Ibrani 11:35 - Alkitab Duri

³⁵ Den ba'tu pira-pira indo nnampa' pole' rapunna to matemo nadipatuo pole', sanga matappa'i. Den too tonneloran bang kalena disessa ratu lako matena. Cia'i dila'paran ke membalik pole'i kamatapparanna, sanga madoangngi dipatuo pole' nannampa' katuoan la'bih melo.

Ibrani 11:35 Referans Kwoze

Filipi 3:11

kudipatuo pole' toda jio mai kamatean keanu'.

Jamanna Rasulu' 9:41

Natoei Petrus to limanna napake'dehhi. Mangkai joo too natambaii to tote'damo muanena sola tomatappa' laen, nasuai ratu ngkitai to Tabita tuo pole'mo.

Jamanna Rasulu' 24:15

Sitonganna susi bang unana' tuu mati', pada kirannuan lako Puang Allataala kumua sininna tomate la napatuo pole' jio mai kamatean, la tomelo, na la togaja'.

1 Korintus 15:54

Ianna mangkamo joo, mane'ri jaji to diuki' lan Sura' Allataala kumua, “Mangkamo ditaloi to kuasa kamatean, te'damo nalamate to tau!”

Jamanna Rasulu' 23:6

Naissen Paulus kumua ia tuu lako Pangbicara Agama sesena to-Saduki na sesena to-Farisi. Iamo joo naandongngi mangkada nakua, “Ee, todipusile'to! Ia tee aku' to-Farisina', bati' to-Farisina'. Ia kudiparessa ntee, nasaba' kukatappa'i kumua la tuo pole' to tomate.”

Jamanna Rasulu' 22:29

Ia joo wattu sorong boko'i to surudadu la mparessai, namemmalaja' toomi joo pangbarani, sanga naissenni kumua to-Roma pale' ia, na iamo mangka mpangpepumpunganni.

Jamanna Rasulu' 4:19

Apa napebalii nakua, “Tapikkiri' bangmi, umbonna to nakabudai Puang Allataala, nturu'raka parentata' iarika nturu' parenta-Na.

Yahya 5:29

Na ia to tomelo panggaukanna la messun lan mai lamunan anna tuo melo te'da cappa'na, apa ia to togaja' panggaukanna la messun too lan mai lamunan anna disessa.”

Lukas 14:14

Na la dibarakka'i kamu', nasaba' ia tuu lako tau te'da nalangkullei mpabalahhii to kameloanmi. La miampa' to pahalami jio mai Puang Allataala, ke wattunnami to tomelo dipatuo pole' jio mai kamatean.”

Markus 12:25

Ianna tuo pole'mo to tau jio mai kamatean, te'damo ia tokebaine-kemuane, apa la tuomi susi malaeka' jao suruga.

Matius 22:30

Nasaba' ia ke mangkami tuo pole' to tau jio mai kamatean, te'damo ia tokebaine-kemuane, apa la tuomi susi malaeka' jao suruga.

Lukas 20:36

Nasaba' la tuomi susi malaeka' to te'damo nalamate pole'. Menjajimi ia anak Allataala, sanga dipatuo pole'mi jio mai kamatean.