Filipi 2:30 - Alkitab Duri

³⁰ nasaba' garapai mate tonna mpangjaman Almaseh, iamo to mpugaukki to apa la mitulunganna', na te'damo nacirinnai sunga'na.

Filipi 2:30 Referans Kwoze

1 Korintus 16:17

Kupumasannang to karatuanna Stefanas, Fortunatus na Akaikus. Susi to kumua ia to karatuanna kamu' to rratuina', nasaba' gaja kukamali' kamu'.

Filipi 4:10

Liwa' masannangku' nang kumangkurru sumanga' lako Puang, nasaba' ia tee too mikiringan omo' pangtulungan. Sitonganna ia to wattu puramo miingaran una ia, apa tangpadete' kamu'.

Jamanna Rasulu' 20:24

Apa moi nasusi joo, te'da kucirinnai penawangku', podo wa'dingna' mpatarruhhi to jaman nasuanna' Puang Isa la llundukkii samateku' mpangpeissenanni to Kareba Kasalamatan kumua nakamaseiki' Puang Allataala.

Filipi 4:18

Kutarima ngasanmo, na la'bih budamo na ia to kuparalluinna. Kala'bianmo', tongkutarimami jio mai Epafroditus to apa mipangben. Ia to pangpabenganmi susi karoba bunangngu', to napumasannang Puang Allataala.

2 Korintus 12:15

Iamo joo namacanning atingku' mpangbenni to sininna apa kuampui, moi batang kaleku' kupangben too nasaba' kamu'. Na ia ke susimo' joo mpakamoja' kamu', te'da nasipato' ke te'damo mipakamoja'na'!

Pengkitanna Yahya 12:11

Mangkami nataloi padanta' tomatappa' mpake rara-Na Anak Bembala' ba'tu rara-Na Puang Isa na Kareba Kasalamatan to mangkamo napangpeissenan. Te'da najampangngi sunga'na moi na la mpumatei.

Filemon 1:13

Madoangra' la mpatorropi anna sulleko mbaliina' ke lanpa' pangtarungkuan, nasaba' mpangpeissenanna' Kareba Kasalamatan.

Filipi 2:27

Masaki tonganni ia, na garapai mate. Apa nakamaseii Puang Allataala, na te'da na ia manda nakamasei apa moi aku', dikua nadanggi' kusamaparri'-parri'na.

Filipi 2:17

Ia tee aku' mangkana' mpaissenni kamu' to Kareba Kasalamatan ammimemmatappa'. Na moi nadipato'do to raraku', nabutung dipatibolloh susi karoba lako Puang Allataala nasaba' ia to mangka kupugauk lako kalemi, la masannangna' antamasannang sola.

1 Korintus 16:10

Ianna ratu Timotius mati', tarima meloi anna masannang torro sola kamu', nasaba' susi bang una aku' mpangjaman Puang Allataala.

1 Korintus 15:53

Ia tee batang kale la mate naburuk, la dipupembalik batang kale tanglamate na tanglaburuk.

Roma 16:4

Ci'di'mora namate sola dua mpessangkaina'. Te'da na aku' manda to mangkurru sumanga' lako kalena sola dua, apa sininna too jamaa bangsa tangngia to-Yahudi inde'.

2 Korintus 4:12

Jaji, ia to kami' tuli naancangkan kamatean, dikua ammiampa' katuoan melo te'da cappa'na.