Ibrani 1:2 - Alkitab Duri

² Apa ia tee wattu tampakkana lino nasuai to Anak mpaui lako kita'. Ia joo Anak mangkamo napattantu Puang Allataala to sipato' mpuapai to sininna apa, nasaba' Iamo napake Puang Allataala mpadenni tee lino.

Ibrani 1:2 Referans Kwoze

1 Korintus 8:6

Apa ia ke kita', mesa'ra Puang Allataala. Iamo to Ambe' Puang Allataala to mpadenni to sininna apa, na ia to katuoanta' tapatuju lako kale-Na. Mesa' toora Puang, iamo joo Puang Isa Almaseh. Sininna apa dipaden nasaba' Ia. Ia too mpusaba'i antatuo.

Yahya 1:3

Sininna apa to dipaden, napaden Puang Allataala mpakei joo Kada, na ia ngasan to dipadenmo, moi mesa' te'da lalo ia, ke te'dai joo Kada.

Yahya 1:14

Ia joo Kada mentolinomi namari'pihmi lan tangnga-tangngata'. Takitamo to kamala'biran-Na, to natarima jio mai Ambe' sanga Ia Anak tungga'-Na. Iamo joo Anak mpamanassa tonganni to Puang Allataala sola pangpakamoja'-Na.

1 Petrus 1:20

Ia tonna te'dapa nadipaden tee lino napattantu jolomo Puang Allataala kumua Puang Isa Almaseh menjaji Tomangpasalama', na ia tee wattu la tampakkanami lino ratumi la mpasalama' kamu'.

Matius 28:18

Nakandoppi'mi to anak gurun-Na namangkada nakua, “Sininna kuasa la jao suruga, la lan lino, mangkamo diben lako Aku'.

Yahya 13:3

Naissen Puang Isa kumua sininna kuasa napaben ngasanmo Ambe' lako kale-Na. Naissen too kumua topole jioi mai Puang Allataala, na la pole lako pole' tooi Ia Puang Allataala.

Matius 17:5

Ia tonna mangkada unapa Petrus, ratumi to saleu' macorrang mbombonnii sola ngasan na den gamara nasa'ding lan mai nakua, “Iamo tee to Anak kupakamoja' to mpamasannangna'. Pesa'dingngii!”

Ibrani 11:3

Tapahangngi, sanga matappa'ki', kumua ia tee lino napaden Puang Allataala mpake kadan-Na. Jaji, apa to nakita mata dipaden jio mai apa tangdikita.

Roma 8:17

Ia ke anak Allataalamiki', wa'dingmiki' la ntarima barakka'-Na Puang Allataala sola Almaseh. Na ia ke mperasaiki' parri' tee too susi Almaseh tonna tee, la dipakala'bih todaki' sola Almaseh.

Yahya 3:16

Liwa' napakamoja' Puang Allataala to tolino. Iamo joo nasuai to Anak tungga'-Na mpangben sunga'-Na naputuoi tolino. Na ia to tomatappa' lako, te'da nalamasolang, apa la nnampa' katuoan melo te'da cappa'na.

Matius 26:63

Apa kamma' bangngi to Puang Isa. Nadadu' omi to Imang Lompo mangkada nakua, “La massapahko mpau Puang Allataala to tuo te'da cappa'na, mpauankan, Ikomoraka Raja Mangpasalama', Anak Allataala.”

Matius 21:38

Apa ia tonna kitami joo tomendulu bara'bah kumua ratui to anakkana joo ampu bara'bah, sipangkada-kadami joo tomendulu nakua, ‘Inde'mi pale' to la mpumanahhi tee bara'bah. Tabunoi, antaala ngasanni tee manahna.’

Ibrani 5:8

Anak Allataalai to Puang Isa, apa moi nasusi joo napelajahhi todai mengkaturu' tonna maparri'.

Efesus 1:10

Ia to akkatta-Na kumua sininna apa la jao suruga, la lanna lino, la menjaji mesa' na Almaseh menjaji kapalana. La napugaukki Puang Allataala joo ke nadete'mi wattunna.

