Ibrani 10:29 - Alkitab Duri

²⁹ Tantu la'bih disessai to tocia'mo matappa' lako Almaseh. Ia tuu lako tau susi to llese-lese Anak Allataala. Te'da toomo naangga'i to rara basse-Na Puang Allataala, iamo to kamatean-Na Almaseh, to mangka mpupenjaji tau, tau mesan-Na Puang Allataala. Te'da too naangga'i to Roh Allataala to nabenki' Puang Allataala, sanga kameloan penawan-Na.

Ibrani 10:29 Referans Kwoze

Efesus 4:30

Danggi' mipugaukki to apa ssussai Roh Allataala to torro lan kalemi. Ingaranni kumua ia to katorroan-Na lan kalemi, iamo buttinna kumua umma'-Namo kamu' Puang Allataala. Na Iamo la mikanassai kumua la napasalama' kamu' Puang Allataala jio mai pangsessa ke Kiama'mi lino.

1 Korintus 11:27

Iamo joo ia to totangsipato' ngkandei joo roti ba'tu tangsipato' nniso'i joo anggoro', madosai lako Puang to mpangbenmo kale-Na na rara-Na.

Lukas 12:10

Ia to tonnewa kadana' tee Aku', Anak Mentolino, wa'dingpa didampangan, apa ia to toncapa' Roh Allataala, te'damo nawa'ding didampangan.

Ibrani 2:3

Apa pole'pi kita', ia ke te'da taingaran meloi joo Kareba Kasalamatan, tantu te'da talala'pah jio mai pangsessa. Sanga la'bih melo joo Kareba Kasalamatan na ia joo atoran naparatu malaeka' tonna anu'. Puang Isa Ia to bungah mpangpeissenanni, na mangkamiki' napauan tuu lako tobungah ssa'dingngi, antaissenni kumua tongan.

Jamanna Rasulu' 7:51

Mpatarruhhi kadanna Stefanus nakua lako tuu lako Pangbicara Agama, “Ie' kita', antatakkaliwa'ra membattuk tagaja sussa menturu' lako Puang Allataala! Gaja taru to talinganta' mpesa'dingngi kadan-Na! Pada bangki' tojolota' tuli nnewa Roh Allataala!

Ibrani 12:25

Danggi' mitangmpesa'dingngii joo tomangkada jao mai suruga, sanga ia to to-Israel tonna anu' to cia' mpesa'dingngii to kada pole jao mai Buntu Sinai, te'da nakullei la'pah jio mai pangsessa-Na Puang Allataala. Apa pole'raka tee kita' to ssa'dingngi joo tomangkada jao mai suruga ke cia'ki' mpesa'dingngii.

Ibrani 9:13

Ia to rara beke bulolo' ba'tu rara sapin balian ba'tu au anak sapin mangka dipassompan dipake mpi'pikkii to tocarepa situru' atoranna Nabi Musa, anna wa'ding ssompa Puang. Na ia ke ia joo rara ba'tu au wa'ding mpemaceroi tocarepa situru' atoranna Nabi Musa, la'bih pole' opa ia to rara-Na Almaseh wa'ding mpemaceroi apa to lan penawanta' antawa'ding massompa lako Puang Allataala to tuo, sanga te'damo taparallu ssompai mpake atoran passompan to te'da bua'na. Ia to rara-Na Almaseh wa'ding mpugaukki susi joo, nasaba' ia to Almaseh te'da kasalan-Na. Napatujui Roh Allataala to tuo tarruh to Almaseh napassompan kalena lako Puang Allataala susi karoba te'da caccana.

1 Korintus 11:29

Nasaba' ia to tongkandei joo roti sola nniso'i joo anggoro', na te'da napahangngi kasiumputanna lako kamatean-Na Puang, mparatuan pangsessa kalena jio mai Puang Allataala.

Ibrani 6:4

Ia ke denni tomatappa'mo lako Puang Isa anna cia' pole' omo matappa', te'damo nadikulle mpupengkatoba' pole'i. Naperasaimo to barakka'-Na Puang Allataala, naperasai toomo to kuasan-Na Roh Allataala, naissenmo to kumua melo to kadan-Na Puang Allataala, naperasai toomo to kuasan-Na to la napake jio ahera'. Apa ia ke susii joo, nacia'mo ia matappa' lako Puang Isa, te'damo nadikulle mpupengkatoba' pole'i, sanga padami to mpampang pole' Anak Allataala jao kaju sitamben. Iamo joo napusaba' nate'damo nakasiri'i tobuda to Puang Isa.

Ibrani 2:11

Puang Isamo to mpupenjajiki' tau mesan-Na Puang Allataala. Tosangrapura to tompupenjaji tau mesan-Na Puang Allataala, na ia to todipupenjaji tau mesan-Na Puang Allataala. Iamo joo na te'da nakasirisanni mpusile'toi to tolino.

