Ibrani 11:5 - Alkitab Duri

⁵ Te'da namate to Henokh, apa diangka'i de' suruga lako Puang Allataala, sanga matappa'i. Jaji, moi mesa' tau te'damo nnampa'i, sanga mangkami naangka' Puang Allataala. Diuki' lan Sura' Allataala kumua, ia tonna te'dapa nadiangka' to Henokh napumasannang Puang Allataala.

Ibrani 11:5 Referans Kwoze

Yudas 1:14

Den kadanna Nabi Henokh tonna anu' mpau joloi tee mai guru tangtongan. Ia joo Nabi Henokh to mangpempitu jio mai Nabi Adam. Nakua kumua, “Kitai! La ratui Puang sola massa'bu-sa'bu malaeka'-Na.

Ibrani 11:6

Moi mesa' tau te'da napumasannang Puang Allataala ke tangmatappa'i. Ia ke den tau madoang mangngolo lako Puang Allataala, la nakatappa'i kumua den to Puang Allataala, na la nakatappa'i too kumua melo penawan-Na to Puang Allataala lako to tonnangahhi.

1 Yahya 3:22

Na apa to tapeta'da lako Ia, nabenki', nasaba' nturu'ki' parenta-Na na tapugauk too to apa napumasannang penawan-Na.

1 Tesalonika 2:4

Te'da lalo ia! Tangngia kipau to la napusannang tolino, apa iara kipau to napusannang-Na Puang Allataala to nnissen penawangki'. Nasaba' nasangamokan Puang Allataala sipato' mpangpeissenanni joo Kareba Kasalamatan.

Lukas 3:37

Ia to njajian Lamekh disanga Metusalah. Ia to njajian Metusalah disanga Henokh. Ia to njajian Henokh disanga Yared. Ia to njajian Yared disanga Mahalaleel. Ia to njajian Mahalaleel disanga Kenan.

Lukas 2:26

Mangkamo napauan Roh Allataala kumua, te'dapa nalamate, ke te'dapi nakitai to Raja Mangpasalama' to napau jolo Puang Allataala.

Ibrani 2:9

Apa takitamo to Puang Isa to mangka dipamajiong cingga'tu' na ia to malaeka', kumua dipupenjajimo tomala'bih na todikasiri', tonna mangkamo mperasai parri' ratu lako mate-Na. Napattantui Puang Allataala kumua la mate to Puang Isa ssullei to sininna tolino, sanga kameloan penawan-Na.