Filipi 4:17 - Alkitab Duri

¹⁷ Te'da kuangah pangpabenganmi, apa iara kuangah kumua na sabuda-budanna barakka' miampa', sanga mitulungna'.

Filipi 4:17 Referans Kwoze

Titus 3:14

Makassing ke sininna solata' tomatappa' melajah mpugaukki to apa melo anna angahhi to naparalluinna, danggi' natuo te'da bua'na.

Ibrani 6:10

Te'da natangmaruruh to Puang Allataala. Te'da natangnningaranni to apa mipugauk, iamo to pangpakamoja'mi to mipangpekitan lako kale-Na tommitulung padammi tomatappa', la jolona, la ia too allo.

Yahya 15:8

Na ia ke membua budamo kamu', iamo dinii mpakala'bih Ambe'-Ku'. Pajan toomi kumua kamu'mo to ntongan-tongannii nturu'na'.

1 Petrus 5:2

ammiparakai meloi to taun-Na Puang Allataala to napabarakkanan kamu' la mijagai. Susimo kamu' tomangrewa-Na njagai bembala'-Na. La mario bang kamu' mpugaukki tee jaman. Iamo joo nakabudai Puang Allataala mipugauk. Danggi' mimangjama susi to diparukura. Danggi' mipugaukki joo jaman, nasaba' gajira mikadoangngi, apa sibalikanna nasaba' madoangra kamu' ntulung tau.

Titus 1:7

Ia to tonnatoro' jamaa, iamo to mpangjaman Puang Allataala. Iamo joo naparallu tomakassing sola totangmangkada mesa. Te'da nawa'ding salle galli, ba'tu pangngiso', ba'tu passiboboran, ba'tu pangdoi'.

Filipi 4:11

Te'da kumangkada susi joo, kumua kakuranganna', sanga ia to aku' tee kupelajahhimo mpasigannatanni to apa jio kaleku'.

1 Tesalonika 2:5

Miissen kumua tangngiakan tomassede, iarika to mbunianan kamu' tangngah gaja' kumua den lan penawangki' madoang sumaro. Puang Allataala ngkitakan!

2 Korintus 9:5

Iamo joo kupikkiri'i kumua parallu kusua jolo mati' to Titus sola joo padanta' tomatappa' dua, anna urusu'i to sudakka to mangka mipangngakui. Iamo kupugaukki susi tee, kukua anna ia ke ratuna' mati', sadia jolomo joo sudakkami. Na ianna susi joo, manassa macanning atimmi mangpangben, te'da midiparuku.

Roma 15:28

Ia ke mangkami kujama tee mpangbenni joo doi', mane'ra' male lako tana Spanyol nnola mati' kota Roma, kuleppang jolo' ssitammuan kamu'.

Yahya 15:16

Tangngia kamu' mpileina', apa Aku'ri mpilei kamu', angkusua kamu' male ammimembua buda, to bua te'da nalamasolang. Na ia to apa mipeta'da lako Ambe' mpau sangang-Ku', la naben kamu'.

2 Korintus 11:16

Susi to pura kupau kumua, danggi' naden tau ssangana' tobango'. Apa ia ke den kamu' ngkita tobango'na', pugaukmi susi to migaukan tobango', ammieloranna' kupuji kaleku' ci'di'.

Kada Bulawan 19:17

Ia ke ngkamaseiki' tokaasi-asi, butung to mangpeindan lako Puang Allataala, na Puang Allataala Ia la mpabalahhi joo panggaukanta'.

Yudas 1:11

Macilaka ngasanni! Mpugaukki kagajatan susi to napugauk Kain. Mpugauk tooi dosa susi to napugauk Bileam, nasaba' madoang bangri kesaro. Dirabunnii nasaba' nnewai Puang Allataala susi to napugauk Korah tonna anu'.

2 Petrus 2:3

Ia joo guru tangtongan madoang bang doi'. Iamo joo nagaraga bang curita tangtongan nacuritan kamu' la nanii mpesaroi kamu'. Apa ia to pangsessa masaimo napasadia Puang Allataala cingga'tu'mora naratu la ssolanganni.

1 Timotius 3:3

danggi' napangngiso' ba'tu passiboboran, apa mabassa, te'da napassite'geran. Te'da napangdoi'.

Filipi 1:11

na melo tarruh sipa'mi, nasaba' Puang Isa Almaseh, anna dipakala'bih to Puang Allataala.

2 Petrus 2:15

Lao sala ngasanni, sanga pada cia'i nturu' pakkaeloran-Na Puang Allataala. Ia to naturu'i, iara to sipa'na Bileam anakkana Beor, to nakabudai ke disaroii na mpugauk kasalan.

1 Timotius 6:10

Nasaba' kamacinnan lako doi' mpaden mangrupa-rupa kagajatan. Den to tau mentangmatappa' pole'mo lako Puang Isa Almaseh, nasaba' male bangngi nnangah doi', apa undinna melliwa' pa'dik penawari.