Ibrani 11:19 - Alkitab Duri

¹⁹ Nakatappa'i Nabi Ibrahim kumua makuasa to Puang Allataala mpatuo pole'i to Ishak jio mai kamatean. Jaji, wa'ding dikua, mangkami natarima pole' Nabi Ibrahim to Ishak jio mai kamatean.

Ibrani 11:19 Referans Kwoze

Matius 9:28

Ia tonna mentamamo bola, ratumi joo tobuta sola duai lako Puang Isa. Nakutanaimi Puang Isa nakua, “Mikatappa'iraka kumua wa'dingna' mpapakita kamu'?” Mebalimi nakua, “Ie', kikatappa'i kita' Puang!”

Efesus 3:20

Ia to Puang Allataala, to ntulung tarruhki', nakulle la mpugaukki la'bih budapa na ia to tapeta'da doangan ba'tu ia to tapikkiri', sanga liwa' Ia makuasa.

Ibrani 9:24

Na ia to Almaseh te'da namentama tenda passompan panggaraga tolino to bajo-bajona Tenda-Na Puang Allataala jao suruga. Apa mentamai suruga namangngolo lako Puang Allataala. Jaoi tee too la mpangkadananki'.

Roma 5:14

Moi nasusi joo, sipammula jio mai Nabi Adam ratu lako Nabi Musa, nang matemo to tolino. Matei to tau susi Nabi Adam, moi na ia to dosana te'da nasusi dosana Nabi Adam ntengkai parenta-Na Puang Allataala. Ia to Nabi Adam wa'ding dipasusi joo to la undi ratu, iamo to Puang Isa Almaseh.

Matius 12:36

Iamo joo ingaranni: Ia ke Kiama'mi lino pada la napebalii tau to kada tangkebattuanna lako Puang Allataala.

Ibrani 9:9

Ia ngasanmo joo pangrapanganna to apa jaji tee too, battuananna kumua ia to karoba to dipassompan unapa lako Puang Allataala te'da nakullei ndampangan tomassompa anna te'damo napasalai penawanna.