Ibrani 11:36 - Alkitab Duri

³⁶ Den to dicapa'-capa' na dipekaju. Den too to dirante bassi na dipatama pangtarungkuan.

Ibrani 11:36 Referans Kwoze

Ibrani 10:34

Na turu' kamu' mpumasussai to toditarungku. Ia tonna rampai kamu' tau to apammi, micanninganni ati, sanga miissen kumua den unapa to apa miampui, iamo to nabassean kamu' Puang Allataala. La'bih melo ia joo, sanga te'da nalata'de.

Matius 23:34

Pesa'dingngii! La kuparatuan kamu' tomapahang, nabi na guru, denni to la mibuno, na den tooi to la mipampang. Denni to la mirambi lan bola passambajangan, na den tooi to la miula' tarruh-tarruh jio mai mesa' kota lako kota laen.

Pengkitanna Yahya 2:10

Apa danggi' mimalaja' to kamaparrisan to la mioloi. Matappa' kamu', sanga sitonganna den ba'tu pira-pira tau lan tangnga-tangngami la napembuangan Ballisi' tama pangtarungkuan, napengkulle-kullei mpalao sala kamu' nate'damo mimatappa'. La mperasai kamu' pa'dik sangpulo allona. Apa la matappa' kamu' lako Aku' ratu lako matemi na la kuben kamu' pahala, iamo to katuoan melo te'da cappa'na.

2 Timotius 2:9

Ditarungkuna', angkumaparri' butung togaja', nasaba' mpangpeissenanna' Kareba Kasalamatan. Apa ia to kadan-Na Puang Allataala te'da nawa'ding dikammatan.

2 Timotius 1:16

Dennaa upa' napakitanni Puang kameloan penawan-Na to repokkona Onesiforus, nasaba' ia to Onesiforus tatta'i mpamariona' na te'da nakasirisanna' moi kuditarungku.

Efesus 4:1

Ia tee aku', to ditarungku nasaba' mpangjamanna' Puang, meta'dana' lako kamu' kumua ia to sipa'mi la sipato' susi sipa'na umma'-Na Puang Allataala, nasaba' mangkamo kamu' dipilei menjaji umma'-Na.

Jamanna Rasulu' 24:27

Napallan bangngi pangtarungkuan to Paulus, nasaba' madoangngi Gubernur Feliks nnala penawanna to-Yahudi. Ia tonna duang taunmo, endekmi Perkius Festus menjaji gubernur ssulle Feliks.

Jamanna Rasulu' 21:33

Nakandoppi'i pangbarani to Paulus najokkoi, napangpepumpunganni mpake dua rante bassi. Namane' mpekutananni indara joo Paulus na apara napugauk.

Jamanna Rasulu' 8:3

Apa ia to Saulus madoang tarruh bang la ssabu'i joo jamaa. Iamo joo namale llelei bola, narui' simesa'i lan mai la muane la baine, napangpetarungkuanni.

Jamanna Rasulu' 5:40

Napangpesuanni to rasulu' ratu, napekajui, namane' ngkuanni, “Te'damo miwa'ding mpangpangngajaranni to misanga Puang Isa.” Mangkai joo too dila'paranmi.

Jamanna Rasulu' 5:18

najokkoi to rasulu', napatamai pangtarungkuan.

Jamanna Rasulu' 4:3

Najokkoi joo rasulu' sola duai, napatamai pangtarungkuan. Dipallan bangmi sola dua ratu lako masawanna, nasaba' bongimi.

Lukas 23:36

Ia joo surudadu ncapa'-capa' toda Puang Isa. Siratuanni mbenni wai anggoro' macukka,

Lukas 23:11

Na Raja Herodes sola surudadunna mpelle' Puang Isa na ncapa'-capa' tooi, napapakeii pakean kamala'biran. Mangkai joo too, namane' mpapolei lako Gubernur Pilatus.

Lukas 18:32

La dipangbenna' lako bangsa tangngia to-Yahudi, nacapa'-capa'na', napegaukkina', nacikkuduina',

Markus 10:34

La nacapa'-capa'na', nacikkuduina', narambina', namane' mbunona'. Apa ia ke allo mangpentallun, la dipatuo pole'na'.”

Matius 27:26

Nala'paranmi Gubernur Pilatus to Barabas, napangperambianni to Puang Isa, namane' mpangbenni la dipampang.

Matius 21:35

Apa ia tonna ratumo lako, najokkomi tomendulu. Den to narambi, den to nabuno na den too to nasilekko'i batu.

Matius 20:19

namane' mpangbenna' lako bangsa tangngia to-Yahudi nacapa'-capa'na', narambina', namane' mpampangna'. Apa ia ke allo mangpentallun, la dipatuo pole'na'.”

Efesus 3:1

Ia tee aku' Paulus ditarungkuna', nasaba' mpangpeissenanna' Puang Isa Almaseh lako kamu' bangsa tangngia to-Yahudi.

Daniel 11:33

Den tau to nnampui kamaccan la mpangpangngajaran kameloan na buda tau mapahang, apa te'da namasain. Ba'tu pira-pira joo tomacca la dipatei lan kapararian ba'tu nakande api na den too to dirampo' na ditarungku.