Ibrani 10:33 - Alkitab Duri

³³ Den midicapa'-capa' sola dipakario-rio jio olona tobuda, na den too kamu' masse penawammi ngkitai to dipa'dikki susi joo.

Ibrani 10:33 Referans Kwoze

1 Korintus 4:9

Ia to passanganku', ia tee kami' rasulu' napileanmokan Puang Allataala to torroan kaminang majiong, sanga susikan to mangkamo dipapassanni pangsessa kamatean, nasikita-kitaikan sininna apa lan lino, la malaeka', la tolino.

Filipi 4:14

Apa melo tuu mipugaukkuna, nasaba' miingaran to kamaparrisanku'.

Filipi 1:7

Sipato'na' mangpikkiri' susi joo, nasaba' kupakamoja' kamu' na mituru' toomi to jaman mangka dipabarakkananna', la lanna' pangtarungkuan, la ia ke mpangpeissenanna' Kareba Kasalamatan iarika mpamanassai kumua tongan joo Kareba.

Ibrani 11:36

Den to dicapa'-capa' na dipekaju. Den too to dirante bassi na dipatama pangtarungkuan.

1 Tesalonika 2:14

Ee, tomala'bihku' sola ngasan! Kiissen kumua mitarimamo to kadan-Na Puang Allataala, sanga ia to apa jaji lako jamaa-Na Puang Allataala jio tana Yudea, to matappa' lako Puang Isa Almaseh, ia toomo jaji lako kamu'. Padammi bang una to-Tesalonika mpa'dikki kamu'. Susi toomi to jamaa jio tana Yudea napa'dikkii too padanna to-Yahudi.

Ibrani 13:13

Iamo joo tamalemo lako Puang Isa jio saleanan kampong antadicapa'-capa' sola.

Ibrani 11:26

Nasangai Nabi Musa kumua la'bih keangga' ke dikita majiongngi sanga matappa'i lako Raja Mangpasalama' to nabasse Puang Allataala la ratu na ia ke namesaii to sininna ewanan jio tana Mesir, sanga rrannuanni pahalana jio ahera'.

2 Timotius 1:8

Iamo joo la baranimoko mpangpeissenanni to Puangta' Puang Isa lako tau laen, na danggi' too mukasirisanna', to ditarungku nasaba' nturu'na' Puang Isa. Apa sibalikanna, la maparri'ko susi aku', nasaba' mpangpeissenanko Kareba Kasalamatan, situru' kapakullean to nabenko Puang Allataala.

2 Korintus 12:10

Jaji, la'bih masannangra' ke tangpakullena', ke tangdiangga'na', ke mapa'dikna', ke disessana', ke masussana', nasaba' mpangjamanna' Almaseh. Mariona', nasaba' ia to wattu kunii tangpakulle, ia toomo joo wattu nabenna' Almaseh kapakullean.

Ibrani 12:4

Te'dapa kamu' mate nnewa dosa.