Filipi 3:8 - Alkitab Duri

⁸ Kupurugi ngasan joo, nasaba' kupahang kumua la'bih melo to nnissen Puangku' Puang Isa Almaseh, na ia to laenna. Te'da ngasanmo kupugaukki, na kusangamira burauk, dikua angkuampa'i to Almaseh,

Filipi 3:8 Referans Kwoze

Roma 8:18

Ia ke aku', mabanda' to kamaparrisan taperasai tee too, apa la manglokkon pembuda to kamala'biran la taampa' keanu'.

Jamanna Rasulu' 20:24

Apa moi nasusi joo, te'da kucirinnai penawangku', podo wa'dingna' mpatarruhhi to jaman nasuanna' Puang Isa la llundukkii samateku' mpangpeissenanni to Kareba Kasalamatan kumua nakamaseiki' Puang Allataala.

Filipi 3:7

Ia to panggaukan to kusanga kupusaro tonna jolona, kupurugimo tee too nasaba' Almaseh.

Yahya 17:3

Iamo tee to katuoan melo te'da cappa'na, ke naissen tonganmiki' tau kumua Kita'mo Puang Allataala tongan, anna issen toona' kumua Aku'mo Puang Isa Almaseh to mangka tasua.

Filipi 3:10

Ia to gaja kukadoangngi iamo to nnissen Almaseh, sola mperasaii to kuasa mpatuo pole'i jio mai kamatean. Madoang toona' mperasai parri' sola kamatean susi to naperasai Almaseh,

2 Petrus 1:3

Mangkamo napake Puang Allataala to kuasan-Na mbenki' to sininna apa diparallui antamessipa' melo susi to sipato'na. Iamo nasusi joo, nasaba' taissenmo to Puang Allataala to mangkamo mpileiki' mpake kameloan penawan-Na sola kamala'biran-Na.

1 Korintus 2:2

Nasaba' kuakkattai kumua la padana' too masainna iti' misolan, te'da apa laenna la kupau, ia mandara joo Puang Isa Almaseh matemo dipampang jao kaju sitamben.

1 Yahya 5:20

Taissenmo kumua mangkamo mentolino to Anak Allataala na mangka toomo mbenki' kapaissenan, antawa'ding nnissenni indara to Puang tongan. Mesa' penawamiki' sola Puang Allataala tongan, sanga mesa' penawamiki' sola Anak Allataala, Puang Isa Almaseh. Iamo Puang Allataala tongan, to mpangben katuoan melo te'da cappa'na.

Yahya 17:8

Kupauanmo kadan-Ta' to mangka tapauanna', na natarimamo. Naissen toomo kumua tonganna' topole jio mai Ambe'. Nakatappa'imo kumua Kita'mo to mangka ssuana'.

Yahya 14:20

Ia ke nadete'mi wattunna, la miissen kumua memmesa'na' sola Ambe'-Ku', na kamu' memmesa' sola Aku', na Aku' memmesa' sola kamu'.

Ibrani 3:14

Sanga kita' ngasanmo nnampa' barakka' jio mai Almaseh, ke matappa' tarruhki' susi tontamane' matappa' ratu lako ssalainta' lino.

2 Korintus 4:6

Ia tonna padenni Puang Allataala tee lino mangkadai nakua, “La ollong to arrang lan kamalillinan.” Ia toomo nnarrangngii to penawanta', antakullei nnissenni to kamala'biran-Na Puang Allataala to mangngarrang jio lindo-Na Almaseh.

Yahya 14:7

La miissenmo to Ambe'-Ku', sanga miissenmo'. Ia tee too miissenmo to Ambe'-Ku', mikita toomo.”

Efesus 4:13

Ia ke susimi joo, memmesa' penawamiki', nasaba' pada matappa'miki' lako Anak Allataala na pada tapahangngi kumua indara Ia. Tomasaranianki' na samasai-sainna arannai sukku'ki' susi Almaseh.