Ibrani 7:3

Ia tee imang Melkisedek te'da bang apa diissen to jiona kalena, la tomatuanna ba'tu nunnungan nenena, te'da ia pamulanna, na te'da too cappa'na to katuoanna. Susii Anak Allataala, sanga tatta'i imang te'da cappa'na.

Ibrani 2:3

Apa pole'pi kita', ia ke te'da taingaran meloi joo Kareba Kasalamatan, tantu te'da talala'pah jio mai pangsessa. Sanga la'bih melo joo Kareba Kasalamatan na ia joo atoran naparatu malaeka' tonna anu'. Puang Isa Ia to bungah mpangpeissenanni, na mangkamiki' napauan tuu lako tobungah ssa'dingngi, antaissenni kumua tongan.

Ibrani 1:5

Moi mesa' malaeka' te'da naden nakuan Puang Allataala, “Ikomo anak-Ku'. Mammula tee too Aku'mo ambe'mu.” Te'da too naden nakuanni to malaeka' kumua, “La napuambe'na', na ia la kupuanak.”

Efesus 3:9

Napabarakkanni toona' jaman mpamanassai lako sininna tau joo akkatta-Na to jolona te'da bang tolino napauan Puang Allataala to mangka mpaden sininna apa.

Galatia 4:4

Apa ia tonna dete'mi to wattu napattantu Ambe' Puang Allataala, nasuami to Anak Allataala mentama lino. Najajianni mesa' baine, na nturu' atoran agama,

Jamanna Rasulu' 10:36

Ia tee kareba napangpeissenan Puang Allataala lako kami' to-Yahudi kumua ia to tolino wa'ding sikalino pole' sola Puang Allataala ke matappa'i lako Puang Isa Almaseh, nasaba' iamo Puangna sininna tau.

Yahya 15:15

Te'damo kusanga kamu' kaunan, nasaba' ia to kaunan te'da ia naissenni to apa la napugauk puangna. Apa ia to kamu' kusangamo kamu' soba'-Ku', sanga sininna to apa mangka kusa'ding jio mai Ambe'-Ku', mangka ngasanmo kamu' kupauan.

Yudas 1:18

Napauan jolomo kamu' kumua, ianna la Kiama'mo lino, buda tau la ncapa'-capa' kamu'. Ia tuu lako tau nturu' punala bang kamadoangan gaja'na, te'da namengkaturu' lako Puang Allataala.

Roma 1:4

apa ianna kuasa kapuanganna, disangai Anak Allataala. Manassa to kuasan-Na, nasaba' tuo pole'mi jio mai kamatean.

Jamanna Rasulu' 2:17

‘Nakua Puang Allataala: Sininna rupa tau la kuparatuan ngasan Roh-Ku', ke tampakkanami lino. Ia to anakkami la muane la baine la mpauan kamu' apa to mangka kupauanni. Ia to tokallolomi la ngkita apa to kupakitanni. Ia to tomatuammi la mangtindo mputindo tindo la kubenni.

Yahya 17:2

Tapakuasamo' ngkuasaii to sininna tolino, jaji kuasa toomo' mbenni katuoan melo te'da cappa'na to totapangbenmo lako Aku'.

Yahya 16:15

Sininna to apa naampui Ambe', apang-Ku' too. Iamo kukua kumua ia to apa napauan kamu' Roh Allataala, pole jio mai kale-Ku'.”

Markus 12:6

Indapa to la nasua tee too? Mesa'mora, ia mandamo to anak gaja napakamoja'. Jaji, mangkatampakanna, anakkanami nasua male la nnalanni to tawana. Mangkadai lan penawanna nakua, ‘La nakasiri' ia to anakkaku'.’

Markus 1:1

Iamo tee Kareba Kasalamatan mpamanassai to Puang Isa Almaseh kumua, Iamo Anak Allataala. Susimi tee to pamulanna.

Daniel 10:14

Kumane' ratu ssikitanko mpapahangngiko to apa la jaji lako bangsamu keanu', nasaba' ia tee pengkita la jaji tee wattu la dioloi lako.’

