Filipi 3:20 - Alkitab Duri

²⁰ Apa ia tee kita', jao suruga to tondok kajajianta', na jao toomo mai la tanii ntajan Puang Isa Almaseh, Tomangpasalama'.

Filipi 3:20 Referans Kwoze

Efesus 2:19

Iamo joo ia to kamu' bangsa tangngia to-Yahudi, tangngiamo kamu' tosaleanan ba'tu totangnabasse Puang Allataala. Apa pada-padamo kamu' umma'-Na Puang Allataala sola to-Yahudi to matappa'mo, na direkenmo kamu' pangrapuan-Na Puang.

2 Korintus 4:18

Te'da na ia kipikkiri' to apa nakita mata to cingga'tu'ra, apa iara to tangnakita mata to te'da cappa'na.

Ibrani 12:22

Ee, tomala'bihku', te'da miratu lako buntu susi joo. Sibalikanna ratumo kamu' lako Buntu Sion na kota-Na Puang Allataala to tuo, iamo to kota Yerusalem jao suruga to nanii massa'bu-sa'bu malaeka'-Na.

Kolose 1:5

Matappa' kamu' misipakamoja', nasaba' mirannuan to Puang Allataala kumua la naben kamu' to apa napasadianmo kamu' jao suruga, situru' Kareba Kasalamatan to mangka misa'ding jolona. Tongan joo Kareba Kasalamatan,

Efesus 2:6

Napatuo pole'miki' sola Almaseh, napacadokkoki' jao cadokkoan mala'bih sola Almaseh jao suruga antamangparenta sola, nasaba' memmesa'miki' sola Almaseh.

2 Korintus 5:8

Mawatangki' moi nala'bih takabudai la'pah jio mai tee batang kaleta', antawa'ding mari'pih sola Puang.

2 Timotius 4:8

Na ia tee too dipasadianmo' paraseng kapataloan. Ia to Puang Isa, tomangra'tah tangbimbang, la mbenna' joo paraseng kapataloan ke Kiama'mi lino, nasaba' napupenjaji tomelona' Puang Allataala. Na tangngia aku' manda to la llolonganni, apa sininna to tomamali' ntajan karatuan-Na Puangta'.

1 Tesalonika 1:10

Nacurita toopa kumua mitajan tongan to karatuan-Na pole' Anak Allataala jao mai suruga, iamo to Puang Isa to mangka napatuo pole' Puang Allataala jio mai kamatean. Puang Isamo la mpasalama'ki' jio mai pangsessa-Na Puang Allataala keanu'.

Ibrani 9:28

Susi toomi Almaseh pissenri mpassompan kalena la ndampangan buda tau. Na ia ke ratu pole'mi, te'damo naratu la mpangben sunga'-Na nasaba' dosana tau, apa la mbenmira kasalamatan lako tontajan karatuan-Na pole'.

Galatia 4:26

Apa ia to Sara dipapadai kota Yerusalem jao suruga, iamo indota', to te'da napukaunanni atoran agama.

Titus 2:13

Ia tee too tatajanni joo Wattu tanii la mario-rio. Ia joo Wattu la nakita tau to kamala'biran-Na Puang Isa Almaseh, iamo Puang Allataala mala'bih na Tomangpasalama'ta'.

1 Korintus 1:7

anna te'da barakka' tangmiampui jio mai Puang Allataala, ammida'tan ntajanni to karatuan-Na pole' Puangta' Puang Isa Almaseh.

Jamanna Rasulu' 1:11

nakuanni, “Ee, kamu' to-Galilea, mangngapa kamu' sijenjenan bang ntuu mentingngara de' langi'? Ia to Puang Isa mikita tiangka' lan mai tangnga-tangngami de' suruga, la ratu unapa susi bang una to mikita nena'.”

Matius 19:21

Nakuamo Puang Isa, “Ia ke madoangko sukku', malemoko mbaluk ngasanni to ewananmu, ammubenni tokaasi-asi to allinna, mumane' nnampa' kasugiran jao suruga. Ianna mangkamo joo mupugauk, undimoko nturu'na'!”

1 Tesalonika 4:16

Ia ke mellaomi Puang Isa jao mai suruga disa'ding to gamaranna puanggawana malaeka' gaja tonggo na dipannoni too to tarompe'-Na Puang Allataala. Iamo joo menjaji tanda na ia to tomatappa' lako Almaseh to jolomo lako la dipatuo jolo'.

Lukas 14:14

Na la dibarakka'i kamu', nasaba' ia tuu lako tau te'da nalangkullei mpabalahhii to kameloanmi. La miampa' to pahalami jio mai Puang Allataala, ke wattunnami to tomelo dipatuo pole' jio mai kamatean.”

Pengkitanna Yahya 1:7

Kitai, la ratumi natalimbung saleu'. La nakitai sininna bangsa lan lino, nasikarrakan, moi to tomangka ndokeii. Nang tongan! Amin.

Kada Bulawan 15:24

Ia to tomandalan pangtangngaranna mangnguju de', namambela jiong mai lino tomate.

Filipi 1:10

Ia ke susimi joo, miissenmi mpilei apa to melona, na te'da caccami ke ratu pole'mi Almaseh,

Lukas 12:21

Susimi joo katuoanna to tau nnangaran kasugiran kalena lan lino, apa situru' Puang Allataala tangngia kasugiran tongan joo.”

1 Korintus 15:48

Ia to batang kalena tolino susi batang kalena Adam to digaraga jio mai litak. Na ia to batang kalena to la mentama suruga susi batang kale-Na Almaseh to pole jao mai suruga.

Filipi 1:27

Samari ia to kumua la mituru' tarruh bang to pangngajaran-Na Almaseh. Na moi malena' mati' ba'tu tangmalena' mati', da'tan bang kusa'ding to karebammi kumua mesa' penawa kamu', mipada-pada mpengkulleii anna buda tau matappa' lako Kareba Kasalamatan,