Ibrani 11:40 - Alkitab Duri

⁴⁰ sanga naakkattai Puang Allataala kumua kita'ra to ntarimai. Iamo joo solapiki' to tau susi joo, namane' nnampa'i to barakka' te'da kakuranganna.

Ibrani 11:40 Referans Kwoze

Pengkitanna Yahya 6:11

Pada dibenni pakean malando mabusa, namane' disua kenden jolo' nasabbara' cingga'tu', anna dipaganna' bilanganna to padanna tomatappa' to la dibuno toda.

Ibrani 8:6

Apa la'bih melo to jaman dipabarakkananni Puang Isa na ia to jamanna imang bati'na Lewi. Puang Isamo mpasijajianni to basse-Na Puang Allataala sola tolino. Na ia joo basse la'bih melo na ia to basse napasijajian Nabi Musa. La'bih melo joo basse baru, sanga la'bih melo to apa dipau lan.

Ibrani 7:19

sanga ia to atoranna Nabi Musa te'da nakullei mpupenjaji melo tau, moi mesa'. Na ia to tarannuan tee too la'bih melo na ia to dirannuan jolona, antabarani mangngolo lako Puang Allataala.

Ibrani 9:23

Ia to tenda passompan panggaraga tolino, bajo-bajona bangra joo Tenda-Na Puang Allataala jao suruga. Na ia ke ia joo tenda passompan jio lino dipemaceroi mpake karoba susi joo, la'bih pole' opa ia to Tenda-Na Puang Allataala parallu dipemaceroi mpake karoba la'bih melo.

Ibrani 5:9

Susimi joo nadipupenjaji Tomangpasalama' te'da caccana ba'tu kakuranganna to mben katuoan melo te'da cappa'na lako tomengkaturu' lako Ia.

Ibrani 7:22

Pajanmo lan joo sapah kumua Puang Isamo mpasijajianni to basse la'bih melo.

Ibrani 11:16

Apa ngkamali'ri mesa' tondok to la'bih melo, iamo joo tondok jao suruga. Na te'da namasiri' Puang Allataala ke nasangai Puangna, sanga denmo mesa' kota mangka napasadianni.