Filipi 3:15 - Alkitab Duri

¹⁵ Ia tomasaranianmo la mangpikkiri' susiki' joo. Apa ia ke den kamu' mangpikkiri' laen, na Puang Allataalamora mpamanassai joo lako kalemi.

Filipi 3:15 Referans Kwoze

Yahya 7:17

Ia ke den tau madoang nturu' pakkaeloran-Na Puang Allataala, la naissen kumua pole umbora tee pangngajaran-Ku'. La naissen kumua pole jioraka mai Puang Allataala, iarika pangngajaran-Ku' Aku'.

Galatia 5:10

Moi nasusi joo, kukatappa'i kumua te'dara milatipepa' lako joo pangngajaran tangtongan, nasaba' memmesa' penawamo kamu' Puang Isa. Na ia to tompalao sala kamu' la nacallai Puang Allataala, moi na tomatumba.

1 Korintus 2:6

Moi nasusi joo, mpakekan kapaissenanki' ke sipangkadamokan to masaranianmo. Na ia joo kapaissenanki' tangngia kapaissenan naajarankan tolino ba'tu kapaissenan to naampui to tongkuasaii tee lino, sanga la lanynya' joo tongkuasaii.

Kolose 4:12

Sallangna Epafras mati', mesa' to-Kolose, pangjama-Na Puang Isa Almaseh. Te'da napajaii mpellao doangan kamu' sola ngasan, dikua ammisamawatang-watangnamo susi mesa' tomasaranian, ammituli nturu'i to pakkaeloran-Na Puang Allataala.

1 Korintus 14:20

Ee, tomala'bihku' sola ngasan! Danggi' mimangtangngah susi tote'da apa naissen. Sibalikanna la mangtangngah susira kamu' tomasaranianmo. Apa ianna kagajatan, la da'tan kamu' susi tote'dapa apa naissen.

Matius 5:48

Ia to Ambe'mi Puang Allataala jao suruga mpakamoja' sininna tolino. Iamo joo la susi toda mipugauk.”

Ibrani 5:14

Ia to kande makarrah dipasadian tomasaranianmo. Tomasaranianmo battuananna ia joo tau nnissenmo to disanga melo na gaja', naturu'i to melo.

Kolose 1:28

Karebannamora Almaseh to kipangpeissenan lako sininna tau. Kipake sininna kapaissenanki' mpakainga' sola nnajahhii, dikua anna mesa'-mesa' tau wa'ding kipangngolo lako Puang Allataala susi to tomasaranian, sanga memmesa'mi sola Almaseh.

Roma 15:1

Ia to kita', to mawatang una kamatapparanta', la sabbara'ki' ntulung padanta' tomatappa' to malamma kamatapparanna, ke denni tangnaala penawanna. Danggi' tapemasannangngi mesa kaleta'.

Lukas 11:13

Jaji, moi mitogaja', la miissen mbenni to melona lako anakkami, apa pole' to Ambe'mi Puang Allataala jao suruga la mben kamu' Roh Allataala ke meta'da kamu'!”

1 Yahya 2:5

Apa ia to tonturu' kadan-Na Puang Allataala, iamo mpakamoja' tongan Puang Allataala. Iamo tandana kumua mesa' penawamiki' sola Puang Allataala.

2 Timotius 3:17

Ia to umma'-Na Puang Allataala, ke dipakinalloii to apa diuki' lan Sura' Allataala, nakullei mpugauk sininna pangjaman melo.

Yahya 6:45

Den diuki' lan sura'na nabi kumua, ‘La napaggurui Puang Allataala sininna joo tau.’ Iamo joo ia to tompesa'dingngi Ambe', la ratu lako Aku'.

Efesus 1:17

Kupassambajangan kamu' lako Puang Allataala, Ambe' mala'bih, Puang-Na Puangta' Puang Isa Almaseh, anna ia to Roh Allataala mben kamu' kapaissenan, ammiwa'ding nnissen tonganni to Puang Allataala.

1 Tesalonika 4:9

Te'damo kiparallu nnuki'i umbo la mikua mpakamoja' padammi tomatappa', sanga mangkamo kamu' naajahhi Puang Allataala.