Ibrani 10:27 - Alkitab Duri

²⁷ Ewalin-Nai Puang Allataala to tosusi joo, na la malaja' ntajanni to wattu la nanii Puang Allataala rra'tah kara-karana tolino. La malaja' tuu lako tau, sanga ia to pangsessa-Na Puang Allataala padai to api manglaka-laka ngkandei.

Ibrani 10:27 Referans Kwoze

Ibrani 2:3

Apa pole'pi kita', ia ke te'da taingaran meloi joo Kareba Kasalamatan, tantu te'da talala'pah jio mai pangsessa. Sanga la'bih melo joo Kareba Kasalamatan na ia joo atoran naparatu malaeka' tonna anu'. Puang Isa Ia to bungah mpangpeissenanni, na mangkamiki' napauan tuu lako tobungah ssa'dingngi, antaissenni kumua tongan.

Ibrani 12:25

Danggi' mitangmpesa'dingngii joo tomangkada jao mai suruga, sanga ia to to-Israel tonna anu' to cia' mpesa'dingngii to kada pole jao mai Buntu Sinai, te'da nakullei la'pah jio mai pangsessa-Na Puang Allataala. Apa pole'raka tee kita' to ssa'dingngi joo tomangkada jao mai suruga ke cia'ki' mpesa'dingngii.

Ibrani 9:27

Mangka napattantu Puang Allataala, kumua pissenra mate to tolino, namane' Puang Allataala rra'tah kara-karana.

Matius 13:50

Ia to totangmenturu' lako Puang Allataala la dipatama api naraka manglaka-laka nanii tau sikarrakan sola sunggarigi'.”

Matius 8:29

Metamba-tambami nakua, “Anak Allataala! La tapatumbamorakan tee? La ratumiriki'ka la ncallakan, na te'dapa nawattunna?”

Yakub 5:3

Ia to bulawan sola salaka miampui naputu'mi ta'gah. Ia to ta'gahna la menjaji tanda kumua la nakande too kamu' api, nasaba' mipangmesamo ewananmi tonna la Kiama'mo tee lino.

Ibrani 12:29

sanga ia to Puang Allataala tasompa susi api mantunu pu'puh.

Matius 25:41

Mangkai joo too kukuamo lako to to jio sa'de kairing-Ku' kumua, ‘Ee, kamu' to ditampakki ropu, palai kamu' ntee! Mentama kamu' api naraka dukku te'da cappa'na, to dipasadianmo Ballisi' sola tuu lako malaeka'na.

Matius 13:42

La dipatama api naraka manglaka-laka nanii tau sikarrakan na sunggarigi'.

Matius 3:12

Ia joo tau wa'ding dipangpasusii mesa' tau to sitoe ta'pian la nta'pii pangtambakkana. Ia to resa' malapuh narempun melo lan pa'pak, apa ia to malangkona la nasumpun lan api to dukku tarruh.”

Matius 3:10

Sadiamo Puang Allataala la ncalla kamu', susi to garonto' kaju dipasadian wase jiong garonto'na la dita'banganni. Sininna garonto' kaju to te'da namembua melo la dita'bangngi nadica'bean tama api.

Daniel 5:6

arannai memmalaja' natibaliang lindona nambe'beh to ajena susi to tangkebuku.

Lukas 23:30

Iamo joo wattu la mangkada to tau lako buntu, ‘I'pinnikan mai!’ Na lako buntu-buntu, ‘Samboikan mai!’

Lukas 21:26

La silanjanganni anna limpu to tau ngkitai to apa la jaji lan lino, nasaba' la mausa' ngasanni to tontoe kuasa jao langi'.

Lukas 19:27

Na ia tee too, solanni mai sininna to tonnewalina', to cia' mpurajana', mibuno ngasanni jio oloku'.’ ”

Lukas 16:24

Metambami nakua, ‘Oo ambe', Nabi Ibrahim, kamaseina'! Tasuapi dikka' tuu Lazarus nao'tonni to jarinna do' wai, nacakka'ii to lilaku', nasaba' tangkusaramo to lussunna tee api.’

Yahya 5:29

Na ia to tomelo panggaukanna la messun lan mai lamunan anna tuo melo te'da cappa'na, apa ia to togaja' panggaukanna la messun too lan mai lamunan anna disessa.”