2 Petrus 3:18

Apa la pena' mperasai kamu' kameloan penawan-Na Puangta' Puang Isa Almaseh, Tomangpasalama'ta', ammisannissen-nissennai. Pakala'bihmi tee too, ratu lako te'da cappa'na! Amin. Sallangki' mati', Petrus,

1 Yahya 1:3

Ia to apa mangkamo kikita sola kisa'ding, ia toomo kipangpeissenan lako kamu', dikua antamesa' penawa. Na te'da na ia manda joo, apa mesa' penawaki' sola Ambe', Puang Allataala, na Anak, Puang Isa Almaseh.

2 Timotius 4:6

Na ia tee aku', nadete'mi wattunna, la matena' butung karoba lako Puang Allataala. Te'damo namasai kusalaiko.

Yahya 20:28

Nakua Tomas lako Puang Isa, “Oo Puangku'! Oo Puang Allataala to kusompa!”

Yahya 16:3

Napugaukki susi joo lako kamu', nasaba' te'da naissenni to Ambe', na moi Aku' te'da too naissenna'.

1 Yahya 2:19

Ia to tonnewa Almaseh solata' jolona, apa sitonganna tangngia solata'. Ia ke solata'i, tantu torro unapi ssolanki'. Apa messarakki jio mai kita', anna manassa kumua moi mesa' jio mai tuu lako tau tangngia solata'.

1 Petrus 2:7

Gaja keangga' joo batu lako kamu' to tomatappa'. Apa ia to totangmatappa' napatu to diuki' lan Sura' Allataala kumua, “Ia to batu naca'bean pande bola, menjajimo batu ariri petuo.”

Galatia 1:16

Ia tonna puelohmi Puang Allataala, napangpeissenanmi to Anak lako aku' lan pengkita, kumua la kupangpeissenanni lako bangsa tangngia to-Yahudi. Na ia joo wattu te'damo kupeta'da pangngampa'na tolino.

2 Korintus 4:4

Ia to Ballisi', to ngkuasaii tee lino, iamo ssamboii tangngahna tuu lako tote'da namatappa', anna te'da nakitai to arrangna Kareba Kasalamatan to napupangngarrang kamala'biran-Na Almaseh to sangrupa bang una Puang Allataala.

1 Korintus 9:10

apa kita'ra. Ia joo kadanna Nabi Musa diuki' lako kita' tolino na ia to tonjamai joo bara'bah sola to torridoi joo gose' la natarimai to assele' jamanna.

Yahya 20:13

Mekutanai joo malaeka' nakua, “Oo indo', ciapari mikumillak?” Mebalii Maryam Magdalena nakua, “Mangkai naala tau to Puangku', na te'da kuissenni umbo napanii.”

Lukas 11:20

Apa ia ke mpakena' kuasan-Na Puang Allataala nnula'i setang, battuananna kumua ratumi Puang Allataala mangparenta susi Raja lan tangnga-tangngami.

Lukas 1:43

Indara' tee, anna ratura indo-Na Puangku' ssikitanna'?

Roma 8:39

ba'tu apa jao langi', ba'tu apa lan kuli'na padang, ba'tu laennapa, te'da nakullei mpupessarakki' jio mai pangpakamoja'-Na Puang Allataala, susi to napapajan Puangta' Puang Isa Almaseh.

Filipi 1:1

Ee, tomala'bihku' tonnatoro' jamaa sola tontulung jamaa na sininna umma'-Na Puang Isa Almaseh jio kota Filipi! Aku' Paulus na Timotius taun-Nakan Puang Isa Almaseh ngkiringan kamu' tee sura'.

Filipi 3:12

Te'da kukua mangkamo' nnampa'i joo kukadoangngi, iarika mangkamo' menjaji totangkasalan. Apa tarruh-tarruh bangpa' mpengkulleii, kenna wa'ding kuampa' todai, nasaba' iamo joo patun-Na napupenjajina' Puang Isa Almaseh taun-Na.

2 Petrus 1:2

Dennaa upa' naben kamu' Puang Allataala sabuda-budanna barakka' sola kamasannangan, nasaba' miissenmo to Puang Allataala sola Puangta' Puang Isa.

2 Petrus 1:8

Ia ke messipa' susimo kamu' joo nasamelo-melona, manassa kumua miissen tonganmi to Puangta' Puang Isa Almaseh namakkeguna joo kapaissenanmi.