Biblia Todo Logo
Bib sou entènèt

- Piblisite -




Filipi 3:19 - Alkitab Duri

19 Mangkatampakanna la sabu' tuu lako tau, nasaba' mpupuang ba'tangna, mpumatampo panggaukanna to mesirisan, na ia to tangngahna napatuju lako mandai katuoan lan lino.

Gade chapit la Kopi




Filipi 3:19
52 Referans Kwoze  

Ia to tosusi joo te'da namengkaunan lako Almaseh Puangta', apa naniiri ia mpemasannangngi penawanna. Melo bang to kadanna to la nanii nnuraga tomaruruh kaju dalle.


Ia joo guru tangtongan madoang bang doi'. Iamo joo nagaraga bang curita tangtongan nacuritan kamu' la nanii mpesaroi kamu'. Apa ia to pangsessa masaimo napasadia Puang Allataala cingga'tu'mora naratu la ssolanganni.


Battuananna, ia to penawammi la mipatuju lakoi to la miampa' jao suruga, danggi' na apa lan lino mipikkiri'.


Ia to wattu pura diboko', den nabi tangtongan mentialla' lan tangnga-tangngana umma'-Na Puang Allataala. Susi toomi tee too den guru tangtongan la mentialla' lan tangnga-tangngami. Ia to pangngajaranna la mpalao sala na ssolangan tau. Mpessakkannii Puang Isa to mangka lla'bakki jio mai kuasa dosa. Iamo joo madoi' la mparatu kamasolangan lako kalena.


Jaji, te'da too namejangngaran, ke ia tuu lako tompangjaman Ballisi' ssanga toda kalena tompangjaman Puang Allataala. Apa la nnampa' una balahna siangga' to panggaukanna.


Ia to apa mangka kupugauk, la kupugauk tarruh. Te'da kulampeta'dai kamu' to la kuputuona, anna ia tuu mati' tau to ssanga kalena rasulu' te'da nawa'ding mpuji kalena anna mangkada kumua susikan.


Ia joo guru tangtongan la maparri'i sanga mpamaparri'i tau. Gaja mesirisan sipa'na joo guru tangtongan. Napumasannang bang to mangrame-rame na kumande-mande moi allo. Ia ke ratui jio kasirempunanmi mikumande sola, ia to sipa'na meko'dosan nasaba' maullakki.


Nasaba' ia una to tompugauk sunna', te'da naturu' ngasanni to atoran agama, apa iara nakabudai ke mpugauk kamu' sunna', anna pemajaoi penawanna kumua, “Naturu'i to-Galatia to pangngajaranki'.”


Apa ia to tolanjangan, tomboko'i Puang Isa, totangmessipa', topabuno, tomanggauk sala, tomangpatama-tama, tossompa dewata, na sininna tomangnguraga la dipenca'beanni tama api colo' manglanya-lanya. Iamo kamatean mangpenduan.”


sanga mituru' unapa to kamadoangan penawammi. Sanga ia ke masere ati unapa kamu', mimassite'geh bang unapa, iamo joo mpabuttii kumua massipa' susi bangpa kamu' to totangnturu' Puang.


Apa ia to tau mpugauk bangngi to panggaukan gaja', susinna topangkita-kita, tomanggauk sala, topabuno, tossompa dewata, topangnguraga la kadanna, la panggaukanna, ia ngasan tee tau la saleanan jio mai joo kota.


Ia joo guru tangtongan mangnuku-nuku tarruh, namangpasala bang. Pada nturu' bangri kamadoangan gaja'na. Matampo ncuritai to sininna apa napugauk. Nasedei to tau laen nakua anna kesaro.


Nakabudai mpangpejokkoan solana, samangpugaukna bang sola tossanga bang kalena. Nakabudai to mangmasannang-sannang na ia to menturu' lako Puang Allataala.


massisala tarruh te'da cappa'na. Gaja' tarruhmi sipa'na tuu lako tau na te'damo naissenni to pangngajaran tongan. Nasangai kumua, la buda dalle'na, ke mangngagamai.


Napugaukki Puang Allataala susi joo, dikua na sininna tongkabudai mpugauk dosa, na cia' ngkatappa'i pangngajaran tongan, la disessa.


