Ibrani 10:35 - Alkitab Duri

³⁵ Danggi' mika'tu rannu, sanga ia ammitatta' matappa', la buda to poleanna.

Ibrani 10:35 Referans Kwoze

1 Korintus 15:58

Ee, tomala'bihku' to kupakamoja'! Iamo joo la mpemawatangngi kamu' kamatapparanmi, danggi' nasitawa-tawa to penawammi. La mpangjaman tarruh kamu' Puang Allataala, nasaba' miissen kumua, sininna to apa mijaman Puang Allataala, den ngasan bua'na.

Ibrani 3:6

Apa Anak to Almaseh to dipabarakkanni jaman ntulung sininna taun-Na Puang Allataala. Na kita'mo tee to taun-Na, ke da'tanki' matappa' sola da'tanki' mangrannuan lako manda Puang Isa.

Lukas 14:14

Na la dibarakka'i kamu', nasaba' ia tuu lako tau te'da nalangkullei mpabalahhii to kameloanmi. La miampa' to pahalami jio mai Puang Allataala, ke wattunnami to tomelo dipatuo pole' jio mai kamatean.”

Ibrani 11:26

Nasangai Nabi Musa kumua la'bih keangga' ke dikita majiongngi sanga matappa'i lako Raja Mangpasalama' to nabasse Puang Allataala la ratu na ia ke namesaii to sininna ewanan jio tana Mesir, sanga rrannuanni pahalana jio ahera'.

Matius 5:12

Parannu kamu' mimasannang, nasaba' buda pahalami jao suruga. Ia tee kadipakario-rioanmi tee too, susi bang una to pura digaukanni tuu lako nabi tonna anu'.”

Ibrani 4:14

Denmo Imang Lompo tomala'bihta' to malemo de' suruga mangngolo lako Puang Allataala, iamo to Puang Isa, Anak Allataala. Iamo joo la matappa' tarruhki' na danggi' tapessakkannii kumua tangngia Puangta' to Puang Isa.

Ibrani 3:14

Sanga kita' ngasanmo nnampa' barakka' jio mai Almaseh, ke matappa' tarruhki' susi tontamane' matappa' ratu lako ssalainta' lino.

Matius 10:32

Mpatarruhpa kadan-Na Puang Isa nakua, “Ia to tonnakuina' jio olona tobuda kumua tomenturu'i lako kale-Ku', la kuakui todai jio olo-Na Ambe'-Ku' jao suruga.

Matius 10:42

Ia to tompaiso' sala mesa'na tee todikita majiong, nasaba' naturu'na', moi wai lino bangra, ingaranni kumua, la llolonganni barakka'.”

Ibrani 2:2

Tongan to atoran agama naparatu malaeka' lako tojolota', na ia tocia' mpesa'dingngii ba'tu nturu'i, disessai situru' panggaukanna.

Efesus 3:12

Kamatapparanta'mora lako Almaseh sola kamangmesan penawanta'mora sola Ia, antabarani mangngolo lako Puang Allataala.

Ibrani 10:19

Ee, tomala'bihku'! Baranimiki' mentama Ngenan Kaminang Macero, sanga kamatean-Na Puang Isa.

2 Yahya 1:8

Iamo joo mijagai meloi to apa kipengkulleimo mpugaukki ammida'tan matappa' lako Puang Isa. Ia ke te'damo mimatappa', te'da milannampa' katuoan melo te'da cappa'na jio mai Puang Allataala.