Ibrani 11:33 - Alkitab Duri

³³ Ia to tau susi joo budamo raja natalo, sanga matappa'i. Napugaukki to pakkaeloran-Na Puang Allataala, anna tulungngi Puang Allataala susi to napauanni. Napasitutu'i to kasongo singa,

Ibrani 11:33 Referans Kwoze

Ibrani 10:36

Parallu kamu' sabbara', ammikullei mpugaukki to pakkaeloran-Na Puang Allataala. Ia ke susii joo la mitarimai to apa nabassean kamu'.

Galatia 3:16

Susi toomi to basse-Na Puang Allataala sola Nabi Ibrahim na bati'na. (Issen meloi, te'da nadiuki' lan Sura' Allataala kumua, “na sininna bati'na”, battuananna buda tau. Diuki' ia kumua, “na bati'na”, battuananna mesa'ra tau, iamo to Almaseh.)

1 Petrus 5:8

La sadia kamu', ammimajaga! Nasaba' ia to ewalimmi Ballisi' susi bang singa lumingka male lako male jio mai, namangngaung-ngaung nnangahhi to la nakandena.

Ibrani 11:17

Napassompanni Nabi Ibrahim to Ishak lako Puang Allataala susi karoba sanga matappa'i, tonna ujii Puang Allataala kumua matappa' tonganrika ia. Mangkamo Nabi Ibrahim nabassean Puang Allataala, “Bati'na manda Ishak to disanga bati'mu situru' basse-Ku'.” Moi nasusi joo, apa canning atinna Nabi Ibrahim napassompanni joo anak tungga'na.

2 Timotius 4:17

Apa naampaimo' Puang, naben toomo' kapakullean, angkuwa'ding mmangkai jamanku' mpangpeissenan Kareba Kasalamatan lako sininna bangsa tangngia to-Yahudi inde', napasalama'na' Puang jio mai kamatean.

Matius 5:12

Parannu kamu' mimasannang, nasaba' buda pahalami jao suruga. Ia tee kadipakario-rioanmi tee too, susi bang una to pura digaukanni tuu lako nabi tonna anu'.”

Yakub 2:18

Apa mbai den to mangkada kumua, “Den tau matappa' manda, den too tau mpugauk manda panggaukan melo.” La kukua mpebalii, “Pakitanna' umbo nakua to tau matappa' ke te'dai napasiolanan panggaukanna, angkupakitanni panggaukan to mpamanassai kumua den kamatapparanku'.”