Filipi 4:19 - Alkitab Duri

¹⁹ Dennaa upa' na Puangku' Puang Allataala, to tangdikulle mbilangngi to kasugiran-Na, mben kamu' to apa miparallui, nasaba' Puang Isa Almaseh.

Filipi 4:19 Referans Kwoze

1 Petrus 5:10

Ia tommimangkamo maparri' cingga'tu', la naben kamu' Puang Allataala to sininna apa miparallui, la napamawatang too kamu', ammisamatappa'-tappa'na, sanga liwa' pangpakamoja'-Na Puang Allataala, to mangkamo mpilei kamu' la mperasai to kamala'biran-Na to te'da cappa'na. Susimi joo sanga da'tan kamu' memmesa' penawa sola Almaseh.

1 Timotius 6:17

La mupangngingaran to tosugih lan tee lino, danggi' namabangka', danggi' napattuan kalena lako kasugiranna to la cappu', apa la mangpattuan lakori Puang Allataala to la mbenki' sininna taparalluinna antapakei masannang.

Kolose 1:27

Madoangngi Puang Allataala mpangpekitanni lako sininna umma'-Na to melona sola mala'bihna joo akkatta-Na lako kamu' bangsa tangngia to-Yahudi kumua, natorro too Almaseh lan kalemi, na iamo buttinna kumua la turu' toda kamu' mperasai kamala'biran-Na Puang Allataala jao suruga.

Efesus 3:16

Massambajangna' lako Puang Allataala, to kaminang mala'bih, anna pamawatang kamu' Roh Allataala.

Kolose 3:16

La mipallan penawa tarruhhi to pangngajaran-Na Almaseh ammituru'i. La da'tan bang kamu' siajaran misipakainga' too mpake sininna kapaissenanmi. La macanning atimmi mangkurru sumanga' lako Puang Allataala mimakkelong Zabur, kelong pangpujian ba'tu kelong laen.

Roma 8:18

Ia ke aku', mabanda' to kamaparrisan taperasai tee too, apa la manglokkon pembuda to kamala'biran la taampa' keanu'.

Efesus 1:7

Mangkamiki' nala'bak Puang Allataala jio mai kuasa dosa, battuananna didampanganmiki', nasaba' kita'ra namate to Almaseh.

2 Korintus 4:17

Ia tee kamaparrisan kiperasai cingga'tu'ra namaringngan too, nalampadenankan kamasannangan te'da susinna na te'da cappa'na.

Roma 9:23

dikua anna mpangpepajanan kamala'biran-Na to napatuju lako kita' tonakamasei. Na mangkamiki' napasadia la ntarimai joo kamala'biran.

Efesus 3:8

Aku'mo mase-masena to sininna umma'-Na Puang Allataala, apa napabarakkannina' Puang Allataala tee jaman mpangpeissenan Kareba Kasalamatan lako bangsa tangngia to-Yahudi kumua ia to barakka'-Na Almaseh te'da susinna.

Efesus 1:18

Kupassambajangan too kamu', napapahangngi kamu' Puang Allataala, ammiwa'ding nnissenni to apa mirannuan jio mai Puang Allataala to mangka mpilei kamu' menjaji umma'-Na. Ammiissenni kumua liwa' melo to apa nabasse Puang Allataala lako umma'-Na.

Efesus 2:7

Napugaukki susi joo dikua anna pangpekitanni lako tolino to tuo lan wattu la dioloi lako kumua tangdikulle mpikkiri'i to pangpakamoja'-Na sola kameloan penawan-Na lako kita', nasaba' ia to napugauk Puang Isa Almaseh.

Roma 2:4

Ba'tu te'daraka miangga'i to kamamasean-Na Puang Allataala, kameloan penawan-Na na kasabbarasan-Na to napakitan kamu'? Miissen kumua madoangri Puang Allataala ke mengkatoba' kamu', iamo joo napemeloan kamu' penawa.

Daniel 6:22

Mebalii Daniel lako raja nakua, “Ie' puang, dennaa upa' tamalambeh sunga' tarruh-tarruh te'da cappa'na.

Roma 11:33

Tangnadete' akkalanna tolino to kamala'biran-Na, kamaccan-Na sola kapaissenan-Na Puang Allataala! Te'da ia tau wa'ding nnissenni to pura napattantu. Te'da too ia tau wa'ding mpahangngi to napugaukkuna.

1 Petrus 5:1

Kupakainga'i to pekaamberan jamaa lan tangnga-tangngami. Kupauan kamu' tee sanga mesa' todana' pekaamberan jamaa susi kamu', na mangkamo kukita to kamaparrisan-Na Almaseh, na la kuperasai too to kamala'biran-Na Almaseh to la napangpekitan Puang Allataala lako sininna tau keanu'. Kupakainga' tongan kamu',

1 Tesalonika 2:12

Kipangngingaran kamu', kipamasumanga' kamu', angkimeta'da lako kalemi na ia to panggaukanmi la susi sipato'na umma'-Na Puang Allataala. Nasaba' Puang Allataalamo mpilei kamu' menjaji umma'-Na lan kaparentan-Na ammiwa'ding mperasai kamala'biran-Na.

Roma 1:8

Mangkurru sumanga'na' lako Puangku' Puang Allataala, mpau sangan-Na Puang Isa Almaseh, nasaba' naissen ngasanmo sininna bangsa kumua ia to kamu' to-Roma matappa' tongan lako Puang Isa Almaseh.

Yahya 20:27

Namane' ngkuanni to Tomas, “Kitai limang-Ku'! Panteei tuu jarimmu, muulohhi tuu limammu, mukaka'i tee sa'de-Ku'. Danggi' mubata unapa, apa matappa'moko!”

Yahya 20:17

Nakua Puang Isa ngkuanni, “Danggi' kaka'na', nasaba' te'dapa kumale de' Ambe'. Apa malemoko lako sile'to-Ku', mupauanni kumua la polemo' de' Ambe'-Ku', na Ambe'na too, Puang-Ku' na Puangna.”

Filemon 1:4

Ia angkumassambajang tuli kupassambajanganko, mangkurru sumanga'na' lako Puang Allataala sanga iko,

2 Korintus 12:21

Magiangna' kumua, ia ke iti'mo', la napamajiong pole'na' Puang Allataala lan tangnga-tangngami. Magiangna' kumua la kumillakna', nasaba' buda tau lan tangnga-tangngami to tomadosamo jolona na te'da bang unapa namenassan, apa da'tanpa manggauk sala, mpugaukki to panggaukan tangmelona, ba'tu totangsipato' dipugauk.

Matius 6:32

Ia ngasan to susi joo naangah bang tolino to tangnturu' Puang Allataala. Apa naissen ia Ambe'mi jao suruga kumua miparallui ngasan joo.

Filipi 4:7

na ia to kamasannangan jio mai Puang Allataala, to te'da nakullei mpahangngi tolino, la mpamambelai joo napuselangna penawammi, nasaba' mesa' penawa kamu' sola Puang Isa Almaseh.