Roma 10:6

Na nauki' unapa Nabi Musa matumba carana dipupenjaji tomelo to tolino, ke matappa' lakoi Puang. Nauki'i kumua, “Danggi' mukua lan penawammu, ‘Indara to la endek de' suruga?’ (battuananna to la mpupellao Almaseh jao mai suruga),

Roma 4:11

Mangkamira joo, namane' disunna'. Ia to kadisunnatanna tandana kumua ia to Nabi Ibrahim napupenjaji tomeloi Puang Allataala, nasaba' matappa'i, moi na te'dapa napugaukki to atoran sunna'. Iamo joo na ia to Nabi Ibrahim menjaji ambe'na sininna tomatappa', to dipupenjaji tomelo, moiraka na te'da nadisunna'.

Matius 24:38

Ia tonna te'dapa namangngola joo wai saba', ia to tau mangmaroah-roah bang nakebaine-kemuane. Susi tarruhmi joo ratu lako mentamanna kappala'na Nabi Nuh.

Matius 24:25

Jaji, ingaranni tee! Kupauan jolomo kamu' moi na te'dapa najaji.

Roma 9:30

Apa omo la takua? Susii tee: Ia to bangsa tangngia to-Yahudi te'da napengkullei dipupenjaji tomelo, apa napupenjaji tomelo Puang Allataala, nasaba' kamatapparanna.

Kada Bulawan 22:3

Ia to tomelo akkalanna, napessalai ke denni abala' nakita, apa ia to totangmapahangpa, tarruh bang arannai macilaka.

Matius 24:15

Mpatarruhhi kadan-Na Puang Isa nakua, “La ngkita kamu' ‘apa to liwa' mecarepan’ dipake'deh lan Bola Puang Allataala, susi to mangka napau Nabi Daniel. (Ia to tombacai tee, la naissen meloi apa battuananna!)

Matius 2:12

Ia tonna polemo lako kampongna, lalan leko'mo naola, nasaba' napangngingaranni Puang Allataala lan tindona nakua, “Danggi'mo mimale ssikitan pole' Raja Herodes.”

Ibrani 8:5

Ia to jaman najama tuu lako imang, sitonganna pangpasusianra ba'tu bajo-bajonara to apa denmo jao suruga. Susi toomi ia to tenda passompan napake'deh Nabi Musa tonna anu', bajo-bajonara to Tenda Tongan. Iamo joo nakuanni Puang Allataala to Musa, “Ingaranni! Padami to la mugaraga, la mupasusi ngasanni to apa mangka dipakitanko jao buntu.”

Ibrani 12:25

Danggi' mitangmpesa'dingngii joo tomangkada jao mai suruga, sanga ia to to-Israel tonna anu' to cia' mpesa'dingngii to kada pole jao mai Buntu Sinai, te'da nakullei la'pah jio mai pangsessa-Na Puang Allataala. Apa pole'raka tee kita' to ssa'dingngi joo tomangkada jao mai suruga ke cia'ki' mpesa'dingngii.