Ia to tau laen pada mparinawa bangri kalena, tangngia pakkaeloran-Na Puang Isa Almaseh.


Te'da lalo misipato' matampo. Tantu miissen battuananna tee pangpasusian kumua, “Ia to ragi ci'di' mpaloboh ta'pung ke mangkami dilama.”


Na moi madosa susi joo, kannora kamu' mpamajao penawammi. Sitonganna la massera kamu' ntangngahhi, ammipasunni lan mai tangnga-tangngami tuu joo tomanggauk susi joo.


Apa ditalomi anna dijokko joo olok-olok sola nabi tangtongan, namane' dipembuangan tuo tama api colo' manglanya-lanya. (Ia to nabi tangtongan iamo to mangka mpugauk tanda makalaen-laen jio olona joo olok-olok. Ia joo tanda napake joo olok-olok mpalao sala tau to den tandana joo olok-olok jio kalena na ssompa tooi joo tau-taunna.)


Sitonganna te'da mipaui susi joo, sanga tomatampo kamu' na tossanga kamu' kalemi. Ia to sipa' susi joo te'da namelo.


mane'ri pajan. Apa ia ke ratu pole'mi Puang Isa, la nasuei joo Togaja' mpake kuasa mala'bih-Na arannai mate.


Masai-sainni te'da bang namadoang joo pangbicara mparinawai. Apa undinna nakua lan penawanna, ‘Moi kutotangmalaja' lako Puang Allataala, na te'da bang mesa' tau kuangga',


Mangngajahhimi Puang Isa nakua, “Den tosugih mangpakean maballo namasuli' allinna. Mangmasannang-sannang bangngi keallo-keallo, sanga sadia ngasan to apa naparallui.


Angkumangkada lako kaleku' kumua: Masannangmoko! Tanglapura to sininna ewanan muampui, moi mangpulo-pulo taunna. Mpessaumoko bo'jo'mu! La mupemasannangngimi to katuoanmu, kumande mandamoko sola mangngiso'.’


Mangkai joo too kukuamo lako to to jio sa'de kairing-Ku' kumua, ‘Ee, kamu' to ditampakki ropu, palai kamu' ntee! Mentama kamu' api naraka dukku te'da cappa'na, to dipasadianmo Ballisi' sola tuu lako malaeka'na.


Apa messailei Puang Isa nakuanni to Petrus, “Ee, Ballisi', palai laloko ntee! La mutumangna', nasaba' ia to pikkirisanmu, pikkirisan tolino ia, tangngia pikkirisan jio mai Puang Allataala.”


Ia to to-Babel mpakala'bih kalena na rrempun bang kasugiran. Benni kamaparrisan sola kamasussan siangga' kedona, sanga mangkadai lan penawanna nakua, ‘Aku' tee raja baine mangparenta. Tangngiana' tobalu. Sikita randan langi'na' kamasussan.’


Gaja parallu joo, nasaba' denmo guru tangtongan mentama buni tangnga-tangngami. Nakua kumua, “Pada-padaki' tomatappa'”, apa sitonganna cia'i mengkaturu' lako Puang Allataala. Nakua too kumua, “Wa'ding bangki' manggauk sala situru' pakkaeloran penawanta', sanga mangpakamoja' to Puang Allataala.” Iamo carana mbalik salai to pangngajaran pangpakamoja'-Na Puang Allataala. Te'da too natarimai to Puang Isa Almaseh kumua Ia manda mesa-mesanna Puangta' to makuasa. Ia joo guru tangtongan la nasessa Puang Allataala, sanga napau jolo nabi tonna anu' to pangcalla napattantumo Puang Allataala la nalolongan to tau susi joo.


Apara bua-buanna miampa' joo wattu? Iamo to apa mipumasiri'mo too, nasaba' katampakanna kamateanra diampa'.


Ia tuu lako tau la disessa te'da cappa'na, diula'i jio mai olo-Na Puang, na te'da naperasaii to kuasa mala'bih-Na.


Apa ia joo guru tangtongan ncapa'i to apa tangnaissen. Kabiasanna bangra nnissenni mangpugauk susi to olok-olok to te'da namangtangngah. Na ia to sipa'na susi joo la napumasolang.


Swiv nou:

Piblisite


Piblisite