Filipi 2:6 - Alkitab Duri

⁶ Moi sangrupa Puang Allataala to Almaseh, apa te'da napapajanni to kapuangan-Na.

Filipi 2:6 Referans Kwoze

Yahya 5:18

Iamo tee to kada gaja mpamasumanga' pekaamberan to-Yahudi nnangah lalan la mbuno Puang Isa. Te'da na ia manda to ntengkai atoran Allo Katorroan, apa ia toomo to nakua, “Ambe'-Ku' to Puang Allataala.” Nasaba' ia ke susii joo, mpapadai kalena Puang Allataala.

2 Korintus 4:4

Ia to Ballisi', to ngkuasaii tee lino, iamo ssamboii tangngahna tuu lako tote'da namatappa', anna te'da nakitai to arrangna Kareba Kasalamatan to napupangngarrang kamala'biran-Na Almaseh to sangrupa bang una Puang Allataala.

Ibrani 1:3

Iamo joo Anak to mpapajanni lako kita' to kamala'biran-Na Puang Allataala. Ia to sipa'-Na sola kuasan-Na susi una sipa'-Na sola kuasan-Na Puang Allataala. Ia toomo nnampaii tee lino mpake kada makuasan-Na na te'da natiseran. Ia tonna mangkamo mate la ndampangan tolino, cumadokkomi jao suruga jio sa'de kanan-Na Puang Allataala to kaminang makuasa namangparenta.

Yahya 17:5

Oo Ambe'! Pakala'bihmo' tee too. Ben pole'mo' to kamala'biran kuampuimo tontasola unapa, tonna te'dapa nadipaden tee lino.

Pengkitanna Yahya 21:6

Anna mangkada nakua, “Mangkami. Aku'mo pamulanna, Aku' toomo cappa'na. Aku'mo Puang mellao jiona mai ratu lako cappa'na. Ia to tomawakke la kupaiso' wai jiong mai kalimbuah mangpatuo.

Yahya 10:30

Aku' na Ambe'-Ku', tomesa'kan.”

Ibrani 13:8

Te'da namembali to Puang Isa Almaseh, la jolona, la ia tee too na te'da cappa'na.

Yahya 10:33

Mebalii to to-Yahudi nakua, “Te'da na ia to panggaukan melota' angkilalekko'ki', apa iara to ncapa'ki' Puang Allataala. Mesa'ki' tolino, tapapadai Puang Allataala to kale-Ta'.”

Roma 9:5

Ia to to-Israel bati'nai Nabi Ibrahim, Ishak na Yakub. Na ia to Almaseh, to mentolino, bati'na todai. Apa Iamo Allataala to te'da apa njaonannii, to sipato' dipakala'bih te'da cappa'na. Amin.

1 Timotius 3:16

Te'da mesa' tau tanglantongananni kumua liwa' ia mala'bihna to pangngajaran kasaranian, to tangkaissenanpa tonna anu', apa ia tee too napangpeissenanmo Puang Allataala. Susi tee joo pangngajaran kasaranian, “Mentolinomo Puang Isa Almaseh. Napabuttii Roh Allataala kumua Iamo napusannang Puang Allataala. Nakita sininna malaeka', napangpeissenanni tau lako sininna bangsa. Nakatappa'i tolino, naangka'i Puang Allataala tama suruga.”

Yahya 20:28

Nakua Tomas lako Puang Isa, “Oo Puangku'! Oo Puang Allataala to kusompa!”

Yahya 10:38

Apa ia ke kupugaukmi joo jaman nasuanna', micia' ngkatappa'ina', ia bangmo joo jaman kupugauk mikatappa'i kumua jaman pole jio mai Puang Allataala. Na ia minii mpahang tonganni kumua Ambe' memmesa' sola Aku', na Aku' memmesa' sola Ambe'.”

Ibrani 1:6

Apa ia tonna suai Puang Allataala to Anak tungga'-Na mentolino, mangkadai nakua, “Sininna malaeka'-Ku' la ssompai joo Anak-Ku'.”

Titus 2:13

Ia tee too tatajanni joo Wattu tanii la mario-rio. Ia joo Wattu la nakita tau to kamala'biran-Na Puang Isa Almaseh, iamo Puang Allataala mala'bih na Tomangpasalama'ta'.

Matius 1:23

“La den mesa' ana'dara, to te'dapa nalambanni muane, nakeba'tang, na njajian mesa' pea muane. Nadisanga Imanuel”, battuananna “Torroi Puang Allataala ssolanki'.”

Yahya 14:9

Mebalimi Puang Isa nakua, “Oo Filipus! Liwa'mo' masainna torro ssolan kamu', anna te'da unapa muissenna'! Ia to tomangkamo ngkitana', mangka toomo ngkita Ambe'. Matumbai mukua, ‘Pakitankan joo Ambe'’!

Ibrani 1:8

Apa ia to Anak nakuanni Puang Allataala, “Ee, Allataala, ia to kaparentan-Mu la te'da cappa'na! Maruruh to kaparentan-Mu.

Yahya 5:23

Napugaukki Ambe' susi joo, nakua nakasiri'na' sininna tau, susi tau ngkasiri' Ambe'-Ku'. Ia to tocia' ngkasiri'na', te'da toda nakasiri'i Ambe'-Ku' to ssuana'.

Yahya 14:28

Misa'dingmo kukua, ‘La malena', apa la ratu unapa' lako kalemi.’ Ia ke mipakamoja'na', la masannang kamu' kumale lako Ambe', sanga la'bih makuasa ia to Ambe' na Aku'.

Yahya 1:18

Moi mesa' tau te'dapa ngkita Puang Allataala, saliwanna ia to Anak tungga'-Na, Ia bang una Puang Allataala, to torro sola. Iamo mpamanassai lako kita' to Ambe'.

1 Timotius 1:17

Rajai to Puang Allataala to mangparenta te'da cappa'na. Mesa'ri, tangkakitanan na te'da nataloii kamatean. Iamo joo, sipato' Ia dikasiri' na dipakala'bih te'da cappa'na! Amin.

2 Korintus 8:9

Miissen kumua gaja napakamoja' kamu' Puangta' Puang Isa Almaseh. Sugih Ia, apa mpupengkaasi-asii kalena nasaba' kamu', anna ia joo kakaasi-asian-Na mpupessugih kamu'.