2 Petrus 3:3

Ia to kaminang parallu la miissen, iamo to kumua, ia ke la Kiama'mi lino, den tau ratu to nturu' bang kamadoangan gaja'na. La nacapa'-capa' kamu',

Ibrani 1:8

Apa ia to Anak nakuanni Puang Allataala, “Ee, Allataala, ia to kaparentan-Mu la te'da cappa'na! Maruruh to kaparentan-Mu.

Ibrani 9:26

Sanga ia kenna la susi Imang Lompona to-Yahudi to Almaseh, la nadadu' punalai mperasai parri' kamatean mellao jio mai dipadenna tee lino. Sibalikanna pissenri mangka ratu to Almaseh tee wattu tampakkana lino mpassompan kalena la ndampangan tau.

Yahya 3:25

Den ba'tu pira-pira to anak gurunna Nabi Yahya sipekka mesa' to-Yahudi, ssipekkaii to atoran pangje'nesan to-Yahudi.

Daniel 2:28

Apa Allataala jao suruga mpamanassai to sininna apa tangnaissen tau, na Iamo mangka mpangpekitanni lako kita' to apa la jaji tee wattu la dioloi lako. Susimi tee to tindo sola pengkita, to takita tontamamma'.

Matius 3:17

Nadisa'ding to gamaran-Na Puang Allataala nakua, “Iamo tee to Anak kupakamoja' to mpamasannangna'.”

Matius 13:39

Ia to ewali nnambohhi pare-pare, iamo Ballisi'. Na wattu peparean, iamo ke Kiama'mi lino, na ia to tomepare, iamo sininna malaeka'-Na Puang Allataala.

Markus 12:7

Apa sipangkada-kadami joo tomendulu nakua, ‘Inde'mi pale' to la mpumanahhi tee bara'bah. Tabunoi, antaala ngasanni tee manahna.’

Yahya 1:10

Sininna apa lan lino, napaden Puang Allataala mpakei joo Kada, apa ia tonna mentamamo lino, te'da naissenni tolino.

Yahya 5:26

Susi Ambe'-Ku' makuasa mpatuo pole' tomate, susi toda Aku' naben kuasa mpatuo tomate.

Yahya 5:27

Mangka toomo mpangben kuasa lako Aku' la rra'tah kara-karana tolino, nasaba' Aku'mo Anak Mentolino.

Yahya 9:29

Kiissen kumua mangkamo Puang Allataala mangkada lako Nabi Musa tonna anu', apa ia joo tau, te'da kami' kiissenni kumua topole umbora ia.”

1 Korintus 2:7

Apa ia joo kipau, kapaissenan pole jio mai Puang Allataala. Ia joo kapaissenan te'da naissenni tolino, apa napasadiamo Puang Allataala joo kapaissenan tonna te'dapa nadipaden tee lino, antapumala'bihhi.

Ibrani 3:6

Apa Anak to Almaseh to dipabarakkanni jaman ntulung sininna taun-Na Puang Allataala. Na kita'mo tee to taun-Na, ke da'tanki' matappa' sola da'tanki' mangrannuan lako manda Puang Isa.

Ibrani 4:14

Denmo Imang Lompo tomala'bihta' to malemo de' suruga mangngolo lako Puang Allataala, iamo to Puang Isa, Anak Allataala. Iamo joo la matappa' tarruhki' na danggi' tapessakkannii kumua tangngia Puangta' to Puang Isa.

Ibrani 7:28

Situru' atoranna Nabi Musa ia to tolino biasa diangka' menjaji Imang Lompo moi naden caccana ba'tu kakuranganna. Apa ia to sapah-Na Puang Allataala, to dipau undi na ia to atoranna Nabi Musa, nnangka'i joo Anak to te'da caccana ba'tu te'da kakuranganna menjaji Imang Lompo. Ia joo Anak mangkamo napupenjaji Tomangpasalama' te'da cappa'na.

Yahya 13:32

Ia na dipakala'bih to Puang Allataala nasaba' Aku', napakala'bih toona' Puang Allataala. Na madoi'mo Puang Allataala mpakala'bihna'.