Ibrani 10:25 - Alkitab Duri

²⁵ Melo ke tuli sirempunki' ssompa Puang na danggi' taden makuttu sirempun susi to napugauk ba'tu pira-pira tau. Sipupangngingaran tarruhki', sanga taissen kumua cingga'tu'mora naratu Puang.

Ibrani 10:25 Referans Kwoze

Jamanna Rasulu' 2:42

Nalundukki tarruh melajah lako rasulu' to tau. Na tuli sirempun too kumande sola, mpugauk Kakumandean Macero na massambajang.

Matius 18:20

Nasaba' umbo-umbo nanii dua tallu taung-Ku' massambajang, la jiona' sola.”

1 Tesalonika 5:11

Iamo joo, la sipamasumanga'mo kamu' misipamawatang too, susi to mipugauk tee too.

Ibrani 3:13

Jaji, allo-allo kamu' la sipupangngingaran, danggi' naden tau nnuraga kalena mpugauk dosa, mimembattuk. La sipupangngingaran kamu' ke tuo unapa kamu' lan tee wattu to nasanga lan Sura' Allataala, “Ia tee too.”

Ibrani 10:24

Na melo ke situlungki', antawa'ding sipumasumanga', sipakamoja' antapugauk tooi to apa melo.

1 Korintus 5:4

Jaji, ia tommisirempun, la misanga ia kumua iti'na' misolan, na kuasan-Na Puangta' Puang Isa Almaseh nnampai kamu', situru' kuasa to nabenki',

1 Tesalonika 4:18

Jaji ia tee kada la mipake sipamawatang.

Jamanna Rasulu' 2:1

Ia tonna pangramean Pentakostamo, sirempun ngasanmi to tomatappa'.

Jamanna Rasulu' 20:7

Ia tonna bongi Aha' sirempunkan kumande sola mpugauk Kakumandean Macero. Mangkada tarruhhi Paulus mangngajahhi ratu lako tangnga bongi, sanga madoangngi la male masawanna.

1 Korintus 14:3

Apa ia to tompangpeissenan pepasan-Na Puang Allataala, namangkada lako tolino, napamawatangngi, napamasumanga'i, napakatana tooi.

Roma 12:8

Ia to diben barakka' mangpamasumanga', la napugauk tongan. Ia to diben barakka' mangpangben, pasituru'i kamabassan. Ia to diben barakka' mangngamberan, la mangngamberan tongan. Na ia to diben barakka' kamamasean, la masannang mpugaukki.

Filipi 4:5

Pangpekitanni to kameloan penawammi lako sininna tau. Cingga'tu'mora naratu to Puang.

Yakub 5:8

La sabbara' kamu' mida'tan masumanga', nasaba' la ratu pole'mi Puang.

1 Korintus 14:23

Susinna ia ke sirempunmo kamu' sola ngasan la ssompa Puang, ammimangbicara ngasan mpake basa mejangngaran, naden tolaen ratu tote'dapa namatappa', tantu nasanga kumua tomame ngasanmo kamu'.

Yudas 1:19

Ia tuu lako tau mpaden buda kasisakkan lan tangnga-tangngana tomatappa'. Ia to napugauk tangngia pangpatujun-Na Roh Allataala, apa kamadoangan gaja'na bang ia.

2 Petrus 3:14

Ee, tomala'bihku' to kupakamoja'! Da'tan una kamu' ntajanni joo wattu, la mipengkulle-kullei sikalino padammi rupa tau anna te'da caccami ba'tu kakuranganmi ke mangngolomo kamu' lako Puang Allataala.

1 Petrus 4:7

La ndete'mi tampakkana tee lino na sininna apa. Iamo joo la mita'tan to kalemi, na majaga too kamu' ammitatta' massambajang susi to sipato'na.

2 Petrus 3:11

Susimi joo la disabu'i to lino. Iamo joo la messipa' melo kamu' susi to sipato'na, mida'tan mpugaukki to pakkaeloran-Na Puang Allataala,

1 Korintus 11:20

Ia ke sirempun kamu' ia to mipugauk tangngia Kakumandean Macero.

1 Korintus 3:13

Ia to jamanna tau pada la pajanni ke ratu pole'mi Almaseh la rra'tah kara-karana tolino, nasaba' ia joo wattu api la pada mpamanassai to jamanna.

Jamanna Rasulu' 16:16

Den pissen tongkimale pole' lako joo nanii sirempun to-Yahudi massambajang, kisitammu mesa' baine kaunan. Ia joo baine nakuasai setang to pakita-kita, naissen jolo to apa la jaji. Napupealan tonggo puangna joo jamanna ngkitan dalle'na iarika totona tau.

Matius 10:15

Ingaranni! Ia ke Kiama'mi lino, la'bih nasessai Puang Allataala to tau lan joo kota na ia to to-Sodom na to-Gomora.”

Yahya 12:48

Ia to tocia' ntarimana' sola tocia' mpesa'dingngi kadang-Ku', iamo joo kada kupangpeissenan la rra'tah kara-karana ke Kiama'mi lino.

Ibrani 10:37

Nasaba' den diuki' lan Sura' Allataala kumua, “Cingga'tu'mora, naratu joo to la ratu, te'da namangdau-daupa.

Ibrani 13:22

Kupeta'dai misabbara' ntarimai tee pangpakainga'ku', sanga te'da namalando tee sura'ku'.