Yahya 17:19

Mangkamo kuturu' to kadan-Ta' angkumpangben kale-Ku' susi karoba, anna pumeloi tuu lako taun-Ta'. Kupugaukki susi joo dikua anna ia tuu lako taun-Ta' nturu' toda kadan-Ta' na mpangben toda kalena lako kale-Ta' namenjaji tau mesan-Ta'.

Matius 7:6

Danggi' mupangben apa mala'bih lako asu, nasaba' la messailei ngkengkeko, na danggi' mupangben mutiaramu lako bai, nasaba' la naleseri.”

Ibrani 13:20

Napatuo pole'mi Puang Allataala to Puangta' Puang Isa jio mai kamatean. Na ia tee too menjajimi Tomangrewa Tomala'bihta' rrewaiki' kita' to bembala'-Na, sanga kamatean-Na. Ia toomo joo kamatean-Na mpaassah basse te'da cappa'na to napaden Puang Allataala lako kita'. Iamo joo kumeta'da lako Puang Allataala to mpangben kamasannangan,

Yahya 10:36

matumbai misangana' ncapa' Puang Allataala, ke kukua ‘Anak Allataalana'’? Na Ambe' Ia mpileina' nasuana' tama lino.

Ibrani 9:20

Ia tonna pugaukki Nabi Musa susi joo mangkadai nakua, “Iamo tee rara mpaassahhi to basse napaden Puang Allataala to la mituru'.”

1 Korintus 15:25

Nasaba' la mangparentai to Almaseh sanapangbenna Puang Allataala to sininna ewalin-Na nakuasaii.

Roma 16:20

Puang Allataalamora, to mben kamasannangan lako tolino, la rro'pokanni to kuasa Ballisi'. Dennaa upa' nabarakka'i kamu' Puangta' Puang Isa Almaseh.

Matius 26:28

Nasaba' rara-Ku' tee, to mpaassah basse-Na Puang Allataala, rara to dipato'do la ndampangan buda tau.

1 Korintus 15:27

Den diuki' lan Sura' Allataala kumua, “Napangben ngasan Puang Allataala to sininna apa nakuasaii.” Ia to disanga sininna apa, te'da nadireken to Puang Allataala to mangpangben.

Daniel 8:13

Sitarruhna, kusa'dingngi to dua malaeka' sipangkada. Ia to mesa' malaeka' mekutana nakua, “Pirara masainna la jaji joo apa lan pengkita? Pirara masainna te'da na diparinawa to karoba keallo-keallo nasaba' ia joo kagajatan mesolangan? Pirara masainna joo Bola Puang Allataala disorong lako kuasanna tanduk biccu' anna ia to surudadunna Allataala nalese-lese?”

Markus 7:2

Ia joo to-Farisi susi bang una padanna to-Yahudi nturu' tarruh ada' tojolona. Te'da nakumande, ke te'dapi namembase lima. Ia to apa dialli jio mai pasa', pemali dikande ke te'dapi nadibasei jolo'. Na budapa atoran laen to napengkullei tongan la mpugaukki. Susinna mbasei isotan, kandean na kurin. Na ia tee to-Farisi sola guru agama ngkitai to ba'tu pira-pira anak gurun-Na Puang Isa kumande nasangai carepa, nasaba' te'da nambasei limanna jolo'.

1 Korintus 6:11

Ba'tu pira-pira tau lan tangnga-tangngami massipa' susi joo tonna jolona. Apa ia tee too, ia to Puang Isa Almaseh sola Roh Allataala to pole jio mai Puangta' Puang Allataala mangka lla'paran kamu' jio mai kuasa dosa, na mpupenjaji tau mesan-Na kamu' Puang Allataala, sola napupenjaji tomelo kamu'.

Efesus 5:26

Susimi joo napatorro leko' kamu' Almaseh ammimenjaji tau mesan-Na. Nadampangan kamu' mpake wai pangjioran sola pangngajah-Na.

Ibrani 4:14

Denmo Imang Lompo tomala'bihta' to malemo de' suruga mangngolo lako Puang Allataala, iamo to Puang Isa, Anak Allataala. Iamo joo la matappa' tarruhki' na danggi' tapessakkannii kumua tangngia Puangta' to Puang Isa.

Ibrani 10:10

Mangkami Puang Isa Almaseh mpugauk pakkaeloran-Na Puang Allataala. Pissenra mpassompan kalena na te'damo nadadu'i. Susimi joo napupenjajimiki' taun-Na Puang Allataala.

Pengkitanna Yahya 1:5

Ia to Puang Isa sa'bi maruruh. Iamo bungah dipatuo jio mai kamatean. Ia toomo ngkuasai sininna raja lan lino. Napakamoja'ki' namate anna la'paranmiki' jio mai dosata'.