Filipi 4:9 - Alkitab Duri

⁹ La mituru' to sininna pangngajaran to mitarimamo mipelajahhi toomo, la ia to kupaunna, la ia to kupugaukkuna, anna ampai kamu' Puang Allataala to mpangben kamasannangan.

Filipi 4:9 Referans Kwoze

Yakub 1:22

La mipugauk to apa mangka napau Puang Allataala, nasaba' ia ammisa'ding mandari to kadan-Na apa cia' kamu' mpugaukki, iamo disanga nnuraga kamu' kalemi.

Filipi 3:17

Ee, tomala'bihku'! La mialai palelean mata to sipa'ku'. Mituru' todai sipa'na to tonnalakan palelean mata.

2 Petrus 1:10

Ee, tomala'bihku' sola ngasan! Napileimo kamu' Puang Allataala menjaji umma'-Na anna tambai kamu' nturu'i. Iamo joo la mipengkulle-kullei nturu' pakkaeloran-Na, anna manassa lako kalemi sola tolaen kumua tongannamo kamu' napilei Puang Allataala. Na ia ke mipugaukki susi joo, te'damo milampugauk pole'i to sipa' jolomi.

Yahya 13:17

Miissen ngasanmo tee, na masannangmo kamu' ke mipugaukki.

Filipi 4:7

na ia to kamasannangan jio mai Puang Allataala, to te'da nakullei mpahangngi tolino, la mpamambelai joo napuselangna penawammi, nasaba' mesa' penawa kamu' sola Puang Isa Almaseh.

Roma 16:20

Puang Allataalamora, to mben kamasannangan lako tolino, la rro'pokanni to kuasa Ballisi'. Dennaa upa' nabarakka'i kamu' Puangta' Puang Isa Almaseh.

2 Korintus 13:11

Ee, tomala'bihku' sola ngasan! Katampakanna, la mario kamu' sola angahhi to la mipumakassingna. Tarimai to sininna pangpangngingaranku'. La mesa' penawa kamu' misikalino, anna ampai kamu' Puang Allataala. Iamo Puang mangpakamoja' sola mangpasikalino.

Lukas 6:46

Mangngajahhimi Puang Isa nakua, “Ciapari mipekapuangngina', apa te'da mipugaukki to apa kupauan kamu'?

Matius 28:20

Ajahhii anna pugaukki sininna to apa mangka kuparentan kamu'! Ingaranni kumua, la kusolan tarruh kamu' ratu lako tampakkana lino.”

Matius 7:21

Mangngajahhimi Puang Isa nakua, “Te'da na ia ngasan to tau to metamba-tamba lako kale-Ku' nakua, ‘Oo Puang! Oo Puang!’ to la menjaji umma'-Na Puang Allataala. Apa iara to tau mpugauk pakkaeloran-Na Ambe'-Ku' jao suruga, la menjaji umma'-Na.

2 Tesalonika 3:4

Napamanassanmokan Puang kumua sininna pangngajah to mangka kipauan kamu' mipugauk tonganmo, na la mipugauk tarruh bang.

1 Tesalonika 1:6

Kiissen kumua napileimo kamu' Puang Allataala, nasaba' mialamo palelean mata to Puang Isa, miala toomokan palelean mata. Jaji, moi miliwa' dipakario-rio, nasaba' mitarimai to Kareba Kasalamatan, da'tan kamu' mperasai to kamarioan pole jio mai Roh Allataala.

1 Tesalonika 5:23

Dennaa upa' na Puang Allataala, to mpangbengan kamasannangan, mpupenjaji kamu' tau mesan-Na, na dennaa upa' na Ia njagai to penawammi, tangngahmi, na panggaukanmi nadanggi' mikasalan nate'da caccami, ke ratu pole'i Puangta' Puang Isa Almaseh.

Roma 15:33

Dennaa upa' na Puang Allataala, to mpangben kamasannangan, nnampai kamu' sola ngasan. Amin.

Yahya 2:5

Nakua indo-Na Puang Isa ngkuanni to todisua, “Moi apa nasuan kamu', pugauk bangngi.”

Lukas 8:21

Apa mebalii Puang Isa nakua, “Sininna to tau ssa'ding kadan-Na Puang Allataala napugaukki, iamo indo-Ku' sola sile'to-Ku'.”

1 Tesalonika 2:14

Ee, tomala'bihku' sola ngasan! Kiissen kumua mitarimamo to kadan-Na Puang Allataala, sanga ia to apa jaji lako jamaa-Na Puang Allataala jio tana Yudea, to matappa' lako Puang Isa Almaseh, ia toomo jaji lako kamu'. Padammi bang una to-Tesalonika mpa'dikki kamu'. Susi toomi to jamaa jio tana Yudea napa'dikkii too padanna to-Yahudi.

1 Korintus 10:31

Kupebalii, moi apa mipugauk, la kumanderaka la mangngiso'raka, la mipugaukki joo anna pakala'bihhi tau to Puang Allataala.

Jamanna Rasulu' 9:6

Apa ke'dehmoko tee too ammumale lako joo kota. Jiopa mudipauan apa to sipato' la mupugauk.”

2 Timotius 4:22

Dennaa upa' naampaiko Puang nabarakka'i kamu' sola ngasan! Padamo jolo' too. Sallangki' mati', Paulus.

1 Korintus 14:33

Nasaba' iara nakabudai Puang Allataala to karapasan, tangngia kamarongkan. Susi to biasanna dipugauk ke sirempunni to tomatappa' umbo-umbo nanii,

Yahya 15:14

Kusangamo kamu' soba'-Ku', ke mipugaukki to kuparentan kamu'.

1 Yahya 3:22

Na apa to tapeta'da lako Ia, nabenki', nasaba' nturu'ki' parenta-Na na tapugauk too to apa napumasannang penawan-Na.

Matius 1:23

“La den mesa' ana'dara, to te'dapa nalambanni muane, nakeba'tang, na njajian mesa' pea muane. Nadisanga Imanuel”, battuananna “Torroi Puang Allataala ssolanki'.”

1 Korintus 4:16

Iamo joo kupangngingaran kamu' dikua anna aku' miala palelean mata.