Ibrani 11:32 - Alkitab Duri

³² Kusangai te'damo naparallu kupatarruh. Te'da wattungku' la mpaui to Gideon, Barak, Simson, Yefta, Raja Daud, Nabi Samuel na sininna nabi.

Ibrani 11:32 Referans Kwoze

Yahya 21:25

Budapa laenna to napugauk Puang Isa. Na ia ke la diuki' simesa'-mesa'i, kusanga ia to sura' dinii nnuki'i te'da nalasiagi tee lino.

2 Petrus 1:21

Sanga ia to kadan-Na Puang Allataala naparatu nabi te'da napaui situru' pakkaeloranna, apa Roh Allataala mpatujui namangkada situru' pakkaeloran-Na Puang Allataala.

Roma 7:7

Na ia ke susii joo apara la takua? Takuaraka kumua gaja' to atoranna Nabi Musa? Te'da ia! Apa nnissenmo' dosa, nasaba' kuissen to atoranna Nabi Musa. Ia kenna te'da nadiuki' lan atoranna Nabi Musa kumua, “Danggi' ngkadoangngi apanna padammu rupa tau!”, te'da kuissenni to madoang.

Roma 4:1

Ia ke susii joo, apara la takua to jaji lako Nabi Ibrahim tojolota'?

Roma 3:5

Apa ia ke ia to panggaukan gaja'ta' napusaba' nasapajan-pajanna to kamarurusan-Na Puang Allataala, apara la takua? Takuaraka kumua tangmaruruh to Puang Allataala, ke nacallaki'? Mangkada tobiasana' tee.

Jamanna Rasulu' 13:20

Den agi-agi pata ratuh limang pulo taun masainna joo. Ia tonna mangkamo ditawa-tawa joo tana Kanaan, nabenmi Puang Allataala ba'tu pira-pira pangbicara to ntoe too parenta. Nabi Samuelmo to pangbicara tampakkana.

Jamanna Rasulu' 10:43

Sininna nabi mpangpeissenanni kumua ia to tongkatappa'i Puang Isa la didampangan, nasaba' kuasan-Na Ia Puang Isa.”

Jamanna Rasulu' 3:24

Sininna nabi mellao jio mai Nabi Samuel napangpeissenan ngasanmo apa to la jaji tee too.

2 Petrus 3:2

Ingaranni to kada mangka napau jolo nabin-Na Puang Allataala tonna anu'. Ingaran tooi to parenta-Na Puang Mangpasalama' to mangkamo napangpeissenan rasulu' lako kamu'.

Yakub 5:10

Ee, tomala'bihku'! Ingaranni to nabi mangkada mpau pepasan-Na Puang. Sabbara'i nnoloi kamaparrisan, jaji alai palelean mata.

Roma 6:1

Ia ke susimi joo, apara la takua? La da'tan bangpiriki'ka mpugauk dosa, dikua anna samelo-melona penawan-Na Puang Allataala lako kaleta'?

Lukas 16:31

Apa nakua Nabi Ibrahim lako, ‘Ia ke te'da napesa'dingngii to sura'na Nabi Musa sola nabi laen, umbora la nakua mpesa'dingngii kenna la den tomate tuo pole' la male mpakainga'i.’ ”

Lukas 13:28

Ia ke mikitami Nabi Ibrahim, Ishak na Yakub sola sininna nabi laen mangmaroah-roah lan Lino Barun-Na Puang Allataala, la kumarrak kamu', misunggarigi', nasaba' diula'i kamu'!

Matius 5:12

Parannu kamu' mimasannang, nasaba' buda pahalami jao suruga. Ia tee kadipakario-rioanmi tee too, susi bang una to pura digaukanni tuu lako nabi tonna anu'.”