Ibrani 1:13 - Alkitab Duri

¹³ Moi mesa' malaeka' te'da nakuan Puang Allataala kumua, “Cumadokkoko ntee sa'de kanan-Ku', angkupupentalo ngasanni to ewalim-Mu mukuasaii.”

Ibrani 1:13 Referans Kwoze

Markus 12:36

Na pangpatujun-Na Roh Allataala na Raja Daud kalena mangkada nakua: Nakua Puang Allataala mangkada lako Puangku', ‘Cumadokkoko ntee sa'de kanan-Ku', angkupupentalo ngasanni to ewalim-Mu mukuasaii.’

Matius 22:44

Nakua Puang Allataala mangkada lako Puangku', ‘Cumadokkoko ntee sa'de kanan-Ku', angkupupentalo ngasanni to ewalim-Mu mukuasaii.’

Ibrani 1:3

Iamo joo Anak to mpapajanni lako kita' to kamala'biran-Na Puang Allataala. Ia to sipa'-Na sola kuasan-Na susi una sipa'-Na sola kuasan-Na Puang Allataala. Ia toomo nnampaii tee lino mpake kada makuasan-Na na te'da natiseran. Ia tonna mangkamo mate la ndampangan tolino, cumadokkomi jao suruga jio sa'de kanan-Na Puang Allataala to kaminang makuasa namangparenta.

Jamanna Rasulu' 7:55

Apa ia to Stefanus nakuasai Roh Allataala, namentingngara de' langi' nangkita kamala'biran-Na Puang Allataala na Puang Isa ke'deh jio sa'de kanan-Na.

Lukas 20:42

Nasaba' lan Sura' pangpujianna Raja Daud, ia kalena mangkada nakua: Nakua Puang Allataala mangkada lako Puangku', ‘Cumadokkoko ntee sa'de kanan-Ku',

Lukas 19:27

Na ia tee too, solanni mai sininna to tonnewalina', to cia' mpurajana', mibuno ngasanni jio oloku'.’ ”

Yosua 10:24

Ia tonna jiomo olona Yosua joo raja lima, natambai ngasanmi Yosua to to-Israel nasirempun, namangkada lako pangbarani surudadu to nasolan male parari kumua, “Male kamu' mai ntee, misileseii to cokkongna to raja.” Malemi lako to pangbarani surudadu na sileseii to cokkongna joo raja lima.